الثلاثاء، 2 ديسمبر، 2014

ياسرقة القلب



ياسرقة القلب

ياسرقة القلب سكيتى
 رباط الحب فكيتى
وباب الود سكيتى
وزاد همى وبكيتى
ياسرقة القلب سكيتى
***
سماع اسمك بيشجينى
وأمدح فيكى تهجينى
ومهما أنادى ماتجينى
بساعة وصل نجينى
ياسرقة القلب سكيتى
***
ده قلبى العاصى متروض
فى بحر الحب بيخوض
وأمره إليك متفوض
ولو ضاع حبى مايتعوض
ياسرقة القلب سكيتى

 بيرم المصري

هناك تعليقان (2):

Mostafa Hashem يقول...

مشاعر رقيقة للغاية .. وفيها استسلام كامل للمحبوب .. أدام الله عليك هذه المشاعر الفياضة التى أخرجتنا من الحديث عن الجماعة ومرسى وبدعدع والكلام اللى زى الدبش اللائق بهم .. إلى هذه النقلة النوعية .. بصراحة كنا فى حاجة إليها حتى لاننسى أننا بشر

Beram ElMasry يقول...

صديقي العزيز مصطفي هاشم
ارجو من الله تان يهديني الي مايدخل الرضا في نفوس اتلمتابعين وان يجدوا بعض المتعة في تنوع ما اقول
تحية وسلام ولاسلام مع بني اسرائيل