الأربعاء، 25 سبتمبر 2013

زى الكلاب






الزواحف اضعف المخلوقات من بعد الحشرات, غير ان مظهرها قبيح ومخبرها كريه, وشرها مستطير تسكن الاحراش والخرائب, وتتخذ من الجحور والشقوق بيوت, وهي متعدده الطوائف كالتقسيم البشري للجماعات السريه كالخوارج والروافض, والباطنيه والحشاشين والقرامطه, واخوان الصفا وشقايق الشيطان...ومن فصائل الزواحف السحالي والابراص ومن طبيعتها انه عند سحقها تنفصل الاذناب وتبقي حيه لبضع ثواني وتصدر عنها حركات فجائيه هوجاء وعصبيه وبرغم انه لاضرر منها فالقضاء عليها حكمه كأي بقايا لجماعات سريه القضاء عليها فطنه وجلب للمنفعة

زى الكلاب

زى الكلاب لما عوى مبحوح وصوت مشـــروخ
حلمه المريض استوى وبنار العوز مطـــــــبوخ
تكله الغلابه بجهــــــــــــلهم تتوه معاه وتدوخ
واللى إندبح أيه يوجـــعه لو كان يبات مسلوخ

اللحية عندك ياغــــبى زى الخــــــــــــمار للبنت
ملعــــــون وكلك عفن بالشــــــــــــــــــر عنا بنت
بالرحمــــــة لان الحـــــــــــجر وانت الوحيد مالنت
خروف فى سوق الغنــم ماتجيبش عشرين سنت

ولاد أبالسة خايل عليـــــــــــــــــــــــــــهم شغل الأونطه
كفرلي دينـــــــــــــــــــــى وخلى دينه إسلام بشرطه
جلاب مـــــــــــــــــــــــــــــصايب يزق شعبى لألف ورطه
كذاب وفاجر وعملى تاجر شفطلى خيرى ماخلى شفطة
يامصر شعبك جيشك يمينه وشمـــــــــــــــــــاله شرطة
لا كنتى وجبة لأى خـــــــــــــــــــــــــاين ولا كنتى تورطة

بيرم المصري





الأحد، 15 سبتمبر 2013

قصيدة الحمل لو يوم تقل



علي مدي اسبوع مضي وكنت اعاني الامرين من الآم الضرس والمعاناه عند الشراب والطعام وحتي عند الكلام , فواعدت طبيب الاسنان يوم السبت 7-9 .....اسطحبتني ابنتي لعيادة طبيب الاسنان وكان بالضروره ان نمر علي اشارة رابعه وما ان قربنا حتي استعاذت ابنتي وحوقلت وقالت بصوت حزين وغاضب ايه الدمار ده الارض والارصفه والحيطان حتي الشجر اصابه الخراب وردمه التراب. فقفذ الي مخيلتي مافعله همج المغول في زحفهم علي ديار المسلمين  لتدميرها والقضاء علي الدين فاحرقوا الاخضر واليابس ولم يبقوا للحياه اثر فانقبض صدري وعاودني الالم. بين يدي الطبيب قال لي رغم ان الضرس ظاهرة ابيض وسليم فانه منخوب من الداخل ولاعلاج الا خلعه وتنظيبف اثاره وبقاياه ومن بعدها ستشعر بالراحة ففتحت فمي علي اخرة وتركت الطبيب يفعل مايراه صواب  وصبرت نفسي بالمثل "وجع ساعه ولاكل ساعه"

 


قصيدة الحمل لو يوم تقل
الحمل لو يوم تقل ماتمـــــــــشي به عوجه
وانســـــي كلام اللوع واللي بيركبوا الموجه
قضوا امورهم بلطجه والكدب في الهوجة
يامصر يامدرسه فيــــــــكي الزمان خوجه
يقرا ويتـــكلم
نسمع ونتــعلم
واللي اتحكي جوا القلوب محفوظ
***
سفاح وعامـــل ولي واللي عاداه كافر
قلبه المريض من حجر كف الايدين حافر
الشر في طلعـــــــــــته والشر فيه وافر
ربي الكريم يلعنه ولذنبـــــه مش غافر
لاشوفنا ليهم ســــــــكه ســـــلامه
ولاشوفنا فيهم للــــــــــخير علامة
واللي عاداهم هو الوحيد محظوظ
بيرم المصري



الخميس، 5 سبتمبر 2013

بان لى غدرك ياحماس


كان فى القرية المجاورة لقريتنا رجل طويل نحيف وملتحى , وجهه جامد .. باهت .. لا حمرة فيه , وما كان يشرع عينيه فى وجه محدثه , وأسمه الشيخ قطب ، لا يزرع ولا يقلع وكانت حرفته الوحيدة هى القتل بأجر.. ومن نوادره أن صلى يوم جمعة فى مسجد قريتنا وتصادف جلوسه إلى جوار صديق لنا من القرية وأخذ شيئاً عن عنق هذا الصديق وخرج إلى باب المسجد ثم عاد إلى مجلسه .. فسأله: فيه إيــه ؟ فأجاب الشيخ قطب .. كان فيه برغوث ورميته .. فسأله : مموتهوش ليه ؟ . فقال الشيخ قطب : استغفر الله العظيم دى روح !! .. ودامت النادرة طويلاً حتى كاد أن يطويها النسيان لولا سلوكيات الجماعة أعادتها إلى الذاكرة .


بان لى غدرك ياحماس

بان لى غدرك ياحماس
العيال اللى حداك فى الحقيقة مش رجال
والهزيمة حطه فوقك حربك أنت مش سيجال
غدرك انت والخيانة فيهم ليك دول مجال
رد فعلك فيه غباوة فيه رعونة وارتجال
خال علي يوم خداعك للقضية كنت شارى
وبفلوسى شربتوا خمرة والتسلى بالجوارى
يعنى حرمة ويا كاس

تحدفينا بمر غدرك على اليهودى ترمى طوبه
شوف هنية والهفية دول مطية دول ركوبة
بيك وصمة سودة مرة أنت فوق الخد قوبة*
للخليقة أنت عار أنت وصمة للعروبة
والجناح اللى اسمه عز بالمناسبة اسمه زوبه
كنت بجمع التبرع كنت أخبى كنت أدارى
وأنهارده لجل غدرك ليكى عندى سم هارى
لجل غدرك يا حماس

لما شفنا سوء طباعك قلنا عبتك ماهى عيبة
عكروا المية وصدتى وكل صيدك من دنيبة**
والهوامل يحكموكى لا كرامة ومافى هيبة
مهما لعبوا فى دماغك مش هتبقى مصر سيبة
أنت عايشة لجل مانتى لسة عايشة فى جوارى
لو أشيل عنك حمايتى تبقى وجبة للضوارى
كل غازى راح يدوسك بالمداس
ياحماس

*قوبة: مرض جلدي
**الدنيبة:طور من اطوار نمو الضفضعة

بيرم المصري