الثلاثاء، 24 فبراير 2015

اسألوا الحاخام اوباما



قصيدة اسألوا الحاخام
اسألوا الحاخام اوباما لو يغير في الطريقة
النيران اللي بعتها نار عدوة مش صديقة
ناره حوله ف نيشانها في الاصابة مش دقيقة
واللي بيها ماتوا منا كانوا اكتر ف الحقيقة
اللي يفسد ثم يهرب او بيقتل او بيضرب له حقوقه
واللي مات بدم بارد الف حاجة راح تعوقه
دا الكلام اللي سطلهم من سطلهم ليه يفوقوا
واللي ساقوا ف العباطة ف العباطة راح يسوقوا
دا اللي باعتوا الغرب لينا ما في حاجة فيه تسر
فوضى جرب ثور وخرب او تعارض انت حر
دي مغالطة مهما تحلى نلقى فيها الطعم مر
اللي داعش واللي دومه والمفاسد راح تكر
ليه يا داعش فرعك انتي ف الخليقة فرع مايل
مهما رحتي مهما جيتي او تسوي ف الهوايل
اسمك انتي واللي زيك من وجودنا بكره زايل
دا قرار وحكم مصري والدراع المصري طايل

الثلاثاء، 17 فبراير 2015

يا مصر يا حرة


يا مصر يا حرة



يا مصر يا حرة واطهر مكان

دا ربي اللي واصفك بارض الامان

لا انسي هيقدر ولا اي جان

يطولك بشره لآخر الزمان

وجدنا جماعة فتحنا لها باب

وبانت فعالهم فساد وخراب

والشؤم اللي فيهم دا شؤم الغراب

وفيهم نجاسة نجاسة الكلاب

مسحنا اسرهم وكل اللي بان

قطعنا جذورهم وكل اللي كان

يا مصر يا حرة يا ارض الامان

الثلاثاء، 10 فبراير 2015

خليفة لداعش


قصيدة خليفة لداعش



خليفة لداعش وطفح المجاري

بيحلم بسلطة وحبة جواري

وينشر فساده في كل الحواري

ومهما يخبي ومهما يواري

تبان لك طباعه طباع الضواري

خليفة لداعش وطفح المجاري

بدينه المشوش ييفسد خياره

يخرب دياري وسايب دياره

وينشر فساده وفالت عيارة

يبالغ في شره دليل انهياره

وبايدك يا اردن يتم انكساره
خليفه لداعش وطفح المجاري

الثلاثاء، 3 فبراير 2015

اخوانجي سافل


قصيدة اخوانجي سافل



اخوانجي سافل غبي وفي هيئتة حلوف

والاخت دي مسخره والامر دا معروف

تيران وغايب وعيهم شالوا بارود وسيوف

فكر الخليقة اتعدل وفكره بالغبى مكفوف

واللي ضميرها اندفن عميت ولا بتشوف

تلقى مزاجها انحرف وع الشيطان بتلوف

تسمعها في النحنحة تلقى الكلام مكشوف

والبق بالحمرة اندهن والخد دا منتوف

جهاد المناكحة دوى للي زيها موصوف

مات الخشى من فعلهم مات الخشى مكسوف