الثلاثاء، 18 أكتوبر، 2016

عريـــــس الغــــفله




عريـــــس الغــــفله
عريس الغفله صادمني بايد كتعه وايد شوله
ويتسابق بيتاخر مفيش مره كسب جوله
قالتله الكوديه تتبخر بعين عفريت تكون حوله
كمان تلبس قميص احمر وبالمقلوب مالوش كوله
***
وطوب الارض متضايق بيتمقلت ويتاوز
عشان بوزه بطول شبريين لو يكشر او يبوز
يشوفه القرد يتعفرت ويتعصب ويتعوذ
لكن جاني طلب ايدي وكان قصده هيتجوز
****
واهو جاني بجيب فاضي من الشبكه ايديه فاضيه
وخوفت القطر لايفوتني وفقت عليه ومش راضيه
لاقيت الفرح بلوشي واهي ضربه صحيح قاضيه
عشان الدنيا عايزه شريك ماتنفعش تكون فاضيه
بيـــرم الــمــصري