الثلاثاء، 30 ديسمبر، 2014

اخوانجي طبعه فسد


إخوانجي طبعه فسد


اخـوانـجـي طـبـعـه فسـد معرفش ليه وازاي

شـيـطـانـه بـيـنـطــطــه وكـانـه لابــس يـــاي

والـدم الاحـمـر عـنـدهم يـدوب بـلـون الـشاي

قلبه المريض من حجر ما يهزه عزف الناي

****

اخوانجي طبعه جـبان لكنه في الشر مارد

الخير في قلبة انعدم وقلعه للشرور فارد

والـغـدر دا مـذهـبـه يـقـتـل بـالـدم الـبارد

والطبـع دا مــش طبعنـا والفـكـر دا وارد

****

يا شـلـة طـبـعـك فـســد لـلـشــر تـتـعـاطــي

الشر من شركم اتفزع حط الشيطان واطي

نوزن فعالة بفعـلـكـم بالحـق مش اعتباطي

طلع الشيطان ينفع ولي والمـرشد الخاطي

الثلاثاء، 23 ديسمبر، 2014

صداع مسكني



صداع مسكني
صداع مسكني في الراس مكبش
فـزعـلـي قـلـبـي والـجـتـة لـبـش
غـمـالـي عـيـنـي مـشـيت اضبش
قـلـبـي الـمـعـبـي مـلـيـان مـكبش
وقـبـلـك انـتــي قـلـبــي مـحـبــش
لا زواق يـهـمـه ولا قـول محبـش
وفـي بـحـر حـبـك غـرقـان مـقـبـش
بيرم المصري

الثلاثاء، 9 ديسمبر، 2014

الكلام اللي




الكلام اللي

الكلام اللي هقوله بالضرورة مش هعيده
اللي فرط في قديمه راح يفرط في جديده
واللي ميت فيه ضميره مش هيقدر يوم يعيده
واللي ماشي بفكر غيره مش هيعرف ايه يفيده
واللي تابع وحي نفسه وحي نفسه راح يبيده
واللي يسمع من شيطانه  الشيطان ده بيبقي سيده
الشيطان بالوهم يخدع والالاه يرحم عبيده
واللي عاصي مش هيهرب من حسابه ومن وعيده
بيرم المصري

الثلاثاء، 2 ديسمبر، 2014

ياسرقة القلب



ياسرقة القلب

ياسرقة القلب سكيتى
 رباط الحب فكيتى
وباب الود سكيتى
وزاد همى وبكيتى
ياسرقة القلب سكيتى
***
سماع اسمك بيشجينى
وأمدح فيكى تهجينى
ومهما أنادى ماتجينى
بساعة وصل نجينى
ياسرقة القلب سكيتى
***
ده قلبى العاصى متروض
فى بحر الحب بيخوض
وأمره إليك متفوض
ولو ضاع حبى مايتعوض
ياسرقة القلب سكيتى

 بيرم المصري