الجمعة، 19 مايو 2017

بياض جبينها لبن



بياض جبينها لبن
بياض جبينها لبن والشعر ده كابي
والوش دايره قمر والشفه عنابي
لسان ينقط عسل ولافيش كلام نابي
اجعلها من قسمتي يارب ومنابي
وانت ياحلوه اقبلي واياكي تتغابي
تلقي لساني فرد والوش خشابي
وتبان صنوف الاذي ويا الزراق نابي
بيرم المصري

الخميس، 4 مايو 2017

رباعيات




ليه وعودك دايما كتيره وانت ناوي تخون
وليه كلامك ملاوعه بالغش كان مدفون
ده مهما طال الليل لكان ولاهيكون
وتموت جدور المحبه والعشره برضو تهون
بيرم المصري
***