الخميس، 6 فبراير 2014

رباعيات الوان 1



رباعيات ألوان "الاولي"



الحلوة فوفو
الحلوة فوفو وفية عـــــــــــــفية وخطوتها ترج البيت
الشعر سايح ونايح وكنـــــــــــــــــــــــــه مدهون زيت
والخصر ده يتلف يدوب بعرض الكف وعشان كده طبيت
فوقه عجب تحته عجب دســـــــــــتور يا أهل البيــــــــت

مالك يتسرق
مالك يتسرق لو فى الخلا متــــــــــساب
ويضيع مهما كتر لو مايحكموش حساب
والمية زى الهوى من بين الأيدين تنساب
والعدل راح ينحرف لو للأحبه حـــــــساب

فيه إخوانجى
فيه إخوانجى وإسم الأبعد دكتور قرقر
لما بياكل عمره مايشبع عمره مايشكر
لما يهرتل دغرى بيكدب دغرى بيفشر
                                                      لو تسمع له غصب عنك لازم تـــــشخر
                                                           بيرم المصري

هناك 8 تعليقات:

Mostafa Hashem يقول...


طبعاً الجميل طب لأن الحلوة فوفو قبل الزواج بتكون حلوة فعلاً وتوظف كل مواهبها لإصطياد الحلو اللى شافت فى عينة نظرة إعجاب .. وهى من ناحيتها تأكد على مايراه .. وعينك ماتشوف إلا النور بعد الزواج .. الشعر السايع النايح يصبح مكركت .. والخصر إياه يصبح مجور والحلوة فى الأصل تصبح بشعه فى الأصل أيضاً .. والله يكون فى عون الرجال من فوفو وأخواتها
ورباعية مالك يتسرق فيها حكم جميله تتلخص فى لا تفريط ولا إفراط بوركت والتعبيرات جميله
أما قرقر أفندى ومن هم على شاكلته فيبدون أنهم يقرأون السنة ولكن يطبقون عكسها .. فغالبيتهم كرشهم واسع جداً .. ويستحلوا ماليس لهم .. والتقية عندهم هى الكذب فى جميع الأحوال .. وعندما يتكلم لا يمكنك فعلاً أن تطيق مايقول لانه لا ينطبق على الواقع بحال فهو غالباً يعيش فى غيبوبة أو فى عالم إفتراضى بينك وبين مايفكر فيه مسافه تجعلنا لانفهم مايقول .. مما أخرج الشاعر عن وقاره وقال ماقال .. اللهم إنتقم من قرر ومن كل قرر إصيبت به مصر أو إصيب به حتى الكفرة

غير معرف يقول...

بسم الله الرحمن الرحيم

ايه الجمال ده (فوقه عجب تحته عجب) ايه خط الاستواء ده .. ..اننى اتعجب من امامى بشار بن برد ..فهذا المعنى الجميل يجعل كل ما فى المرأه يميل ..ولكن برغم مافى البيت من تلميحات حسيه واضحه ولكنهامغلفه بضديقنا اللدود (المبنى للمجهول)فقد استطعمناها ومازالت حلاوتها ظاهره ليست على شفاهنا ولكن فى عيوننا..مره ثانيه الله عليك يابيرم يامصرى

اما فى الرباعيه الثانيه فانت قد لخصتها فى كلمه ( والعدل راح ينحرف لو للأحبه حـــــــساب )..واكدتها فى الرباعيه الاخيرة حين شجبت ما يفعله الاخوانى وقلت ( لو تسمع له غصب عنك لازم تـــــشخر) ..هلى هناك ما يقال بعد هذا السهل الممتنع...اخبرتك اكثر من مره انك هذا السهل الممتنع سيدى الفاضل..فشكرا ثم شكرا على امتاعك لنا

ورد الغصون

Mostafa Hashem يقول...

حياة الحيوان الكبرى
http://archive.org/download/abu_yaal...awan_faris.pdf

كتاب المستطرف
http://www.al-hakawati.net/arabic/civilizations/218.pdf

الوفيات يقول...

الله يكون فى عون الرجال من فوفو وأخواتها

Beram ElMasry يقول...

اخي وصديقي الحبيب
داري عليا وخبي مش عايزين فضايح... :)
تحية وسلام ولاسلام مع بني اسرائيل

Beram ElMasry يقول...

العزيزة الغالية ورد الغصون
لقد اصبتي كبد الحقيقة كعادتك... :) يسعدني تعليقك
تحية وسلام ولاسلام مع بني اسرائيل

Beram ElMasry يقول...

الاخ الكريم الوفيات
شكرا لمرورك وربنا يكفينا شر فوفو وربنايستر علينا من اللي جي :)
تحية وسلام ولاسلام مع بني اسرائيل

Beram ElMasry يقول...

الاخ الكريم الوفيات
شكرا لمرورك وربنا يكفينا شر فوفو وربنايستر علينا من اللي جي :)
تحية وسلام ولاسلام مع بني اسرائيل