الاثنين، 11 مايو، 2015

دواهـــــــا فى طلاقهـــــــا




دواها فى طلاقها
كتير ضحايا شباك هواها ولا حد قدي ياناس هواها
مشيت بخطرى على هواها معرفش غيرها ولا سواها
وحقى منها بخده شحاته كسولة وثئيلة ودائماً بروطه
علشان سلق بيضة بترسم فى خطة
ورحنا الملاهى رجعنا بشرطة
دي من عهد خوفو وعملالى قطة
ثئلة وغتيتة وبرميل غتاتة
ناس تشوى لحمه وكفتة فى سيخ
ودي بوزها ناشف بتحرق طبيخ
تبكى وتلطم ويعلى الصريخ
تقصر فى عمرك وحالا تشيخ
دواها فى طلاقها يكون بالتلاتة
بيرم المصري

هناك 5 تعليقات:

Mostafa Hashem يقول...

الأبيات الثلاث الأول يتضح منهم أنك واقع فى هواها وماتعرف غيرها وهى التى تتدلل
ثم فجأة قلبت عليها بلا مقدمات وكلت لها من جميع أصناف السباب اللى قدرك عليه ربنا وختمت بأن العلاج فى طلاقها بالثلاثة
أنا الآن واقف بعد الثلاث أبيات وقبل المجموعة التالية محتار دليلى أنت مع الوصف الأول أم الثانى
خد بإيدى يابنى أنا مش من هنا

غير معرف يقول...

بسم الله الرحمن الرحيم

كل اللى انا شايفاه انك واخد حبوب الشجاعه وبتهدد ان دواها طلاقها ..
طب انت قد الكلام ده ؟ناسى ان فيه مؤخر صداق ونفقه متعه والاهم من كل ده الاولاد..ياترى مين اللى حاياخدهم..
فكّر شويه وكمّل حياتك بالطبيخ الشايط والاكل المحروق..وقول لنفسك ايجابيتها سلبيات فى غيرها والعكس صحيح..
يعنى من الآخر كده كل عيش وانت ساكت

واخيرا يا شاعرنا وزجالنا الهمام أحسنت أحسنت لقد اخذتنا بداخل الحاله المعروضه امامنا ..الم اقل لك من قبل انك وما تقوله هو السهل الممتنع ..حقا لا فض فوك ..
جميله جدا جدا جدا وارفع صوتى بقول (هل من مزيد)..
واخيرا يا شاعرنا وزجالنا المفضّل

غير معرف يقول...

اسفه نسيت ان اترك توقيعى عل ما كتبت

ورد الغصـــــــــــون

Beram ElMasry يقول...

صديقي مصطفي
ده حال الدنيا اصلا حخبة فوق وحبة تحت
وانا كمان مش من هنا اصلا
تحية وسلام ولاسلام مع بني اسرائيل

Beram ElMasry يقول...

عزيزتي ورد الغصون
انت تتميزين بقراة المعني في بطن الشاعر وارجو ان تطمئني فالزواج عرفي لا نفقة ولامؤخر وربنا يعديها علي خير
تحية وسلام ولاسلام مع بني اسرائيل