الأربعاء، 13 فبراير 2013

مخبـــــــــــرنا العــــــام


God Curse Israel & all who support it to kill women and children 
اذا كانت اماطة الاذى عن الطريق صدقة فقتل الصهيوني صدقة
***ملعون كل من خان شعبه ومبتور نسله وسود الله وجه واخذاه***





رباعيه ضروري تفهم
ضروري تفـــهم ولازم هتسمع
ده دي مش وليمه وفيها تشبع
لاخوفنا وعيدك ولاحتي ينــــفع
ورجع صباعك مكـــانه لاتنشع

********************

مخبـــــــــــرنا العــــــام
مخبرنا العام راجـــــــل هنكار
بيودي الجنه بيـــــــــودي النار
وده امره مطاع ومفيهش هزار
لكن في الفتوي يساوي حمار
***
مخبرنا راجل بهلول واكبر طرابنش
يحب الصدر يموت في الهــــــــنش
ويعوم علي عومك زاي اللنــــــــش
لكن في الفتـــــــــوي يساوي حمار
***
بيلغ اللحــــــمه في الفته يلظ
ويشوف الطفلـــــه عنيه بتبظ
وتقوله بلدنا يقولــــــــــك طظ
عشان في الفتوي يساوي حمار
مخبرنا العام راجل هنــــــــكار

بيرم المصري


 



هناك 6 تعليقات:

وفاء بركات يقول...

أخي الساخر الساحر أستاذ بيرم المصرى
أستاذ مصطفي هاشم
لكم مني كل إحترام
ماعاد لنا غير السخريه حتي من أنفسنا نحن مثل الحرامي الذى أحب الهروب من الشرطه فإختبأ في البوكس ...
نحن أدمنا أكل الحلاوة معتبريين أننا أذكياء وإعتمد هذا الفصيل المزعج علي ذاكرتنا منتهية الصالحيه إلا من رحم ربي وإستغل الجهل والفقر وتسلق كعادته علي جهد الأخريين بالإفك والتزوير وبكل الطرق الغير شرعيه وبإسم الشريعه ليصل إلي مآربه نحن آسرى في بلادنا ..
هذه المدونات ماهي غير تنفيس عن الغضب الكامن بداخلنا لم ولن ياتفت إليه أحد إنتقضنا سخرنا فنحن نأذن في مالطه.ز
أسفه للإطاله
ولكم السلام ولمصر الأمن والآمان ولليهود الخزى والعار ولكل من تسبب في حزن أم وآهر أب بإراقة نقطة دم مصريه كل آلم ووجع

وفاء بركات يقول...


آآه يازمن فيه الإخلاص ذهب
وحل الصفيح مكان الدهب
وغلبت السفاله فيه الأدب
وكبير القوم وعد وكدب
والقوم إتمزعو في غضب
بعدما إتفككو كما حزمة حطب
يسهل كسرها والمكر غلب
وإذا عرف السبب بطل العجب

غير معرف يقول...

اخ
بعما ايه يرجع صباعه قين ههههههههههه شديده قوي دي بس هتوحشما والله عم بيرم كان طيب ياناس. دول هيخلوك تفتح هههه لمواخذه ده حضرتك خسلتهم ونشرتهم وبعدين لمتهم وحطيتيتهم في البلاعه وبعيد طلعتهم وهوتيهم شويه وبعدين في الكنيف وعبتهم لا والا القصيده
مخبرنا راجل بهلول واكبر طرابنش
يحب الصدر يموت في الهــــــــنش

بيلغ اللحــــــمه في الفته يلظ
ويشوف الطفلـــــه عنيه بتبظ
وتقوله بلدنا يقولــــــــــك طظ


يودي الجنه بيـــــــــودي النار
وده امره مطاع ومفيهش هزار
كله حقيقي حقيقي اعجزت واوجزت وكمان فش في موضوع او مقال لا في ابيات قصيره
بس بصراحه ماعجبنيش بيت
لكن في الفتوي يساوي حمار
مش عارف اولا دي شتيمه
ههههه اليعني اللي فات مش كده بس هو فعلا مش شتيمه ده وصف لحالهم وارائهم وتصرفاتهم لكن شتيمه صريحه مش راكبه حاسس انك ممكن تدعبس علي قافله تانيه برضو عن الفتوي لانهم خلاص فصلوا فعلا وانهم فعلا عنيهم بتبظ علي العيال لا ودلوقت بقي الرجاله كمان محدش بقي متامن خالص في البلد كل واحد ياخد باله من لغلوغه القوض كلها ضالمه دلوقت ومحدش عارف ايه اللي بيحصل وفي مين بجد الواحد بيسمع الاخبار والقنوات الاخوانيه بقي مش عارف يضحك ولا يعيط وبجد لامفر من الاندهاش وراحت خلاص علي سوسو
سلمت يامعلم استااااااااااااااذ
اخوك الصغنن اللي بقي يمشي يبص وراه

Beram ElMasry يقول...

اخي وصديقي مصطفي هاشم
ياسي مصطفي الواحد خلاص جاب اخره من عمايلهم ماتقولش انك مش حاسس بده لانه واضح للجميع. واحنا جربنا كل الطرق دي الطريقه اللي باقيه وبعدين اناشايف اني ماقلتش غير مايحدث وترجمته في هيئه كوميدياسوداء
تحيه وسلام

Beram ElMasry يقول...

الاخت العزيزه وفاء بركات
لاحرمك الله من بعد نظرك واوافقك الراي في ماقلت. وجميله وخفيفه ابياتك كالعاده وبالاخص الثلاثه الاول
سلامي لابنتك الكريمه
تحيه وسلام

Beram ElMasry يقول...

خي الصغنن حلاوه
لطالما احببت تعليقك واغرقني في نوبه من الضحك .عموما انت بالذات تمشي وظهرك للحيطه وانا شايل لغلوغي في البلد, خالي بالك انت من لغاليغك ياسيد

كنا بنقول زمان مفيش بنت تمشي باليل لوحدها يفضل معاها راجل طب دلوقت احنا محتاجين حاجه تالته لان الاتنين دلوقت يتخاف عليهم
ربنا يرحمنا
تحيه وسلام