الاثنين، 21 يونيو، 2010

ياربيع الكون

God Curse Israel and all who support it toKill women and children
اذا كانت اماطة الاذى عن الطريق صدقة فقتل الصهيوني صدقة


الحب لعبة قدر والبخت ضربة حـــظ
باينة لعين البشر حتي الكفيف يلحـظ
وبيه يلين طبعنا حتي ولوكان فــــــظ
والقلب لو من حجر العشق ليه اوعظ

الحب وسيلة بها نهيئ انفسنا للعطاء او القبول مما يحقق لنا اشباع الغرائز او تحقيق الذات, والاسراف او الشح مفسدة, فالاسراف في العطاء سفه وتبذير والشح في العطاء بخل وتقطير. والاسراف في القبول او التلقي نهم او شراهة والشح في القبول صد وتعالى , والقصد فيها فطنة والنظر في العواقب حكمة





ياربيع الكــــــــــــــون

ياربيع الكــــــــــــــون بحالــــه
قلبي غيرتـــــيلـــــــــه حالـــــه
فين جوابـــــك عن سؤالــــــــه
لو تقولي انت فين وهو فيــــــن
كان هيبقي في رقبتى ليك ديــن
غير محبة وود وافى
ياربيع الكون بحاله
***
ياربيع القــــــلب قبـــــلك قلبي فاضــــي
زاد علي الصبر احتماله وبرضو راضــي
انت تبقي جاني وبرضو انت تبقي قاضي
حكــــــــمك انت فيا نافذ له خـــــــضوعي
راح اصونه جوه قلبي وبين ضــــــلوعي
لجل يبقي عن عيــــــون الخــــــلق خافي
ياربيع الكون بحاله
***
لما طيفك قام يودع بوســــــت ايده وقلـــــت بدري
انت نسمة جوه قلبي جوه لـيل العشــــــــق بدري
وانت جنــــــــبى جوه قلبي جوه نفسي يعلا قدري
يوم سروري في وجودك يوم غيابك كنت اعانــى
م انت روح الوحي جوه كل الفاظ الاغانـــــــــــي
وانت كف الســــحر تغزل كل اوزان القوافـــــــي
ياربيع الكون بحاله
***
من بنات الحــــور وانت قلبــــــــي ليك بس نقـــــي
قمت اشرب من سبـــــيلك تمنـــــــعيني و قلتـــــى لأ
تحرمينــــي وقلبي عمره في غرامــــه ليك سقــــــي
صدقيـــني حبــــــــي صافـــــي
صدقيـــــــــني قلب دافـــــــــــي
قلبي قرب وانت قلبك ليه ياجافى
ياربيع الكون بحاله

(اليهود اعداء الله اعداء البشرية فلا تامنهم )

عندى جديد كل ثلاثاء فشاركونى بالنقد والتعليق
بيرم المصري

هناك 12 تعليقًا:

Haytham Alsayes يقول...

قولت اجيلك اول واحد عشان اعوض اني مجتش الاسبوع اللي فات
ازيك يابويا بيرم يارب تكون بخير

كلماتك رائعة كالعادة والله الكلام خلص مش عارف اعلق كل يوم بتبهر بموهبتك الجميلة
ياريت يابويا تراسل جرايد زي الدستور مثلا بيحبوا يقبلوا الاشعار الجميلة دى عشان كل الناس تستفاد بيها
ولو عاوز اديك اميلات الدستور مفيش مانع


تحياتي الشديدة لك

Sharm يقول...

الحب فعلا ضربة حظ

غير معرف يقول...

السلام عليكم ..ازاي بس يافندم حاتخللي ربيعك خصم حكم!!!يمكن هى دى شريعه المحبين!!!ده سيادتك كده مش رافع رايه بيضه واحده ..دول اربعه..مع كل هذا ترفع لمشاع سيادتكم الجياشه القبعه..نتمن المزيد ورد الغصون

قلب مصرى يقول...

الأستاذ العزيز / بيرم المصرى
الحب فعلاً هو ربيع الكون، وهو ربيع النفوس الحائرة
أحسنت كالعادة يا أستاذ

richardCatheart يقول...

الله على الاحساس
امبارح الفجر قرتها بس الفديو ماكانش شغال

ماردتش اعلق الا لما اسمعها بصوت حضرتك
فارق كتير

والله ماشاء الله عليك يجو يشفو الاحساس
والكلام الجميل والحب لما بيبقى ربيع الكون بحاله

يارب ديما بخير يا استاذنا
تحياتى
سلام ولا سلام مع بينى اسرائيل

أم الخــلـود يقول...

شكرا لمروك لمدونتي الأخرى كركر بس أنا مش بأكركر وبس .. فيه هدف كبير ولو عايز تاخد صورة وافيه عنه يمكنك زيارة مدونتي الأخرى ورابطها :

http://dndanh111.blogspot.com

وسلمت الأنامل ولا سلام مع إسرائيل

وفاء بركات يقول...

الأخ الفاضل
اٍسأل الله لكم والعائلة الكريمةالصحة والعافية
تحياتي

أم الخــلـود يقول...

عايزين الولايات المتحدة الإسلامية تقوم لازم نودود لبعضنا عشان تقوم ..

ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

لازم تتودوادو بها (اشتغلوا وسبحوا الله بها .. صبح وليل .. ليل وصبح .. داخله خارجه .. خارجه داخله) وانشروها.

http://dndanh111.blogspot.com

hana يقول...

الله بجــد همس رقيق
شجي مفعم بالإحسآآآس
ممتع حس وموسيقى

قمت اشرب من سبـــــيلك تمنـــــــعيني و قلتـــــى لأ
تحرمينــــي وقلبي عمره في غرامــــه ليك سقــــــي

يسلم الإحسآآس الجميل و يسلم القلـم الرقيق

غير معرف يقول...

السلام عليكم ورحمه الله وبركاته... سامحك الله ياسيدى الفاضل..جلست انتظر مقالتك ..او قصيدتك سواء مدح او قدح..ولكنك لم تجد بها ...تمنيت ان يكون كبر سنى قد جعلنى اتخيل اننى فتحت مدونه غير التى اريد.. ولكن خاب ظنى فهى التى اريد تماما فلما التأخير فى الكتابه برغم علم سيادتكم بكم المنتظرين لما ستسطرونه؟ ورد الغصــــــــون

سراج يقول...

[الحب لعبة قدر والبخت ضربة حظ].. القدر يجمعنا بمن نحب ومن لا نحب! ولادخل له بقلوبنا وعليه فالحب صنعتنا أقصد لعبتنا:)
أما هذا الشطر[لما طيفك قام يودع بوسـت ايده وقلت بدري].. من أرق وأجمل ما قرأت! 

أتمنى لكم تمام الصحة ودوام التوفيق..

ندا منير يقول...

القلب مينفعشى يعيش فاضى وخالى

ولازم يشغله حبيب ساعتها بيلاقى نفسه اسعد قلب