الاثنين، 26 أكتوبر 2009

يام الشفايف عجب



God Curse Israel and all who support it toKill women and children
اذا كانت اماطة الاذى عن الطريق صدقة فقتل الصهيوني صدقة

طعنتيـني بالسيــف فاخــترق
ادميتــــي فؤادي فاحــتــرق
والبـــستني الســهاد والارق
رحماك ما كان قلبي من ورق

ان الله جميل يحب الجمال , ومن فضله وكرمه ان جعل الجمال نسبي , فجميلة الجميلات في كوالا لامبور تختلف عنها في بيتسوانا , وكذلك عبله حبيبة عنتر تختلف عن جوليت حبيبة روميو في اللون والطعم والرائحة, وحتي في مراحلنا السنية, فالتي احببتها في المراهقة هبلة وعاملة ديل حصان والتي اعشقها الان هبلة برضو , بس من غير ديل







يام الشفايف عجب اما السنان لولي
لولا دواعي الادب لوقعت من طولي
عيبه علي سني يحصل كده مني
شعري بقي شايب
***
يام الشفايف عجب دي لونها مش عادي
في شرع الاحبة انكتب الذنب ع البادي
وانت اللي جارحني عايزك تسامحني
قلبي الجريح دايب
***
يام الشفايف عجب يا حلوة يـــــاخفة
شعلل في قلبي لهب الكز علي الشفة
بالسحر قلبي احتار قادت في قلبي النار
والوعي بات غايب
***
يام الشفايف عجب دافيه ومليانه
حبك علينا وجب والقلب مال يانا
مالت معاه الروح صدك ملاني جروح
وبرضو مش تايب
***
يام الشفايف عجب السحر من بابل
عمري وراح ينكتب في يوم ما نتقابل
وتفيض عليا حنان ارحم د انا انسان
وليه فيك نايب


( اليهود اعداء الله اعداء البشرية فلا تامنهم )
عندى جديد كل ثلاثاء فشاركونى بالنقد والتعليق
بيرم المصري

هناك 11 تعليقًا:

أمل حمدي يقول...
أزال المؤلف هذا التعليق.
أمل حمدي يقول...
أزال المؤلف هذا التعليق.
عمرو جويلى يقول...

أستاذى الكريم
السلام عليكم
لون جديد من إبداعات حضرتك
ولكنه فى قمة الظرف
ههههههههههههه
عجبنى جداً هذه الأبيات
يام الشفايف عجب دافيه ومليانه
حبك علينا وجب والقلب مال يانا
مالت معاه الروح صدك ملاني جروح
وبرضو مش تايب
خالص تقديرى

عمرو جويلى يقول...

أستاذى الكريم
السلام عليكم
لماذا كل من أحببتهم تكتشف
أنهم هبل مش المفروض الأول تتأكد
ههههههههههههه
خالص تقديرى

أحــوال الهـوي يقول...

اقسم لو سالوني من اظرف شعراء العرب لكنت انت من ارشح

استاذي و استاذ الجميع تتراقص الكلمات و تشع البهجة في القلوب
لست اعرف ما هذا السحر المسترسل والابداع المتدفق بالوان مختلفه ثائر و عاشق او كنت تحمل هموم الامة

نادرا ما نجد من يبرع في الوان متباينه من الشعر بنفس البراعة والاتقان

انا محظوظ اني اتعلم علي يديك و اتمني ان اكون تلميذا مخلصا نجيبا

استاذي قبلة علي جبينك عرفانا و علي يديك تعظيما واجلالا

تحياتي

ستيتة يقول...

لأ لأ لأ
مقدرش على كده ومقام السيدة

لو اناث الشرق الأوسط بيسمعوا الغزل ده من رجالتهم ده كانت تبقى فل خالص واخر بهججة

تسلم ايدك على كم الكلام الغزلي العفيف اللي يجنن ده

حلوة حلوة حلوة

قلم رصاص يقول...

هههههههههههههه

أستاذ والله ياجدعان

"فالتي احببتها في المراهقة هبلة وعاملة ديل حصان والتي اعشقها الان هبلة برضو , بس من غير ديل"

ايه الكلام الحلو ده بس يا أستاذنا

والقصيدة تجنن والله

انا ضحكت ضوحك النهاردة

هههههههههههههه

جميلة جميلة جميلة









البنت اللي حضرتك بتكتب عنها مش القصيدة يعني هههههههههههههه

دمت لنا مبدعا

تامر علي يقول...

أولاً احياناً بيكون الهبل مطلوب :)

ثانياً القصيدة دي تستاهل تتبروز وتتعلق في الاوبرا كنوع من الادب الشعبي الاصيل بدون مجاملة

ثالثاً انا بحب اللون ده من الشعر ياريت متحرمناش منه

تحياتي يا عمنا :)

rovy يقول...

ازيك يا استاذى العزيز ..
ربنا يبارك لنا فى حضرتك و فى اسلوبك المبدع دائما..
حقيقى قصيده رائعه و ظريفه جداا
احببتها جداا .. ككل ما قرأت لسيادتك
لا اجد ما استطيع ان اصفك به سيدى الفاضل فأنت مبدع فى كل شىء و رائع فى كل انواع الشعر و راقى الاحساس دائما
حفظك الرحمن من كل سؤ و سلمك دوما

خالص تقديرى و تحياتى

م/ الحسيني لزومي يقول...

ولد العم الغالي
حقيقي قلبك كبير
بعد العمر ده كله لسه فيك فلب الشباب وحسك مرهف كما العاشق الولهان
ربنا يطولنا في عمرك وتسمعنا كمان وكمان

غير معرف يقول...

لا لا.. ضروري ضروري تنغلق مدونتك.. لأنه فكرك أصبح جداً خطر علينا.. بله الكل قِلب على هبلة!.. شلون؟!
أصلاً لو آني من الحكومة أقاضيك بهذه القصيدة.. وأحرك الرأي العام - طبعا دا أقصد النساءي - ضدك!.. وأتخيلوا شلون راح يكون الحكم :)
الله يخليلك إياها.. ويمن عليكم بالصحة والسلامة ودوام التوفيق..