الثلاثاء، 9 يونيو 2009

ابين زين ابين


God Curse Israel and all who support it to
kill women and children
اذا كانت اماطة الاذى عن الطريق صدقة فقتل الصهيوني صدقة

أقدم عظيم أمتنانى وشكرى لكل من زار مدونتى وتكرم بالتعليق
وتفضل لى بالدعاء وأقدم اعتذارى عن عجزى فى الرد على الجميع .

ابين زين ابين






ابيــن زيـــن ابــين اخـــط الـرمـل واضـــرب الــــودع
واشــــوف حــظ البنيــة وقلبها اللي انتظـر يجي الجـدع
يفــك قيدهـــا ويبوس في ايدها ويفيض حنانه مـن وسـع
ويزيح جبال العارويرجع النهار لكل الشعب اللي انخدع
***
فــين شــبابنا يا حلــوتي راحــوا يشجعــــوا كــــــورة
ولا يصطــادوا بنـــات تافــه وافعــال نفسهم عــــورة
غرقـان لشوشته في حفرة وان طلع يلقي جنبها جـورة
والاكــل متســمم والبـــق متكــمم والرجــل مكسـورة
***
يلزمنا جــدع راضـع لـبن امـــه ولا دقش لــبن غـــــيره
حافــظ لغــــة اهـلــــه وفي بيتــه متربي ومن خــيره
ولا اتفـــرنج ولا اتــبرمج ولا تاهـت خطـوط ســيره
ولا في الحق بيصهين ولا اتصهين زي الكتـير غيره
***
يخــاف ربــــه وادى الخدمــــه في صفـــوف جيـشـه
دروع الـعز نلبسها ونخلع ثــــوب الــذل واذى خيشه
وكل خطـــوة بيحسبهــا وده عقلـه يكبح جمــاح طيشه
وبدراعه ومن عرقه وفي الحلال ياكل يا نـاس عيشه

***
هـــــدوم امـــه تمـــام كاســيه وحــق الحق مش ناسيه
ولا تسالم واطفلنا بتتفدغ
ولا صبغة وعلي الموضة ولا فاكره نفسها في روضة
ولا تحــكــي وتتمـجـــغ
وعنـــده القـــــول تمـــــام واضــح ومهــوش فاضــح
ولا ابكـــــم ولا الـــــــدغ
ولا ينهــــئ ولا يشهــــق
ولا يبكبــــك ولا يبغبــغ
***
قـــائد بشعبـــه يخـلــي البلــــد بالـــحق منتصــــــــــرة
يظـــلل علينــــا الامـــان ويرجع لينــــا الود والعـــشرة
عــاشت امــم من فرافيتنــا صبحنا ليه نشتهي الكـــسرة
يـارب كل من كان السـبب يتهـد ولا تعـدي عليه مسري

***


بتتفدغ : تسحق , تتمجغ : طريقة الكلام بميوعة
مسرى : شهر قبطي تنفق فيه الحميرالمسنة
فرافيت: فتات الخبز


( اليهود اعداء الله اعداء البشرية فلا تامنهم )

عندى جديد كل ثلاثاء فشاركونى بالنقد والتعليق بيرم المصري


هناك 21 تعليقًا:

سراج يقول...

بلي والله.. لقمة الحلال لها أثرها في إثراء النفس بالمكارم
كأنك تحلم بذاك القائد، مع أني متأكدة بأنه موجود بينكم.. فالله "يخفي وليه بين عباده".. أليس كذلك؟!
أنتو خير من الله.. أسئل الله أن لا يخلو الأرض من أمثالكم
بلي المشكلة في التردد والتشكيك اللذان عمل الضالمون على غرسها في نفوس الشعوب المضطهدة.. تاركين مهمة سقيها لنا:)
ليظهر ألف حزب وحزب وألف تجمع وحركة طالما أنها تصبوا إلى نفس الهدف.. فـ" يد الله مع الجماعة"
اسئل الله أن يمن عليكم بالصحة والعافية

ستيته حسب الله الحمش يقول...

استاذنا بيرم المصري
متعك الله بتام العفو والعافية

انا كمان ساعات بسأل
معقولة خلصوا الجدعان
اللي متربين صح
اللي واكلين من بيت اهليهم
اللي عارفين حق بلادهم

وارجع واقول
لا يغير الله ما بقوم حتى يغيروا ما بأنفسهم

اللي رضيوا الخنوع والخنا ميستنوش منقذ

كلمات المرة دي كانت صعبة شوية لكن لقيت المرادفات تحت ههههههههههههه
سلمت يداك وصح لسانك

السلام عليكم ولعن الله صهيون

م/ الحسيني لزومي يقول...

ولد العم الغالي
المهم صحتك عامله ايه علك بخير....
مفيش مانع اننا نحلم لانه ليس امامنا سوي هذا

ايوشة يقول...

السلام عليكم يااستاذ بيرم
ياااااااه احنا بقينا كده فعلا مش عارفة هو البلد ليه بقيت كوكتيل فساد وغياب كل قيمة فيها بقى شئ عادى
بجد القلب بقى حزين من كل اللى بيجرى حواليه
بجد جميلة اوى وادام الله عليك الصحة والعافية

اعشق فى الليل ضوء القمر يقول...

انا كنت عايز أسأل سؤال إزاى أضفت حركه الكلام و كأنها شخص بيقرأى من مللف وورد
فى الفيديو
وصوت مين فى الفيديو

أما عن البوست مش عارف ليه يمكن علشان مفيش أب و أم تربيتهم أساسا من اتلفاز ولا بعدنا عن المساجد و إتباع المعازف و الجرى ورائ الأحداث
ونبوس يد هذا و قدم تلك علشان لقمه فى غموز
لكن أكيد فيه ناس فينا لسه دم إبن البلد موجود شربه من شهامة أجداده لس عايشين بس هما فين

اللؤلؤة يقول...

أستاذنا الكريم
السلام عليكم
حمداً لله على سلامتك ولقد قلقت عليك بالأمس عنما دخلت على مدونة حضرتك ولم أجد جديد فدمت لنا فارساً وسيفاً بتاراً لكل باطل
دمت بكل الخير

اللؤلؤة يقول...

أسستاذنا الكريم
السلام عليكم
كلنا نحلم بهذا الشخص الذى يعرف قيمة بلده وأهل ولغته ويرفع من شأنهم
شخص يرضع من ثدى أمه الرجولة ويتربى على نظافة اليد ويترعرع على الحمية والشهامة لا على الأنوثة والتفاهه
دمت أستاذى بكل الخير

أكون أو لا أكون يقول...
أزال المؤلف هذا التعليق.
شموع يقول...

أستاذنا العزيز
أول مرة أزور مدونة حضرتك وبهرت بمدى شجاتك وجرأتك فى قول الحق ودحض الباطل وما أكثر الباطل فى أيامنا هذه
حافــظ لغــــة اهـلــــه وفي بيتــه متربي ومن خــيره
ولا اتفـــرنج ولا اتــبرمج ولا تاهـت خطـوط ســيره
ولا في الحق بيصهين ولا اتصهين زي الكتـير غيره
ما شاء الله عليك وحفظك الله من كل شر
تحياتى

أنت...وأنا يقول...

لسلام عليكم
انت مريض يا عم بيرم؟؟ سلامتك يارب يشافيك ويعطيك الصحه والعافيه
هذي المره الكلام غير.. طالع من القلب.. كلام بجد.. مش تلميح.. كلام ناس خلاص من الزهق ماعادت تخاف الموت
ربنا كبير ويرزقنااااااا

سلامتك ياااارب

أحمد عمر يقول...

السلام عليكم و رحمة الله


الف سلامه ع حضرتك و ان شاء الله تكون أفضل دائما يارب العلمين

دائما كما أعتدناك متألقاً و ان حوت كلماتكم ع مردفات جداا صعبه لم اعييها تماماً الا بعدما لاحظت المعانى بالاسف


بوركت و بارك الله قلمك و عافاك و شافاك .. :)

أكون أو لا أكون يقول...

السيد بيرم المصري... كيف حالك...
نتمنى لك تمام الصحه والعافيه...

كلمات تحاكي الواقع المرير... ولكن هناك الكثير من الرجال الأخيار... رجال يعرفون الحق... ومستعدون للتضحيه لأجل الوطن... والدين... والحمد لله
لكن المؤلم أنهم محاربون من الطغاة والظلام... وإنهم يقتلون ويسجنون ويهجرون...

لكن يجب علينا أن نؤمن بأن الأمل قادم... وأن لا نيأس... حتى نكسب الأجر والثواب عند الله...
و الأمل والتفاؤل والإيمان القوي بالله... يجلب لنا النصر... نصر معنوياِ أولاً... ونصر فعلي ثانياً...

ولا سلام مع الصهاينه...
: )

تامر علي يقول...

والاكــل متســمم والبـــق متكــمم والرجــل مكسـورة

أقول ايه بس يا عمنا :))

مش لاقي غير كلمة كنت قلتها لصديق في مناقشة

(كلنا في انتظار الحل لكن للأسف الحل كمان منتظرنا :)

تحياتي :)

على عبدالله يقول...

السلام عليكم

كيف حالك استاذنا ؟

من بقك لباب السماء


تحياتى

غير معرف يقول...

جميلة هذة الثقافة التي تنشرها
وهنيا لك علي هذة الموهبة والصوت المعبر

ليليان فرغلي

yomna يقول...

فــين شــبابنا يا حلــوتي راحــوا يشجعــــوا كــــــورة
ولا يصطــادوا بنـــات تافــه وافعــال نفسهم عــــورة

ماهو للاسف 80% دلوقتي مفيش في دماغهم الا الكوره والبنااااااات وكل عام وانتم بخير

اعذرني ما كنتش بدخل ارد في المدونه عشان جدتي اتوفت وكنت متضايقه جدا

تسلم ايدك كالعاده:)

أم مالك يقول...

استاذ ابراهيم
تحياتى ودعواتى بدوام الصحة
فعلا الامور بقيت متشقلبة
ومن سىء لأسواء
ولانملك الا الدعاء ان برحمنا الله برحمته
وياتى الشخص الهمام اللى يحل مشاكلنا
تحياتى

Soul.o0o.Whisper يقول...

السلام عليكم و رحمة الله و بركاته؟؟

كيف حالك يااستاذى العزييييييييز؟؟؟

.......................
ابيــن زيـــن ابــين اخـــط الـرمـل واضـــرب الــــودع
واشــــوف حــظ البنيــة وقلبها اللي انتظـر يجي الجـدع
يفــك قيدهـــا ويبوس في ايدها ويفيض حنانه مـن وسـع
ويزيح جبال العارويرجع النهار لكل الشعب اللي انخدع

و ياترى الرمل بين حاجة؟؟
و لاالودع قال حاجة؟؟

يا مسهل ياااااااااااااارب
:)

فــين شــبابنا يا حلــوتي راحــوا يشجعــــوا كــــــورة
ولا يصطــادوا بنـــات تافــه وافعــال نفسهم عــــورة
غرقـان لشوشته في حفرة وان طلع يلقي جنبها جـورة
والاكــل متســمم والبـــق متكــمم والرجــل مكسـورة

يا حسرتى ...
طب و الحل يا استاذى ؟؟؟

يلزمنا جــدع راضـع لـبن امـــه ولا دقش لــبن غـــــيره
حافــظ لغــــة اهـلــــه وفي بيتــه متربي ومن خــيره
ولا اتفـــرنج ولا اتــبرمج ولا تاهـت خطـوط ســيره
ولا في الحق بيصهين ولا اتصهين زي الكتـير غيره

ايوا ايوا ...
تمام كدا ....

و ايه كمان؟؟

يخــاف ربــــه وادى الخدمــــه في صفـــوف جيـشـه
دروع الـعز نلبسها ونخلع ثــــوب الــذل واذى خيشه
وكل خطـــوة بيحسبهــا وده عقلـه يكبح جمــاح طيشه
وبدراعه ومن عرقه وفي الحلال ياكل يا نـاس عيشه

مظبووووط
مظبووووووووووط

هـــــدوم امـــه تمـــام كاســيه وحــق الحق مش ناسيه
ولا تسالم واطفلنا بتتفدغ
ولا صبغة وعلي الموضة ولا فاكره نفسها في روضة
ولا تحــكــي وتتمـجـــغ
وعنـــده القـــــول تمـــــام واضــح ومهــوش فاضــح
ولا ابكـــــم ولا الـــــــدغ
ولا ينهــــئ ولا يشهــــق
ولا يبكبــــك ولا يبغبــغ


قـــائد بشعبـــه يخـلــي البلــــد بالـــحق منتصــــــــــرة
يظـــلل علينــــا الامـــان ويرجع لينــــا الود والعـــشرة
عــاشت امــم من فرافيتنــا صبحنا ليه نشتهي الكـــسرة
يـارب كل من كان السـبب يتهـد ولا تعـدي عليه مسري

الحقيقة يا أستاذى حضرتك أبدعت فى القصيدة دى

و مش عارفة انكش حضرتك فيها !!!

طب اعمل ايه إذا كنت حضرتك قلت اللى كنت هأقوله؟؟؟
:)
.............


ربنا يكرم حضرتك يااااااااارب
و ياريت تكون حاليا أفضل

و تطمنا على أخبارك


دمت بكل ود

ماما أمولة يقول...
أزال المؤلف هذا التعليق.
من أجل التمكين يقول...

ربنا يهدينا و يهدي شباب المسلمين

-

Beram ElMasry يقول...

رمضان كريم
أعاده الله عليكم وجميع الأهل والأحبة بايمن والخير والبركة
الحب بين العرب فطرة وشئ مألوف
ولا يحسدوه من الخلق غير القرد والحلوف