الاثنين، 11 مايو، 2009

زواريق الفساد


God Curse Israel and all who support it to
kill women and children
اذا كانت اماطة الاذى عن الطريق صدقة فقتل الصهيوني صدقة

حفظ الله اماني ابنة الاخت "ماما اموله" وعفي عنها وصرف عنها الهم والغم والحزن والحزن وسلمها من كل شر و مكروه. امين امين يارب العالمين



زواريق الفساد




فتحــوا للفســاد زواريق والنــار فى قلوب الشباب ترعى
وسابوا للبنــات البهرجة النــونو فيهــم واللى بقت فرعة
كــــبر شــــبابنـــا الجمجمــة وريحوا حبـة عظام خرعة
ولاحد فيهم ينفع يشيل مدفع ولا شافوا فى يوم ترعة
وعشان سفينة تعدي البحر يلزمها وجود دفه مع الملاح
ولجل الارض ما تنتج تعوز بذرة ويرعاها ذراع فلاح
ومايه عشان الري وناس تجمع ولا تسرق

*****

الغـــول المخيــــف فى بطننــــــــا يقرصهـــــا بنـــاب الجــــوع
ينحنى عودنا على بطن فاضية وينحنى الجبين اللى كان مرفوع
حصن الامان انهـدم ونبت الامـل ماينزرع فى قلب كان موجـوع
ومش كل من خاف سلم والنصـــــح ده في الوقت ده كان مشروع
تربي الذقن وتصلي وتقضي الوقت في الجامـــــع كده ممنوع
تروح ملهي مع الشيطان وتتسلي مفيش مانـــــع ومش ممنوع
ولوضاقت عليك تهرب وفي المالح تروح تغرق

*****
خطــه وراسمها قرد صهيوني وخطط معــاه خنزير
واللى عندنا فرضوا علينا وهمهم وخبوا الحقيقة فى بير
وقالــوا كل الجوامـع تـتـركن ويركـن جنبها كمان الدير
السياسة مش حمـاسة دى كـياسة ومعنى ف بطـن الزير
والزير ده كرشــــــه كبير وذراعـــــــــــــي مش طايل
والظلم راح يترفض من الشعب لو يتنفض ويعدل المايل
فتره تعدي واحنا نعدي ومش غرقة ومش تفرق

( اليهود اعداء الله اعداء البشرية فلا تامنهم )

هناك 52 تعليقًا:

Ramy Wasel يقول...

لسه فيه امل فى الشباب
ومش كله خرع
فى اللى يضحى بروحه عشان وطنه
بس الامل حيفضل موجود باذن الله
شكرا على الابيات المعبره

م/ الحسيني لزومي يقول...

ولد العم الغالي
اسأل الله العظيم رب العرش العظيم ان يمتعك بالصحة والعافية وادعوا كل احبابك ان لا ينسوك بالدعاء في صلاتهم وخصوصا صلاة الفجر.

والظلم راح يترفض من الشعب لو يتنفض ويعدل المايل.
انت كده جيت علي الوجع.
وعرفت الحل.

ذو الوجه المبتسم يقول...

السلام عليكم ورحمة الله وبركاته

السياسة مش حمـاسة دى كـياسة ومعنى ف بطـن الزير
والزير ده كرشــــــه كبير وذراعـــــــــــــي مش طايل
والظلم راح يترفض من الشعب لو يتنفض ويعدل المايل
فتره تعدي واحنا نعدي ومش غرقة ومش تفرق


على فكرة كلماتك كلها معبرة مؤثرة وجميلة ومفيدة بجد
السياسة مش حمـاسة دى كـياسة
الموضوع ده اتكلمت فيه مع الاباشمهندس الحسينى لزومى
وبصراحة هو كمان انسان مثقف جدا وملتزم جدا
ربنا يبارك فيه

ادعو الله يا استاذنا العزيز والاب الروحى يا بيرم يا مصرى
ان تكون بكامل الصحة والعافية
وربنا يبارك لنا فيك وتفضل منور الدنيا

تقبل تحياتى

ماما أمولة يقول...
أزال المؤلف هذا التعليق.
الجواز و سنينه يقول...

اولا الف سلامه على حضرتك و الله ماكونتش اعرف انك تعبان اكيد كنت سألت
ربنا عالم حضرتك غالى عليه اد ايه

زى ما قلت لحضرتك سابقا
انا تعبت من كتر اللى شايفينه
و بحس اننا بنقلب المواجع و بنتعب نفسنا و لا نتيجه إيجابيه بنعملها
يبقى ايه فايده الكلام لو مافيش نتيجه منه؟
الفايده الوحيده اننا بنستمتع بكلام حضرتك
تحياتى

جنّي يقول...

السلام عليكم

احييك اخونا الكريم ..

وان شاء الله سيزول الفساد والفاسدين والمطبعين مع الصهاينة ..

لك التحية والدعوات بتمام الصحة والعافية وانار الله بصركم بنوره الذي لا يخبو ..

اللؤلؤة يقول...

أستاذى الفاضل
السلام عليكم
دق الفساد على الباب
قلتله مش فاتح
قالى قاعد غصب عنك
قلتله كالح
وفجأة لقيته معشش
وملوث الميه والهوا
رحت أنا سارح
قلت قادر يارب تهزمه
وأرجع أنا تانى
وبصحتى أزرع أنا الأرض
وأحصد الخير قدامى
دمت بكل الخير

اللؤلؤة يقول...

أستاذى الكريم
السلام عليكم
أنار الله لك بصرك وجعلها الله فى ميزان حسناتك
ودمت لنا فى أحسن حال
كلماتك دائما ماتكون جرس إنذار لنا تشسر لنا بموضع الداء
فجزيت عنا كل الخير

اللؤلؤة يقول...

أستاذى الكريم
السلام عليكم
نويت والنية لله تعالى أن يكون البوست القادم فى مدونتى
عن حضرتك فأنت الأب والمعلم والموجه لى متعك الله بالصحة والعافية ودمت لنا كرباجاً يلهب قلوبنا وعقولنا

Mostafa Hashem يقول...

عزيزى محمد باشا على
الخير فى وفى أمتى إلى يوم الدين , وهذا يعنى أن الأمل دائماً موجود وأن مصر ولادة وإذا رجعت لكام عشر سنين كنت ستجد بناتنا فى الشوارع كانت عريانه بالمنى جيب والميكرو جيب والبلوزات الشفافة , والحمد لله أن ده خلص وهناك رجعه رغم أنف الرافضين والمرتزقة وأعداء الأمة
مصطفى هاشم

Soul.o0o.Whisper يقول...

السلام عليكم و رحمة الله و بركاته

استاذى العزيز /

كيف أخبارك ؟؟
يارب تكون بخير

بئا دى حركة تعملها فينا؟؟
مش متفقين يوم التلات؟؟

على العموم حضرتك تنور بلوجر كله فى اى وقت

انا بئا نازلة الشغل الوقتى
بس قلت لازم احجز و اسلم على حضرتك الاول




دمت بكل ود

القدر و انا يقول...

استاذنا العظيم بيرم باشا المصرى
متعك الله بالصحة والعافية
كبر شبابنا الجمجمة وريحوا عظام خرعة
للاسف دا حال كتير من الشباب الضائع
ينحنى عودنا على بطن فاضية ..
ودا حال كتير من الشعب المطحون اللى بيجرى ورا لقمة العيش وده يوصل بيهم لان ينحنى الجبين اللى كان مرفوع ..
وتضيع كرامة الانسان
فترة تعدى واحنا نعدى
تفتكر لسه فيه امل يا استاذنا العظيم
ياااااااااااااريت

سراج يقول...
أزال المؤلف هذا التعليق.
الازهرى يقول...

ولجل الارض ما تنتج تعوز بذرة ويرعاها ذراع فلاح

ومنين نجيب فلاح والكل ترك الارض وبيسهر قدام الدش لحد الساعة تلاته الفجر
تفتكر ممكن يصحى مع طلوع الشمس ويرعى النبته لحد ما تطرح

تحياتى وخالص مودتى

الازهرى يقول...

حبيبنا الغالى ا/ بيرم المصرى

أدام الله تعالى الود بيننا وزاده مع الايام صلة
صدقنى لى الشرف وكل الشرف ان اعلق كلماتك وساما على صدرى

تحياتى وخالص مودتى

د/عرفه يقول...

اهلا بيك استاذ بيرم
يارب تكون احسن دلوقتى
دايما بحب اسمع كلامك
واشوف شعرك

ولكن يبقى دائما الامل موجود
طول حياتنا
اعاننا الله واياكم على احياء الامل
ومحاولة التغيير

yomna يقول...

وسابوا للبنــات البهرجة النــونو فيهــم واللى بقت فرعة

اه يا ربي اااااااااااه من اللي بشوفه ببقي نفسي اتخانق والله :(

خطــه وراسمها قرد صهيوني وخطط معــاه خنزير

بالمناسبه بقي كل خطط الفساد اللي والحاجات اللي مثلا بنشوفها في التلفزيون بتبقي مخططات صهيونيه فعلا عشان يقضوا علي عقل العرب .. وأولهم برنامج ستار اكاديمي الله يخرب بيته العرب عارفين ان صاحبه يهودي وبرضو عمالين يشتركو فيه زي البهايم

ربنا يهدي الجميع
بوست جميل كالعاده تسلم ايدك :)

تامر علي يقول...

والزير ده كرشــــــه كبير وذراعـــــــــــــي مش طايل
والظلم راح يترفض من الشعب لو يتنفض ويعدل المايل
ــــــــــــــــــ

الزير كرشه كبيييير جداً فعلاً ...بلع البلد كلها :)

تحياتي لقلمك المبدع يا استاذنا :)

د.توكل مسعود يقول...

السلام عليكم ورحمة الله.. وبعد

نعم فترة تعدى واحنا نعدى

لكن كله بحسابه....وعلى حسابنا ماتعدى
والقرد مابيهمد.والخنزيرلابيجيب ولايودى
لكن مشوارنا ابتدى.... لابيقف ولا يهدى
وكمان رصاصنا انطلق...وتار ياسين عندى
شايف قدامى أمل.....ولون حيــاة وردى
ممكن فى الدنياالحقه..أو فى الآخرة ياوعدى

دمتم بخير

Soul.o0o.Whisper يقول...

السلام عليكم و رحمة الله و بركاته

أستاذى العزيز /

"الظلم راح يترفض من الشعب لو يتنفض ويعدل المايل"

حضرتك بصراحة قلت المفيد كله هنا .

"فتحــوا للفســاد زواريق والنــار فى قلوب الشباب ترعى
وسابوا للبنــات البهرجة النــونو فيهــم واللى بقت فرعة
كــــبر شــــبابنـــا الجمجمــة وريحوا حبـة عظام خرعة
ولاحد فيهم ينفع يشيل مدفع ولا شافوا فى يوم ترعة"

بص يا أستاذى هو مش الذنب كله عليهم
لأن اصلا محدش من البداية زرع جواهم

فلما تطلع النبته فاضية من جوا
أكيد اى حبة هوا يطيروها

"عشان سفينة تعدي البحر يلزمها وجود دفه مع الملاح
ولجل الارض ما تنتج تعوز بذرة ويرعاها ذراع فلاح
ومايه عشان الري وناس تجمع ولا تسرق"

بالظظظظظظظبط
لازم كلنا نشتغل
لازم كلنا نفهم .. عشان نتحرك


"الغـــول المخيــــف فى بطننــــــــا يقرصهـــــا بنـــاب الجــــوع
ينحنى عودنا على بطن فاضية وينحنى الجبين اللى كان مرفوع"

لأنهم نجحوا انهم يخلونا فعلا نتلهى فى حالنا و كل واحد فى نفسه وبس
ماعدناش بنبص ان حالنا العام بردوا مهم و لازم يتصلح

"حصن الامان انهـدم ونبت الامـل ماينزرع فى قلب كان موجـوع"

بأختلف مع حضرتك فى النقطة دى
القلب اللى كان موجوع ..هو أكتر قلب بيبئا عاوز يقوم و يرفض اللى هو فيه

انما القلب اللى خلاص فقد الاحساس منه
هو اللى ماعدت بيهمه

"تربي الذقن وتصلي وتقضي الوقت في الجامـــــع كده ممنوع
تروح ملهي مع الشيطان وتتسلي مفيش مانـــــع ومش ممنوع"

و رغم اننا عارفين انه غلط
بردوا طبقناه !!!..

"السياسة مش حمـاسة دى كـياسة ومعنى ف بطـن الزير"

تمام .. بس ياترى حد بئا أتعلمها صح؟؟
و لا بردوا بنتكلم و خلاص؟؟؟


.............

استاذى العزيز / ربنا يبارك فى قلمك يارب

و ترجع لنا بألف سلامة


دمت بود

على عبدالله يقول...

السلام عليكم

ومش كل من خاف سلم والنصـــــح ده في الوقت ده كان مشروع

شافاك الله وعافاك استاذنا

سراج يقول...

العيب -اليوم- ليس في الشباب وإنما في الكبار، إبتداءاً من الآباء.. أغلبهم قابع أما بين إفراط أو تفريط - أيا كان الإتجاه!
بينما الشباب بطبعه يبحث عن التغيير عن كل ما هو جديد ومثير.. وهذا من حقه، فهو ثورة عارمة في قوته ومشاعره.. وبخلافه لا يكون صاحب هذه الفترة الزمنية شاباً إن لم يكن كذلك..
الشباب ثورة.. وهم أكثر ما يخيف الحكام الظلمة.. أغلب التغيرات والتحولات السياسية في حياة الشعوب كان طليعتها الشباب.. لأنه ليس من الهين ثني إرادتهم.. خلاصة القول: فئة الشباب أولى بالعناية من غيرهم!
قصيدة فعلا مربية.. الله لا يحرمنا من قلمك.. ويمن عليك بالصحة والسلامة بحق أحب الخلق إليه

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com

أرجوا إرسال مواضيعكم لأختيار الأفضل لنشره العدد القادم
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com

أرجوا إرسال مواضيعكم لأختيار الأفضل لنشره العدد القادم
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

سما أحمد يقول...

منذ بداية الخلق والفساد موجود ورح يستمر ولكن في المقابل النزاهة موجودة ورفض الفساد موجود والدليل كتابات حضرتك والكثير من المثقفين المهتمين والرافضين
حقيقي انا اختلف مع من قال ان الكتابه لا تجدي الا انها تفتح المواجع
فالكتابه والنقد هي البداية نحو الاصلاح
واكيد الامل موجود ما دام في مفكرين وناقدين
تسلم
بارك الله في عمرك

ستيته حسب الله الحمش يقول...

والله يا أستاذ بيرم قبنا موجوع
مش البطن بس اللي قرصها الجوع

النفوخ نفسه في راحة من كتر ما شاف فساد
اتفرج ع البرامج الحوارية تصعب عليك العباد

وخايفة ربنا يستبدلنا ولا يستعملنا
من كتر ما قفلنا عينينا وودانا

منحنى حضارتنا نزل يشرب من البير
وتهنا كلنا ومش شايفين لينا كبير

بس بقول لازم مع العسر يجي اليسر
ده وعد رب السما ولي كل أمر

دايما ما تستفذ العقول المتعبة من التفكير
عاوزين نرتاح شوية من التفكير ياكبير

تحياتي ودعواتي لحضرتك وبنت ماما أمولة

محمد الجرايحى يقول...

الغـــول المخيــــف فى بطننــــــــا يقرصهـــــا بنـــاب الجــــوع
ينحنى عودنا على بطن فاضية وينحنى الجبين اللى كان مرفوع
حصن الامان انهـدم ونبت الامـل ماينزرع فى قلب كان موجـوع
ـــــــــــــــ
سلمت لنا عمنا الجميل
ولاحرمنا الله من كلماتك الرائعة
وإبداعك المعبر بصدق عن مشاعرنا
بارك الله فيك وأعزك
أخوك
محمد

اللؤلؤة يقول...

أستاذى الفاضل
بالفعل لقد نشرت البوست بتاعى عن حضرتك
فأرجو ألا تحرمنا من زيارة حضرتك
دمت بكل الخير

فارس عبدالفتاح يقول...

ولاحد فيهم ينفع يشيل مدفع ولا شافوا فى يوم ترعة


متخفش الصعيدة موجودين اتربو على شيل السلاح والنهار والليل قعدين في قلب النيل والترع


متشلش هم في الموضوع ده



تقبل كل اطيب التمنيات وبالغ التقدير

م/ الحسيني لزومي يقول...

61 عاما علي النكبة
ونحن أقرب للعودة
والعودة حق لا عودة عنه
شارك في الحملة الالكترونية لإحياء الذكري ال 61 للنكبة ( عائدون)
ضع شعار الحملة علي مدونتك

مجداوية يقول...

السلام عليكم

الشباب بيهرب من التجنيد عشان شايف أنه وقت ضايع وبيتسرق من عمره ومستقبله !!!

وأنا معاك في كل ما ذكرت أستاذنا لكن مش معاك إنهم مجنبين الدير لأن الهجوم كله على الملتزمين من المسلمين ولا فيه رقابة على الدير ولا على ما يقال فيه من بث للكراهية واشعال الفتن
ياريت يكون فيه رقابة عليه لأنهم حيضيعوا البلد

عندي لك تاج أتمنى أن تقبله وتجيب عليه

فشكووول يقول...

عمنا ا لشاعر
تحياتى
ما بقاش فيه قدوه ولا بقى فيه الملاك الحارس ولا بقى فيه اللى بيخاف ونخاف عليه
العمليه بقت طرمخه وصرمحه
سفت القمح الفاسد اللى دخل عندنا وحناكله بالسم الهارى خصب عن حبة عين ابونا
تحياتى يا شاعرنا

rovy يقول...

السلام عليكم
استاذنا الغالى حقيقى يسلم لنا صوتك المعبر الجميل و يسلم احساسك و قلمك المبدع دائما .. سلمك الرحمن من كل سوء

دمت مبدعا و دمت بكل الخير

خالص التقدير و التحيه

فشكووول يقول...

عم محمد ..
ازيك
سلامات
الف سلامه وربنا يشفى لك عنيك يا رب
عشان هما اللى بيخلوك تيجى عندنا
الف الف سلامه
اللهم اذهب عنه الباس
ونجه مما يخاف ويحزن
اللهم يا رب العالمين انت الشافى اشفيه وارزقه الصحه والعافيه
وتحياتى

صفــــــاء يقول...

والله العظيم روعه
تحفه فى المعنى والمغزى والتعبير
تسلم الأيادى يا أستاذنا

د.توكل مسعود يقول...

السلام عليكم ورحمة الله ..وبعد

فأسأل الله العظيم رب العرش العظيم أن يشفيك

كنت أزور مدونات الأحبة فرأيت سؤالك عنى فى مدونة على عبدالله مع انى زرتك بعد سؤالك كما يدل عليه تاريخ سؤالك عنى وتاريخ زيارتى لك وتركت تعليقى عندك... لكن كنت قد توقفت عن التدوين عشرين يوما...


أسأل الله لك عاجل الشفاء ودوام العافية ودمت بخير

ندا منير يقول...

كل حاجة باظت واتلخبطتت

وبقى حال الشعب مدهور ومش عارفين يعملوا ايه

والشباب واقفين ساكتين ومحدش بيحاول يعمل حاجة


ويارب تكون بخير وتكون بقيت احسن

على عبدالله يقول...

السلام عليكم

الله عليك يا استاذ بيرم
والله كلام حكم

لعل المانع خيرا ان شاء الله
اليوم الثلاثاء فاين جديدك

DoNyA يقول...

لخصت كل الكلام اللي جوانا
صحيت الوجيعه فينا
صحيح ما نسينا
لكن بنحاول نعدي ونعيش
بس زي ما في شباب خرع
في شباب هرب من وشه الشباب
واحتل مكانه الشيب والاكتئاب
من كتر الهموم والعيش مظلوم
نسيوا ان همه شباب

كلماتك بتفتح جروح كتير
بنحاول نردمها ومش عارفين

م/ الحسيني لزومي يقول...

ولد العم الغالي
فينك والف سلامه النهارده الاربعاء ايه سبب عدم الكتابه عل المانع خير .
نريد الاطمئنان عليك
وان تكون بصحة وعافيه

واحد من العمال يقول...

السلام عليكم ورحمه الله وبركاته

الله عليك ياعمنا الغالى

تربي الذقن وتصلي وتقضي الوقت في الجامـــــع كده ممنوع
تروح ملهي مع الشيطان وتتسلي مفيش مانـــــع ومش ممنوع
ولوضاقت عليك تهرب وفي المالح تروح تغرق
---
نعم كل الطرق مسدوده
بفعل الفاعل القبيح
بس الشباب ..الأمل مش كلهم مايعين
فيه لسه شباب عارف ربه
وعارف يعنى إيه الدين
ويعنى إيه مصر
وعارفين كيف تكون شابه وعفيه


ودمت ياعمنا بصحه وبإبداع

ماما أمولة يقول...
أزال المؤلف هذا التعليق.
د.توكل مسعود يقول...

السلام عليكم ورحمة الله وبركاته

أستاذ بيرم :
لقد تركت لك رسالة عبر الإيميل .. أنتظر ردكم عليها .. جزاكم الله خيراً

اقصوصه يقول...

نتمنى دايما

ان المستقبل

يحمل لنا الافضل :)

hasona يقول...

السلام عليكم

ربنا يتم شفاؤك علي خير
ويعافيك ويعفوا عنك

،،،،
ان شاء الله فيه أمل
والامل كل يوم بيكبر
مهما زاد الظلم
فلابد من يوم موعود
تترد فيه المظالم

م/ الحسيني لزومي يقول...

ولد العم الغالي
انا حاسس انك تعبان شويه لانك مش ممكن تتأخر علينا الا اذا كان هناك مانع قوي.
ادعوا الله ان يرفع عنك البلاء وان يمتعك بالصحة والعافية.

الازهرى يقول...

حبيبنا الغالى ا/ بيرم المصرى

اعتذر عن تاخرى لظروف الامتحانات

وادعوا الله عز وجل ان يرزقك الصحة وان يعفو عنك
وان يزيد فى حسناتك ويجعل مثواك الجنة بعد عمر طويل على صبرك على ابتلاءه اياك

تحياتى ودعائى الدائم بالشفاء

Soul.o0o.Whisper يقول...

السلام عليكم و رحمة الله و بركاته

أستاذى العزيز...

أين أنت؟؟

أتأخرت علينا كتير أوى

يارب تكون بخير

و تطمنا عليك ضرورى




يارب تكون بخير دايما

Beram ElMasry يقول...

اولا اعتذر عن تاخري في الرد ولا اراكم الله مكراها

Ramy Wasel
اخي اهلا بك ومرحبا جميل منك هذا التفاؤل ادامه الله عليك نعمة وان يتحقق حلمك وحلمنا
ولك تحياتي ولا سلام مع اليهود


م/ الحسيني لزومي
ولد العم الغالي واخي وحبيبي وصديقى بارك الله فيك ونفعني بدعاءك وحفظك وجميع اهلك من كل مكروه وادام عليك نعمه وادام ما بيننا هذا الحب في الله
والسلام عليكم ولا سلام مع اليهود

ذو الوجه المبتسم
اخي الجميل ذو الوجه المبتسم اشكر لك رؤيتك الذكية وجميل اطراءك وادبك الجم وصداقتك الصادقة المخلصة ونفعني الله بدعاءك وحفظك انت ومن تحب
والسلام عليكم ولا سلام مع اليهود


ماما أمولة
الهم احفظ اماني من كل مكروه واصرف عنها كل بلاء وارضها ومتعها بالصحة واسعد ايامها سعدت باتصالك علي النت وشكرا لاهتمامك الدائم
والله صدقتي في ما قلته فالخطة محكمة لافساد الشعوب وقتل المواهب وارباك الضمائر وقد ساعدناهم علي استكمالها بانغماسنا في الشرور وتكاسلنا وقلة همتنا فاصبح الايسر علينا هو الاستسلام للحال مهما كان مؤلم علي التغير مها كان مريح
تحياتي وسلامي ولا سلام مع اليهود


الجواز و سنينه
الاخت العزيزة (فذكر ان الذكري تنفع المؤمنين) يجب ان لا تنصرف همتنا الي اي شئ اخر ونحفظ دائما ذاكرتنا واعية يقظة لتكون عوننا عند اللزوم وهذا ما اسعي اليه وتذكيرنا بما نحن فيه حتي تستمر ضمائرنا يقظة
لك تحياتي ولا سلام مع اليهود


جنّي
اخي الكريم لو تعلم ان دعاؤكم وكلماتكم يجعلها الله لي بالفعل نور حياتي في هذة الايام . اه من المطبعين اه فهم اشر من اليهود
شكرا لكلماتك
لك تحياتي ولا سلام مع اليهود


اللؤلؤة
عزيزي وصديقي المخلص الذي ينير ايامي بحبه الخالص جعلك الله من حاصدين الخير وجعلك من المقومين لكل ملتوي كلماتك جميلة والاجمل ما اخجلت به تواضعنا لا يكفي الشكر علي ما فعلت وتخصيصك بوست للدعاء لي علي مدونتك وهذا ليس بغريب علي امثالك ممن انار الله بصيرتهم وجعلهم عونا لاصدقاءهم

دق الفساد على الباب
قلتله مش فاتح
انا ركبت قفل جديد عشان ميخشش عندي انا كمان
سلام عليك صديقي ولا سلام مع اليهود



Mostafa Hashem
يا سي مصطفي وحشني والله شكرا لتعليقك يا سي مصطفي يارب بس يكون التغيربجد ميكونش بس من بره فالجهل متفشي وعنكبوت التشدد طال الكثيرين
لك تحياتي والسلام عليكم ولا سلام مع اليهود


Soul.o0o.Whisper
عزيزتي وابنتي والله مش حركات اصلي قرات ان البلوجر سيغلق لعدد من الساعات للتصليح فخفت اتاخر قلت ابدر كام ساعة في نشر البوست علي العموم انت عرفة ان تعليقك من التعليقات التي ابحث عنها وانتظرها بعد كل نشر
("حصن الامان انهـدم ونبت الامـل ماينزرع فى قلب كان موجـوع"
بأختلف مع حضرتك فى النقطة دى القلب اللى كان موجوع ..هو أكتر قلب بيبئا عاوز يقوم و يرفض اللى هو فيه
انما القلب اللى خلاص فقد الاحساس منه
هو اللى ماعدت بيهمه)
والله كلام معقول برده
اشكرك علي دعاءك وادام الله عليك السعادة وراحة البال
والسلام عليكم ولا سلام مع اليهود


القدر و انا
عزيزي وصديقي شرفني تعليقك والامل ان شاء الله موجود مدمت انا وانت وامثالنا نحوال قدر المستطاع كسر الطوق ورفض الذل
تحياتي والسلام عليكم ولا سلام مع اليهود


الازهرى
صديقي وحبيبي لك كل التوفيق في امتحناتك وتمنياتي بالنجاح لك ولا تنساني بالدعاء.
والله معاك حق هو الي يسهر للفجر قصاد الدش هيقوم يزرع ولا حتي عشان يصلي
تحياتي والسلام عليكم ولا سلام مع اليهود


د/عرفه
الاخ الدكتور يسعدني دائما مرورك واطمئنانك علي. واعتذر عن التاخر في الرد لانني لا اجد من يكتب لي.
واتمني ان نصحوا من غفلتنا وان نتسلح بالايمان والهمة لكي نزيح الكابوس ونخفف وطاة الطغيان والله المستعان
تحياتي والسلام عليكم ولا سلام مع اليهود


yomna
صدقتي يا ابنتي العزيزة الغالية فعلا تعليقاتك تشع البهجة في يومي؟
وستار اكاديمي ده لم اكن اعلم ان صاحبه يهودي ولكني والله ياما قلت انه فكر يهودي فهو معمل لفئران التجارب تقاس فيه قدرة ووعي وامكانية تشكيل الشباب العربي بل وقياس طرق تطبيق افكار الابتذاذ علينا وتغير توجوهاتنا وتغير لقيم والموروثات حتي في الثوابت
تحياتي والسلام عليكم ولا سلام مع اليهود


تامر علي
عزيزي تامر وصديقي العزيز والله مهما كبر كرشه اخرته طعام للدود اه لو يحس
تحياتي والسلام عليكم ولا سلام مع اليهود


د.توكل مسعود
اخي وصديقي الكريم اشتاق لمرورك ويطمئني وجودك
طبعك جميل وادبك جم وذوقك رفيع وما توقعت ان تكون شاعرا بهذة البلاغة. حبا وكرامة طلبك مجاب في ايميل يصلك قريبا
تحياتي والسلام عليكم ولا سلام مع اليهود

Beram ElMasry يقول...

على عبدالله
اخي العزيز اشكر لك استمرار المرور والذي يسعدني ويحفذني دائما علي العمل واشكر لك دعاؤك وادام عليك ستره
ولك تحياتي والسلام عليكم ولا سلام مع اليهود


سراج
الاخت الاديبة والذكية اللبيبة والله سعات فعلا الكبار بيكونوا سبب اساسي في فساد الشباب لاننا سعات بننسي اننا لابد ان نكون قدوه في كمان اباء بتخلف وعمرها ما توجه ابنائها وانما تتركهم لكي تعلمهم الايام وما ادراك ما هو تعليم الايام "تمتع بكل لحظة باي صورة وبدون حدود" فنجد نفسنا امام هياكل شباب كل ما يميزهم الوقاحة وارتفاع الصوت وشيل الموبايلات
ارجو ان نكون من المصلحين لهمة الشباب فكما قلت بهم تنصلح الايام

شكرا عزيزتي علي مرورك ولا حرمنا الله من دعاءك وادام الله عليك جلاء بصرك وبصيرتك
السلام عليكم ولا سلام مع اليهود


سما أحمد
ابنتي العزيزة اوافقك الراي فصراع الخير والشر هو المظهر العام للحياة
وكتابتنا تفتح الافق وتجمع العقول علي المعتقدات والاراء الصحيحة وتبقينا احياء حتي لا نفقد الامل وهي بداية للاصلاح باذن الله
السلام عليكم ولا سلام مع اليهود

Beram ElMasry يقول...

ستيته حسب الله الحمش
عزيزتي الغالية تعليقاتك تبهجني وانت من الاعزاء جدا شكرا لدعواتك الدا ئمة وجعلها الله من نصيبي
هاهاها والله فعلا منحني حضارتنا نزل يشرب من البير وباين عليه مش طالع. واليسر معه يسر فعلا ولكن لمن يستحقه و لمن لم يغلق فمه واذنه واعينه
اعذري تاخري في الرد لاني انتظر ان يتفرغ لي احد للرد علي كل تعليق
تحياتي والسلام عليكم ولا سلام مع اليهود



محمد الجرايحى
اخي العزيز ناب الجوع طال الجميع واحساسنا بالامان انعدم حتي عندما تري شئ صح او يوحي بالامل تخاف تفرح احسن يجري شئ يهد الحلم
تحياتي والسلام عليكم ولا سلام مع اليهود


فارس عبدالفتاح
اخي الحبيب واللامع دائما طيب الواحد ميخفش يعني كويس في امل برده!!!!
بس اظن ان الفقر والاوبئة وغلو سعر الكيماوي خلي الصعايدة حسين ان البلد دي مبقتش بلدهم فياتري قد مهم قدرين هيكونوا عيزين يدافعوا ولا لا؟!!
تحياتي والسلام عليكم ولا سلام مع اليهود


مجداوية
الاخت العزيزة الفنانة سعيد بمرورك ومشاركتك دائما . فعلا الشباب بيهرب من التجنيد والاهم ان الاهالي بيجيبوا الوسايط عشان ميدخلوش ولادهم فيه منعا للبهدلة وقلة القيمة هذا هو اتجاهنا الفكري الحالي
اعذري تاخري في الرد لاني انتظر ان يتفرغ لي احد للرد علي كل تعليق
تحياتي والسلام عليكم ولا سلام مع اليهود


فشكووول
حبيبي فشكول الملاك طار وبقي الحارس............
علي فكرة حكاية القمح الفاسد هي موضوع القصيدة القادمة
سعيد بمرورك ومشاركتك لا تحرمني من تعليقاتك
نفعني الله بدعاءك وتحياتي والسلام عليكم ولا سلام مع اليهود



rovy
روفي العزيزة يسلم لسانك الجميل ويسعدني رؤية تعليقك وان عملي يرضي استحسانك ادام الله الود والمعزة
اعذري تاخري في الرد لاني انتظر ان يتفرغ لي احد للرد علي كل تعليق
تحياتي والسلام عليكم ولا سلام مع اليهود


صفــــــاء
عزيزتي صفاء
اشكر لك كلماتك الجميلة التي تقوي الهمة وارجو ان اكون دائما عند حسن ظنكم
اعذري تاخري في الرد لاني انتظر ان يتفرغ لي احد للرد علي كل تعليق
تحياتي والسلام عليكم ولا سلام مع اليهود



ندا منير
والله ياندي فعلا الواحد اصبح يشمئز مما يحدث ومن اهتمامات الشباب وطريقة كلامهم ولغتهم ولبسهم وفكرهم ولكن هناك بعض من امل في شباب حي وقوي ارجو ان يكون كافي لعمل التغير
شكرا لتعليقاتك وتواجدك وشكرا علي سؤالك عن حالي والحال كما هو والحمد لله
تحياتي والسلام عليكم ولا سلام مع اليهود


DoNyA

عزيزتي دنيا اولا انا سعيد بوجود تعليقك ولكن ما نامل ليس شباب هرم يملؤه الهم والاكتئاب لان دول برده ضعاف ما يلزمنا شباب به روح الشباب مع عقل راجح وله امل وفكر وراي ومشاركة فاعلة فارجو ان لا تنجرفي وراء اي من التيارين وحاولي ان تقفي قوية بما تعرفي وتجيدي وبشخصك
لك تحياتي واعزازي
تحياتي والسلام عليكم ولا سلام مع اليهود


واحد من العمال
عزيزي واخي والله وحشني وافتقدك ارجو ان تكون عاذرني فانا لا اقدر ان اكتب واستني من يتفرغ لي حتي ارد واكتب. منحك الله الصحة والسعادة
لسة والله كنت بقول فعلا في شباب ممتاز ولكني اخاف عليهم من الوسط السئ فهم يتوهون في العدد الاكبر من الشباب الفاسد وارجو ان يهربوا بنا الي شاطئ الامان فاملنا فيهم
تحياتي والسلام عليكم ولا سلام مع اليهود


اقصوصه
يسعدني مرورك وتعليقك وهذا ما نامل مستقبل افضل وهذا ما نفعل حتي لا ننسا اعدائنا في الخارج والداخل

تحياتي والسلام عليكم ولا سلام مع اليهود


hasona
شكرا لتعلقك وتدعاءك وتشجيعك فانه يسعدني وينير لي يومي
ارجو معك ان ياتي هذا اليوم سريعا لاننا مللنا الانتظار
تحياتي والسلام عليكم ولا سلام مع اليهود

hasona يقول...
أزال المؤلف هذا التعليق.