الثلاثاء، 2 ديسمبر 2008

مين يقوللى

الصهاينة يجيدون استخدام سياسة النزناز تجاه سياسة التراخى العريية المعتمدة على ركائز ثلاث – المسامح كريم – واللى فات مات – واللى يى جى عالولاية ما يكسبشى ، ويضربون الحصار على شعوبهم الداجنة ، ويسيبوهم يكاكو ، ولا من شاف ولا من درى

مين يقوللى

يا نظام ناسى ربه ذل شعبه راح يفـرط فى مصيره
مين يقوللى الاله اللى خلقنــا فـيـه اله تـانى غـيره
انتو بس اللى التزمتم بميثاقه واتبـعتم خــط سيره
واحنـــا ضعنا لجــل يرضى ضاع وطنــا وكل خيره
***
والصهاينه جنس عاصى قلب قاسى نفس شــاذه
شربوا دم الخلق خمرة والرضيع من لحـمه مـزة
دول وحوش وف ضراوة راحوا يفنوا اهـل غـزة
التيوس اللى حدانا استخبو ما فى حد حتى عـزى
دول بيحاجو عالكراسى راح تطيح وبـ،اى هـــزة
***
راح جمالنا قبل فيصل والكريــم اللى اسمه زايـد
همه دول اللى رجالنا فوق نضــالهم مين يزايــد
واللى باقى دول هوانم فى طباعهم ضــعف زايد
اللى بات يحلم بليلى غبره بات ف حــضن عزة
فى اوربا نسيو دينهم قاموا شـــافوا الـدنيا لـذة
***
الحصــار اللى فى غزة طال وعـمـره من سنين
قالو نــعبر جا المسهوك قال هيكـسر رجل مين
تك نــصيبة دانته تافه واللى زيـك شـــالو طين
دالحمار لو كان مكانك كان هيغضب كــان تاذى
كن نصيرهم يا الهى واحمى اهلى اهل غزة

(لا تنسوا النقد والتعليق فانى اقوم به قلمى )
فى كل ثلاثاء جديد
بيرم المصري



ش

هناك 34 تعليقًا:

Soul.o0o.Whisper يقول...

ياااااااااااااااه

أول تعليق؟؟؟



احمدك يارب




باحجز و راجعة

Soul.o0o.Whisper يقول...

أستاذى العزيز


كلمات ثائرة ،
و بركان محموم...

تعبيرات صادقة،
و قلب يتألم ...

لكنك يا سيدى ..
سألت و أجبت ،
فلنرى ....



يا نظام ناسى ربه ذل شعبه راح يفـرط فى مصيره
مين يقوللى الاله اللى خلقنــا فـيـه اله تـانى غـيره
انتو بس اللى التزمتم بميثاقه واتبـعتم خــط سيره
واحنـــا ضعنا لجــل يرضى ضاع وطنــا وكل خيره

و لما احنا عارفين إن مافيش اله تانى غيره
ليه كان هدفنا رضى النظام؟؟؟
من أرضى أحدا فى سخط الله ، سخط الله عليه و أسخط عليه من أرضاه
و من أرضى الله بسخط غيره ، رضى الله عنه و أرضى عنه من أسخطه ...
فلما احنا الاول نعرف يعنى ايه ربنا مافيش غيره
و نعيش قضيتنا ، ونؤمن بيها
و نتغير فعلا من جوانا
ساعتها نلوم على غيرنا...




والصهاينه جنس عاصى قلب قاسى نفس شــاذه
شربوا دم الخلق خمرة والرضيع من لحـمه مـزة

دا شئ طبيعى و معروف
إذا كانوا قتلوا الانبياء
يبئوا مش هيقتلوا أطفال ؟؟!!..

دول وحوش وف ضراوة راحوا يفنوا اهـل غـزة

أولا بالنسبة لكونهم وحوش
فأنا أعترض
"لا يُقَاتِلُونَكُمْ جَمِيعًا إِلاَّ فِي قُرًى مُّحَصَّنَةٍ أَوْ مِن وَرَاء جُدُرٍ بَأْسُهُمْ بَيْنَهُمْ شَدِيدٌ تَحْسَبُهُمْ جَمِيعًا وَقُلُوبُهُمْ شَتَّى "
فأقوى واحد فيهم مايقدرش يواجه واحد مسلم...
هما بس مستخبيين ورا تسليحهم،
ولو أننا اعتدنا لهم ..لما كان هذا هو الحال!!


التيوس اللى حدانا استخبو ما فى حد حتى عـزى
دول بيحاجو عالكراسى راح تطيح وبـ،اى هـــزة

دى نتيجة طبيعية للكوبليه الأول




راح جمالنا قبل فيصل والكريــم اللى اسمه زايـد
همه دول اللى رجالنا فوق نضــالهم مين يزايــد
واللى باقى دول هوانم فى طباعهم ضــعف زايد
اللى بات يحلم بليلى غبره بات ف حــضن عزة
فى اوربا نسيو دينهم قاموا شـــافوا الـدنيا لـذة


سيدى الفاضل ..
أولا إحنا عارفين بمؤتمرات ، بغيرها ... يبقى الوضع على ماهو عليه
لكن للأسف رغم كدا ، لكن بردوا بنمنى نفسنا ان كل مؤتمر يخرجوا بحاجة جديدة!!

كلمة قرأتها عن أحد مفكرينا الافذاذ
أنه كان يظن أنه بالحوار و المناقشات قد نصل لحل بدون دخول فى حروب قد تفنى

لكنه اكتشف مؤخرا أن الحوار من جانب واحد
انهم جايين فى دماغهم تفكير معين ، يسيبوك تقول ما بدا لك ، و هما طبعا بيسمعوا من هنا و يخرجوا من الجهة التانية .. و انت سعيد و مبسوط
ثم يبدؤوا هم الكلام بنفس المبادئ أو الركائز التلاتة اللى ذكرتهم فى الاول!!..
يارب بئا اللى فى بالى يفهموا ... ياااااااااااااااااااااااارب


الحصــار اللى فى غزة طال وعـمـره من سنين
قالو نــعبر جا المسهوك قال هيكـسر رجل مين
تك نــصيبة دانته تافه واللى زيـك شـــالو طين
دالحمار لو كان مكانك كان هيغضب كــان تاذى

اعترض على الألفاظ .. و اتحفظ على الموقف

كن نصيرهم يا الهى واحمى اهلى اهل غزة

ايوا أهل غزة اللى هما الشعب الفقير اللى مش لاقى
إنما القادة بئا .. فربنا يهديهم و يظهر لهم الحق ، و يهديهم لاتباعه..

آمين



دا بالنسبة للقصيدة

أما
ى الغالب انى اكتب الردود على تعليقك ولا ارسلها*

فأنا زعلانة ،
بجد زعلانة ... يعنى مستخسر تقولى وجهة نظرك فى كلامى ؟؟؟
و لا مش بتحب النقاشات و شايف إنى مش هافهم وجهة نظرك؟؟


ماشى




خالص تحياتى

mohamed ghalia يقول...

الصهاينه ولوعوها ياعمى بيرم
والعرب نايمين فى العسل
بجد دايما كلماتك رائعة
اسف على عدمد التعليق فى الفترة الأخيرة
دمت بكل الود أخى العزيز

أحــوال الهـوي يقول...

تغلغلت الي الصميم
فاصبت في الصميم

سيدنا و استاذنا
انت نبض للاحداث ... تترجمها ببراعة و رؤي ثاقبة .. و اذا اسهبت في المديح اكثر سوف اظهر بمظهر المرائي او المتحيز

استاذي قبلة علي يديك بكل الحب
تحياتي

Beram ElMasry يقول...

استاذتى العزيزة
( ليه كان هدفنا رضى النظام؟؟؟) مكره اخاك لا بطل ، وزى ما قلت غضب الله ، والسؤال للحكلم
( أولا بالنسبة لكونهم وحوش
فأنا أعترض ) ... ما اعنيه انهم ليسوا وحوشا فى العزم والقوة ، ولكن فى الطبع والخسة ، وبعدهم عن اخلاقيات البشر
( لكن بردوا بنمنى نفسنا ان كل مؤتمر يخرجوا بحاجة جديدة!! ) ... هذا هو الانحطاط الفكرى وضعف الهمه لتنشئة متخازلة
( اعترض على الألفاظ .. و اتحفظ على الموقف ) ... هذا حقك ، وانا مخالفه
( فأنا زعلانة ، ) ... لويعلم الاحبة والاصدقاء مبلغ الاثر النقسى لهذه الكلمة لتجنبوها ، انا لااكتب لنيل شهرة فهذا لايغرينى لكبر عمري ، ولا لانشاء علا قات لنفس السبب ، ان طريقة تعليقك هى عين الصواب عندى ، لانها تعنى انك قرات ووعيت وناقشتى لا لمجاملة ولكن لقبول اورفض الفكرة وعن قناعة ، ولانى تمنيت ان اجد بين الشباب من يدرك هدفى فيخرج من طوق الاحلام ويرى الواقع
احينا يفلت عيار قلمى فيمزح ويشاغب فامحو خطه حرصا منى من احب
خالص تحياتى

Beram ElMasry يقول...

العزيز الغالى . mohamed ghalia
اسعد الله صباحك
بحثت عن السعادة فوجدتها فى عودتك والتعليق
تحياتى

Beram ElMasry يقول...

عالى الهمة اخى . أحــوال الهـوي
شكر وامتنان لشخصك الوددود
انــــا راجـــــــــع
اطبــب قـلبــــك المجـــــــروح
ببـلســـــم يـشــفي هــم الروح
رجوعك يكفى كى يشفى كل شئ مجروح ففى صدرك قلب ذكى ، وبين جنبيك نفس ابية ، ومنى قبلة طويلة فوق جبينك الوضاء
اخى الكريم لك التحية والسلام

ماما أمولة يقول...

قبل التعليق يا استاذي ارجو اكمال الحروف الناقصة في عنوان الخريطة التي سقطت سهوا

*****
(هذه خرية مصر الاصلية احفروها فى القب والذاكرة)

*****

ولي عودة اخرى

ماما أمولة يقول...

مين يقوللي ؟؟؟؟

يقولك ايه يا استاذي

ماصرنا فيه

اسلوب مدروووس للحفاظ على الانظمة من السقوط

واللي يفتح فمه يزحلق وييجي خاين مكانه

يا استاذي مين يقولي انا بقى

ليييييه اهل غزة ؟؟؟؟

هم المقصودين بالابادة وليه مش غيرهم

فين رئيسهم ؟ وبقيت الكراسي

حسبنا الله ونعم الوكيل

لانقد لاستاذي بارك الله في قلمك

AL Masrey Afndey يقول...

معاك اقول بكل قلبي غزة غزتنا ولن ترحل بدون دماء كثيرة تهون..

Beram ElMasry يقول...

الاستاذة ماما امولة
سلمت من الاذى وسلم بصرك وبصيرتك
( ليييييه اهل غزة ؟؟؟؟) ... ببساطة اليهودى بطبعه مرابى اى انه لابد ان يربح من جميع الجهات ، بضرب غزة يظهر ان الرئيس نجا والضفة ، وهو يضعفه ، وفى نفس الوقت العملية بلون اختبار لمصر لقياس ردة الفعل ، ولابد ان تكون سلبية للوضع الاقتصادى المذرى وانعدام المخزون الاستراتيجى ، والناتج توسيع الهوة بين الشعب والحكومة وضياع الثقة وزوال الانتماء يعنى حدوتة طويلة
يجب الايتوقف نقدك عند الاخطاء الاملائية والنحوية اتمنى ان يتفرع لمجالات النقد المتعددة
تقبلى تحياتى

Beram ElMasry يقول...

الباشمهندس . AL Masrey Afndey
اهلا بك وسهلا ، لااعرف هل ردى سيصلك ام لا ، اشكرك لو اخبرتنى ، اخالك ذو خبرة غير انك مقل ولو تيسر حوار اطول لكان لى فيه سرورا وانتفاع
تحياتى ولا تكن بخيلا بالصداقة ولك احترامى

م/ الحسيني لزومي يقول...

ولد الغم
اسأل الله ان تكون في اتم الصحة والعافية وان تكون في هذه الايام المباركة من المقبولين والذين لاخوف عليهم ولاهم يحزنون.
وبعد لقد اعزنا الله بالاسلام وقد ابتغينا العزة في غيرة فأذلنا الله علي يد القردة والخنازير...انظر الي الاسلام كيف فعل في ربعي بن عامر وهو يدخل علي رستم ملك الفرس .

وربعي بن عامر أحد القواد في جيش القادسية ، ويدخل على رستم قائد بلاد فارس الذي معه ما يقارب من مائتين وثمانين ألفاً من الجنود، فيقول رستم : ماذا جاء بكم؟ ومع ربعي رمح مثلَّم وثوب ممزق، وفرس كبير معقور، قال: ماذا جاء بكم ويضحك رستم ووزراؤه معه، جئتم تفتحون الدنيا بهذا الفرس المعقور والرمح المثلِّم والثوب الممزق؟! قال ربعي في الحوار: [[إن الله ابتعثنا لنخرج العباد من عبادة العباد إلى عبادة رب العباد، ومن ضيق الدنيا إلى سعة الآخرة، ومن جور الأديان إلى عدل الإسلام .
يقول هذا وهو القادم من الصحراء الي تلك المدنيه المبهرة وفي قصر رستم وهو وسط جنوده وفي عقر داره....انظر الي القعقاع رجل بألف رجل فعلا لاقولا...اما من ينتظرون قوت يومهم من عدوهم ماذا يفعلون غير السجود لقد باعوا اوطانهم وضمائرهم واعراضهم بغية عرض زائل ولقد ارتضينا نحن ذلك فاصبحنا العن ممن فرطوا وباعوا
اعزرني دائما يأخذي المعني بعيدا عن المبني.

mony يقول...

بارك الله فيك


جميلة جميلة جميلة

Soul.o0o.Whisper يقول...

Beram ElMasry

حضرتك يا فندم دايما بتحرجنى بذوقك ..

لويعلم الاحبة والاصدقاء مبلغ الاثر النقسى لهذه الكلمة لتجنبوها *

طب خلاص آسفون نادمون تائبون
فهل أنتم مسامحون؟؟؟

<< طيبة أنا ... صح؟؟ :)


ان طريقة تعليقك هى عين الصواب عندى ، لانها تعنى انك قرات ووعيت وناقشتى لا لمجاملة ولكن لقبول اورفض الفكرة وعن قناعة ، ولانى تمنيت ان اجد بين الشباب من يدرك هدفى فيخرج من طوق الاحلام ويرى الواقع *

أولا : أشكرك

ثانيا: صدقنى مننا الكثير الذى يدرك
و لكن مازال فى طور الفهم و الاستيعاب
فنحن لم ننضج بعد
فنحتاج كما نناقش و نعبر عن آراءنا فيما يُكتب و يُقال
أن يحاورنا من نحاوره
أن ننهل من خبرته


سيدى الفاضل :
إن الله محاسب الشاب فتى كان أم فتاة منذ أن يبلغ
أى أنّى و أنت الآن أمام الله سواسية
و الفارق بيننا هو فارق عمل و خبرة بحكم السن

فإن أنت أعطيتنى من خبرتك و حكمتك هذه
وفرت علىّ سنين من البحث و التعلم
و بنيت أنا على ما أعطيتنى
فلا أبدأ من الصفر مرة أخرى


ياريت فعلا مبدأ لسه صغيرين دا
و مبدأ خايف إنى أخسر حد
يخرج من قاموسنا
و يكون وجهتنا فعلا هو الحق و بس
عشان نعرف نشوف الدنيا صح
و نعيشها صح
و نقدر نعمل حاجة





خالص تحياتى

................

ملحوظة : تعرف إنى كنت حاطة فى بالى أقولك نفس الملحوظة بتاعت ماما أمولة

بس للأسف القصيدة خدتنى و نسيت
ياللا المهم إنك صلحتها :)

Beram ElMasry يقول...

ولد العم . م/ الحسيني لزومي
كل عام وانت وجميع الاهل فى صحة وسلامة
صدقت يا اخى فهؤلاء رجال آمنوا بوعد ربهم فاعزهم الله ، اما من خلف ظنه بربه اذله الله ، وبغضه خلق الله وهذا ما اعنيه
( مين يقوللى الاله اللى خلقنــا فـيـه اله تـانى غـيره
انتو بس اللى التزمتم بميثاقه واتبـعتم خــط سيره )
بارك الله فيك واحسنت فى التعليق
تحياتى لك وللابناء

Beram ElMasry يقول...

العزيزة الغالية . مدام تامر
فى حفظ الله يذهب وفى امنه يعود سالما غانما من اجلك ومن اجل اطفاله
( و يرزقنا رزقا حلالاً طيبا مباركاً فيه )
آمين يارب العالمين
( طبعا اول اول مرة اروح تجمع للمدونين
(يعني اول مرة اشوفهم )
اسعد الله قلوبكم بالخير وياليتنى كنت معكم واسعد بصحبتكم
تحياتى لك وللدكتور ادو

3ebad arra7man يقول...

نرجو كل من يحب الله و رسوله

أن يشارك معنا في الحملة العالمية

كيف كان رسول الله صلي الله عليه و سلم يصلي

فلنتوحد للمرة الأولي علي ما يرضي الله و رسوله

رسالة يجب أن تصل للمليار مسلم

اعملوا علي نشرها

ahmed_k يقول...

الله ينور عليك يا أستاذ بيرم
فعلا زمن الرجال صناع التاريخ قد مضى
وأتانا زمن من باعوا الأرض والعرض مقابل الكراسي وحفنة من الدولارات,
ولكنا والحمد لله أمة تمرض لكنها لا تموت
فبإذن الله سيأتي من يجدد تاريخ عزة وكرامة هذه الأمه.

وتقبل أخي مني خالص التقديرات والتحيات

جنّي يقول...

السلام عليكم ورحمة الله وبركاته

مقطوعة زجلية ولا اروع ياسي بيرم ..

وحرام عليك زعلت الحمار ايش جابه للمسهوك .. دا الحمار ليه قيمه والمسهوك ما عندو حيلة دا الحمار والله بيفهم والمسهوك جتو نيلة ..

وكل عام وانتم بخير بحلول عيد الأضحى المبارك
كل عام وانتم على صعيد عرفات
كل عام وانتم من الحجيج
كل عام وانتم من الملبين
كل عام وانتم من المكبرين
كل عام وانتم من المهللين
كل عام وانتم مغفور لكم
كل عام وأنتي حرة يا أمتي

أخوكم سعيد

smilyrose يقول...

عزيزى بيرم المصرى

الم اقل لك سابقا انك جئت تخرج ما

تخفيه القلوب والغقول

جئت تتلمس على بركان كامن بداخلنا

ينتظر الشرارة التى تفجر نيرانه المحرقه

ولكننا لا نريد فقط كلمات

لما لا نتدارك الاخطاء ونحاول

التصحيح لسنا بشعب ضعيف

بداخلنا قوانا التى ترفض اليأس

والاستسلام

بك وبنا وبكل من يريد الحق

قد نستطيع ان نحقق المعادلة

وقد يتزن الميزان يوما

لعل الله يعيننا

smilyrose

روح الحب الصادق

د.توكل مسعود يقول...

قصيدة رائعة يا سيدى الفاضل:)

هناك عبارة تقول" هناك رجال يصنعون التاريخ وآخرون يقرؤنه فقط "

أسأل الله أن يجعلنى وإياك من صانعيه

القلم السكندري يقول...

خونة الأمة من الأنظمة البائدة هم الوجه الآخر لبني إسرائيل..

ولن يتاتي نصرٌ إلا علي تلك الجيف البائسة


كلماتٌ موجعةٌ أستاذنا الفاضل

ولكن..حتي متي تلك الجراحُ تلوكنا


رحماك ربي بنا وبإخواننا


لك خالص تحياتي أستاذنا الكريم



أعود لقراءة قصيدتك الماضية

وأعتذر عن التغيب

كل عام وانتم بخير

انت تسال والكمبيوتر يجيب يقول...

دعوه

تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

Beram ElMasry يقول...

Soul.o0o.Whisper
( و مبدأ خايف إنى أخسر حد
يخرج من قاموسنا )
لا اوافق ، من نتوسم فيهم خبرا نحرص عليهم ومن نجرب عليه ذللا لايخدعنا مهما تلون اوخادع
اذا احتجت شيئا فلا تتردى ، فلن ابخل مع قصر همتى

Beram ElMasry يقول...

اخى العزيز . ahmed_k
السلام عليكم ورحمة الله
هل لاحظت الخريطة كما اوصيتنى
( ولكنا والحمد لله أمة تمرض لكنها لا تموت )
الله تعبير ومعنى جميل ، وينور عليك اخى احمد
تحياتى وشكرا على الزيارة والتعليق

maxbeta3zaman يقول...

الكرباج شغال يابو البيارم المعنى طبعا قوى واستنكارى انا شايف البيت الثامن عاوز ضبط وزن لما تقرا التلاته اللى قبله تلاقيه زايد حاكتبهم ورا بعض مع تعديل خفيف فى التامن
شربوا دم الخلق خمرة والرضيع من لحمه مزه
والتيوس اللى حدانا اللى مافى حد عزى
دول عنيهم عالكراسى راح تطيح وبأى هزه
طبعا ده مجرد رأىفى موسيقى الوزن..كل عام وانت بخير

Beram ElMasry يقول...

اخى . جنّي
وعليكم السلام ورحمة الله وبركاته
شوف المصيبة حطوا انفسهم ومن اجل ماذا لااحد يدرى
نفعنا الله بدعائك وجعلنا من الملبين

Beram ElMasry يقول...

العزيزة الغالية . smilyrose
اطول انهار الدنيا للحب والمودة
( ينتظر الشرارة التى تفجر نيرانه المحرقه ) هل يمكن فعلا ام انه حلم صعب المنال
كل عام وانت وجميع الاهل فى صحة وسلامة
تحياتى

Beram ElMasry يقول...

الاخ الحبيب . د.توكل مسعود
السلام عليكم ورحمة الله وبركاته
كل عام وانت فى خير وسلامة ، وجعلنى واياك من الموعودين ان شاء الله
اعانك الله على الخير فانت اهله
لوتعرف مدى سعادتى بمرورك لسكنت فى الجوار
تحياتى وصادق مودتى
عذرا لتاخير الرد فالجهاز ورانى الويل

Beram ElMasry يقول...

اخى الفنان . القلم السكندري
كل عام وانت وجميع الاهل والاحبة فى خير
كعبلتنى فى صورك الشاعرية مابين تحليق مع النغم وبين اللالوان ومساحات الضوء الملون . ومجرد سؤال لما تكتب بالوان متقاربة بين لون الخط ولون الخلفية . وعندما نسخت الكتابة اختلفت الكلمات ليتك تيسر على ضعاف البصر مثلى لتكمل لهم المتعة
لك تحياتى

Beram ElMasry يقول...

اخى العزيز . maxbeta3zaman
السلام عليكم ورحمة الله
كل عتم وانتم وجميع الاهل فى صحة وسلامه مع دعاء بتمام الشفاء للشاب المصاب
شكرا جزيلا على التفضل بالزيارة وشكرا على النقد وحرصك على الاصلاح للوصول الى الافضل
( والتيوس اللى حدانا اللى مافى حد عزى ) اسقاط حتى تقلل من شدة الاستنكار فانا اقصد ان مجرد العزاء اللذى لايكلف شئ لم يقوموا به
( دول عنيهم عالكراسى راح تطيح وبأى هزه ) ، تعديلك المقترح افضل بكثير واجمل فى الميزان ، لكنه يخالف المعنى ، (عنيهم عالكراسى ) يفهم منها انهم يطلبون الكراسى ولم يصلوا اليها ، اما يحاجوا عالكراسى فتعنى خوفهم من فقدانها لانها فى حوزتهم
قصيدتك العامية نهج طارق ، مية نار وجاز ، وباتعة كدة غلبت ريا وسكينة وبقت حرب ولا حرب البسوس
شكرا على توجيهاتك وشكرا للزيارة وكل علم وانت بخير

رئيس التحرير يقول...

السلام عليكم ورحمه الله وبركاته...
أستاذي العزيز ...وعمي الحبيب..
أنا آسف علي التقصير في حقك ...لكن الكبير كبير ...يا عم الكل انت .
فرحتي بزيارتك ...زي فرحتي بالعيد
كده العيد يبقي عيد ...لما تقولي وأقولك ...كل سنه وحضرتك طيب
يارب في العام القادم من الواقفين علي عرفات ...انا وانت ...وكل الي بنحبهم ويحبونا....

tarek alghnam يقول...

وامرت بذبحك يا ولدى فانظر فى الامر وعقباه ؟؟؟

ويجيب العبد بلا فزع افعل ما تؤمر ابتاه من يعصى لله امرا من يعصى يوما مولاه

واستن الوالد سكين واستسلم ابنا لقضاه

وتهز الكون ضراعات ودعاء يقبله الله تتوسل للملأ الاعلى ارض وسماء ومياه

ويقول الحق ورحمته سبقت فى خير عطاياه صدقت الرؤيا لاتحزن يا ابراهيم يا ابرهيم فديناه .....كل ثانيه كل دقيقه كل ساعه كل يوم كل اسبوع كل شهر كل سنه وانتم طيبين وعيد سعيد
رائه اخى
تحياتى