الثلاثاء، 28 أكتوبر 2008

جلا جلا

جلا جلا كلمة تلاك فى افواه الحواة ونافخي النار ، ذلك فى الموالد وشى الله يا صاحب المقام ، ويقف الناس امامهم وقد شل فكرهم ، فيدفعون ملاليمهم عن طيب خاطر لمن خدعهم وغبب وعيهم

جلا جله

جلا جله ماهو ارخى ليلى كلكله
شوية منه هلفطه * وشوية منى لخبطه
وحبه ذل وبهدله
جلا جله
حاوى وشغله عالدماغ
وذلنا تعرفش ليه * ماخلى قيمة للجنيه
خلاه ميسوى قرش صاغ
وخلى فوقنا اسفلة
جلا جله
ياشعب فوق الفتة عام
النهب فينا منتهاش * الالف منا بالبلاش
والسعريرخص كل عام
وعرفنا ذل المسالة
جلا جله
تصلح فحالك مستحيل
تحب وضعك فالثبات * متبكى عمرك عالفات
وخم نوم والنوم تقيل
ولاتصحى حتى بزلزله
جلا جله
ياريت شبابنا يوم يفوق
يحط رجله عالطريق * ويبقى حر يعيش طليق
تموت افاعي فالشقوق
وينسي طبع الهرجلة
نلقاه بحلمه وقد علا
جلا جله * حلا حلا

(لا تنسوا النقد والتعليق فانى اقوم به قلمى )
فى كل ثلاثاء جديد
بيرم المصري



هناك 125 تعليقًا:

رئيس التحرير يقول...

جلا جله ...أول تعليق يا وله.
عم بيرم السلام عليكم ورحمه الله وبركاته
اسجل اعجابي ..وأمضي حضور
وتلاقيني كل تلات ف الطابور
واقف مستني اخطف خبور
وع الجوع انا صبــــــور
صبرني للتلات الجاي ..باي باي

mahasen saber يقول...

هو احنا كده شعب فعلا نموت فى الحواه وشغل الموالد والنصب علينا بيبقى على مزاجنا قوى
.......
جميله يا استاذ بيرم
بس حسستنى انك بتقراها فى مولد بس ده فى حد ذاته حلو لانك حسستنى بالجو العام

شمس النهار يقول...

الفرق مابين الواقع والقصيده
ان المولد في الواقع له موعد واحد وبينفض
لكن المولد بتعنامالوش نهايه مكانه واحد مابيتغيرش
ومالوش موعد فهو مولد ثابت الليله وكل ليله
وافراد المولد غلابه بينصبوا علي الغلابه اللي زيهم
قصيده جميله ومعبره فعلا عن واقع نعيشه

Beram ElMasry يقول...

اخى . رئيس التحرير:
السلام عليكم ورحمه الله وبركاته
تسجل حضور فين ياعمنا وانت رئيس التحرير ، دانا المحتاج لاثبات الهويه
ماتقلقش ع الخوابير فيه منها كتير فى قرارات الحكومة واجتماع دار الندوة بعد ايام
رحت العزبة ومتعت عينى بصورة الخير ياريت توسع مجال الرؤية
باى

Beram ElMasry يقول...

الاخت . mahasen saber
تحية وسلام
اذن انت معى ، ولا بد ان نتغير من الداخل ، ونعمل بالمثل القائل ( يا واكل قوتى يا نا وى على موتى ) ونعمل بة مش نحكيه
ونرفض بيع اراضى سينا للغير ، او بيع اراضى توشكا المشروع الفاشل ، لانه فى بيعها الخراب العاجل ، لان المشرع الغبى عندنا سيلزم الحكومة بتوفير المياة الازمة لهذه الحفرة الجفرة ، يعنى مية البحيرة واحنى نبقى نتيمم
تحياتى لك وشكرا على التعليق

Beram ElMasry يقول...

الاخت . شمس النهار
تحية وسلام
صدقت مولد ملوش اخر وهذا ما كنت اعنيه
ليل اغبر طويل واسود ملوش اخر
وجانا الغير يزاحمنا واحنا بنتاخر
تحياتى لك وشكرا على التعليق

محمد فاروق الشاذلى يقول...

للأسف إحنا كلنا بنحب اللى يضحك علينا ويشتغل معانا شغل الحواه ونطلع من جيبنا ونديله واحنا مبسوطين، علشان كده الحواه اللى بالى بالك شغالين الله ينور لحد مابقينا على الحديدة وهما بيحاولوا ياخدوها مننا دلوقت

تحياتى لدماغك

مـجـنـووون يقول...

ديما بتتحفنا بكلامك الجميل
وتعبيرك عن الواقع اللآليم الذي نعيش فيه

ياشعب فوق الفتة عام
النهب فينا منتهاش * الالف منا بالبلاش
والسعر يرخص كل عام
وعرفنا ذل المسالة


ان شاء الله الشعب حيفوق بس لما يصحي من النوم . أمته يحصل كده ؟؟ معرفش .


تقبلي مروري استاذي العزيز
مجنووون

شمس النهار يقول...

اخي العزيز
الاختلاف وارد ومطلوب لآن المفروض ان المدونه لتبادل الرأي والخبرات والمعلومات
وعندما نجد خطأما واجب التنويه عنه وتصحيحه ولكن بلطف ويسر
(وفول له قولا لينا)
واحنا كمان علينامسؤليه تجاه شباب التدوين ان نعطيهم النصح والارشاد
ونعطيهم من تجاربنا
بمااننا اكبر منهم
من البروفيل الخاص بك انت عندك46سنه
وكذلك انا49سنه
ومع ذلك نخضع للتوجيه والارشاد
ياريت نفعل نظرية
الاختلاف لايفسد للود قضيه
وان شاء الله مايحصلش اي قطيعه بين المدونيين
تقبل احترامي وتحياتي

على عبدالله يقول...

استاذ يبرم
هو ايه الفرق بين
جلا جلا و جلا جله



تحياتى

Beram ElMasry يقول...

اخى . قلب مصرى
تحية وسلام
ربنا يبارك فيك ان ما قصدت اليه من التعريف بالمسطلحات السياسية عمل جليل تستحق عليه منى على الاقل كل احترام وتقدير ولى رجاء ان لا تكون بخيلا بهذه المؤنة اللتى حرمنا منها بقصد او غير قصد والرجاء الثانى ان تحدد موعدا لهذا العطاء الجميل ، ولاتطيل علينا فترة الانتظار
قد يكون فى ماتقوله حافذا لثقافة ارقى من ثقافة الاحلام والعواطف الملتهبة ، نحن جميعا فى حاجة للتغير الجذرى ولن يكون الا بتغير الثقافة الجنسية للغرب ، والعودة لقيم واخلاق تحترم العقل والذات الانسانية والفطرة السليمة
شكرا للتعليق ، وان جعلتنى من بين الاصدقاء فخير لى وشكر لك

Beram ElMasry يقول...

صديقى . مـجـنـووون
تحية وسلام
بداخلك طاقة وعشق للاميرة لو روض لاثمر ادبا حماسيا رائعا
قرات ان ابي نواس سال خلف الاحمر كيف اكتب شعرا ، طلب منه خلف ان يحفظ 10000 بيت من الشعر ، حفظها ابو نواس وعاد الى خلف ، فطلب خلف من ابى تواس ان ينساها ، فنسيها وكتب الشعر
روض ملكة شعرك بكثرة الاطلاع فى فنون الشعر المتعدد
شكرا للتعليق وشكرا خاصا لشخصك المجنون

Beram ElMasry يقول...

الاخت . شمس النهار
تحية وسلام
شكرا لسرعة الرد ، واسمحى ان اوضح شئ وهو ان اللذى اقترح على نشر ما اكتب فى مدونة بقصد ايقاظ الهمم ، اقترح ان لا اكتب اسمى الحقيقى ، ولا اكتب سنى الحقيقى فافقد صداقة الشباب ، فكان خيارى للمدهول اسما للمدونة قبل ان تغيرة ماما امولة والدكتور توكل ، وبيرم المصرى اسما لى ، فكان ما كان وتاريخ ميلادى الحقيقى ، 14-1- 1942 ، ابوحماد شرقية
ليتنا جميعا نعتنق فكرة النقد افضل من جامد اقووووى ، وعميق ومعبر وهكذا
شكرا لك وتحياتى

Beram ElMasry يقول...

اخى . على عبدالله
تحية وسلام
اعتقد يا صديقى ان جلا جلة لوكان فوق لام جلة شدة وكسرة بعيدعنك تبقى نيلة خالص
شكرا ولك وتحياتى

Mostafa Safwat يقول...

السلام عليكم

مش عارف دي اول مرة آجي المدونة ولا لأ بس انا فاكر اني جيت قبل كده يمكن بس مكتبتش تعليق
طبعا حضرتك مش مستني واحد زيادة يقولك ان ما تكتبه جميل : اكيد ده حيكون تكرار ممل للكلام
انا عاوز اتفاعل معاك اكتر من كده (طبعا ده دليل على اعجابي بلكلام)
بس قبل ما نبتدي التفاعل احب اوضح انا مش شاعر و مش بتفزلك انا حنقشك في الاحساس بتاعي بكلامك فمتفهمنيش غلط لو سمحت

"جلا جله ماهو ارخى ليلى كلكله"
مش فاهمها دي خوصوصا "كلكله" ينفع توضحهالي؟

"حاوى وشغله عالدماغ
وذلنا تعرفش ليه * ماخلى قيمة للجنيه
خلاه ميسوى قرش صاغ
وخلى فوقنا اسفلة
جلا جله"

ايه رأيك لو شيلت حرف الواو قبل ذلنا لانه اخدنا على مشمنا ملحنقاش نفهم الي بيحصلنا بقالنا 25 سنه هههههههههههه
لا لا بجد مش لو شيلنا الواو تبقى اخف في القراءه؟

انا عارف اني غلس بس ارجوا انك تفهمني انا بنقلك احساسي و لا يعني ابدا كلامي اني بتعوج انا نفسي اعرف اكتب زيكم.
شكرا

Beram ElMasry يقول...

اخى . Bondok
تحية وسلام
لهذا القلب المتفتح والذهن الواعي بكل الصدق اقول
كلكل هو صدر البعير او الحيوان على الاطلاق ، والبعير عندما يناخ ( يعنى يبرك يعنى ينزل على الارض ) ينزل بصدره اولا وهى كلمة فصحى ( وناء بكلكلى ) لامرئ القيس على ما اذكر ، والمقصود لما الليل اسود وغفلق
الحاوى يعمل على صرف الانتباه الى شئ ليفعل شئ اخر ،وقال الله سبحانه وتعالى عن سحرة فرعون ( وسحروا اعين الناس )
حذف الواو افضل فى الميزان ولكنى تركتها كحرف عطف لالصاق ما بعدها للحاوى
ضاعف هذه الغلاسة ومرات مرات قانى ازداد بها بهجة لانها كما قلت دليل على استيعاب المتلقى وانا لا اسعى للشهرة اوان احتل مكانا فى قلوب العذارى ، فانا رجل فى المعاش من سنين ، وانظر تجدنى الح فى طلب النقد لا لشئ الا تحفيذ القارئ للاطلاع ، وانا لست فى حاجة للنقد لا تعاليا ولكنه لا يفيد قلمى العجوز
صدقنى انا فى منتهى السعادة بحوارك ، وتاكد ان القول الموزون ابقى فى النفوس ، ولعله ينشط الهمم
تحياتى لك ولا تحرمنى صداقتك ،ومن الاكيد انى ازورك دوما ما دمت حيا

mohamed ghalia يقول...

جلا جله
حاوى وشغله عالدماغ
وذلنا تعرفش ليه * ماخلى قيمة للجنيه
خلاه ميسوى قرش صاغ
وخلى فوقنا اسفلة
جلا جله
ياشعب فوق الفتة عام
النهب فينا منتهاش * الالف منا بالبلاش
والسعريرخص كل عام
وعرفنا ذل المسالة
جلا جله
وصفت حالنا بطريقة أكثر من رائعة
تقبل تحياتى
دمت بود

Beram ElMasry يقول...

اخى . mohamed ghalia
تحية وسلام
السعادة فى ان نصنع شئ بانفسنا وينسب الينا ، واما الطمانينة فهى صفاء الروح ولذة الايمان
شكرا لزيارتك ولا تحرمنى صداقتك

القلم السكندري يقول...

ياريت شبابنا يوم يفوق
يحط رجله عالطريق * ويبقى حر يعيش طليق
تموت افاعي فالشقوق
وينسي طبع الهرجلة
نلقاه بحلمه وقد علا




كبر عليهم اربعا

واسكب علي .. هذي البلادِ

من الفؤادِ مدامعا

أوتبتغي المجد المُرامَ

من القطيع الإمع؟؟

لكنه الرحمنُ..

فيه رجاؤنا لن يُقطعَ



تحياتي يا استاذنا

Mostafa Safwat يقول...

السلام عليكم
سعيد جدا انك تقبلت تعليقي و سعيد اكتر بالمعلومة الجديدة بتاعت كلكله

اتمنى انك كمان تيجي تزرني!
شكرا

على عبدالله يقول...

استاذ بيرم
انا اسف
هى بصراحة بقت جله متعاصه بجله

شوف يا استاذ بيرم ماهو انا لازم افهم كل كلمه بتقولها ،، يعنى كلمة كلكله ماكنتش فاهمها ودلوقتى خلاص فهمتها

انا شلت الحروف الانجليزى خلاص علشان خاطرك يا باشا اصلى ماكنتش واخد بالى منها


طبعا انا مش محتاج اقولك كلامك جميل ومعبر عما نحن فيه ،، بس هاقولك

لافض فاك
تحياتى

غير معرف يقول...

سيدي الفاضل
سعيدة بعودتي لعالم التدوين مرة أخرى
لأتمكن من قراءة كلماتك القوية الخفيفة على قلوبنا
: )))

أسعد جدا بزياراتي
وأعتذر بشدة إن صدر مني ما يضايق شخصك الكريم

تحياتي

الازهرى يقول...

صديقى العزيز

ياريت شبابنا يوم يفوق
يحط رجله عالطريق * ويبقى حر يعيش طليق
تموت افاعي فالشقوق
وينسي طبع الهرجلة


اضم صوتى اليك فى الدعاء
اللهم امين
واجعل هذا اليوم قريبا تراه العين

تحياتى

Beram ElMasry يقول...

اخى . القلم السكندري
تحية وسلام
الله يا باشمهندس حسام الدين ، بامانة تعليق شاعر ، طيب لية مضلمهه ، فين القلم العاشق ، كمان (يا طيور الموت غنّي ) مش حلوة ومش صح
صديقى المهندس . قبردي (تبقى ايه ) لا تغمس قلمك فى لون لا يناسبه فقلمك شابا رشيقا له الامانى والاحلام لا الحزن والسواد
شكرا وتحيلتى لك

Beram ElMasry يقول...

اخى . Bondok
السلام عليكم
سمعتكما عندما قال لك فاجبته وقلت له ، وجرجرتنى وراكم اتارية قلبك مع الدنيا او من تحب ، ضحكت عيه وانا العجوز
شوف يا صديقى لو راجعت هذا العمل مرة اخرى واعملت الفكر مع شحنة العاطفة لظهرت هذه القصيدة اكثر ابداعا وطلاوة
دمت لى اخا وصديقا

Beram ElMasry يقول...

الفاضلة . Bannoura
السلام عليكم ورحمة الله وبركاته
اللهم اصرف عن هذا الطفل كل مكروه واجعله قرة عين ابوية
ابنتى عود حميد وارجو ان يكون سبب الانقطاع خير
تحياتى لك

Beram ElMasry يقول...

اخى . على عبدالله
السلام عليكم ورحمة الله وبركاته
عافانا الله وعافاكم من كل مكروه
لك تحياتى

أمل حمدي يقول...

الدنيا مولد ومالوش اخر

انت عارف يا اخي بيرم

ان المصروف على امتحانات الكادر

اكتر من الكادر اللي محيرهم

النهب فينا مانتهاش

كلنا ببلاش

تقبل مروري اخي بيرم المصري

Ahmed Othman يقول...

كرباج كلام
من غير لجام
ينزل على ضهر اللئام
و يصحي فينا المرجلة
جلا جلة

بيرم
ابدعت

ذو الوجه المبتسم يقول...

السلام عليكم
جلا جلا
تحليلك للقضية مميز ورائع
باتمنى بجد كل العالم يقرها ويفهمها ويعمل بها

ياشعب فوق الفتة عام
النهب فينا منتهاش * الالف منا بالبلاش
والسعريرخص كل عام
وعرفنا ذل المسالة

تحياتى لوجهك المبتسم

القلم السكندري يقول...

أ/ بيرم المصري


وكم كان الشعقُ وبالا علي صاحبه؟؟

وهل في الأرض أشقي من محبٍ

بالنسبة ل(ياطيور الموت غني) بصراحة كنت هعدلها (نوحي) كمان.. بس الحمد لله انها وقفت لحد كدة.. وكفاية استفزاز للراي العام :)

أما (قبردي) فهو لقب عائلتي

وهو لقبٌ شركسي.. نسبة الي (جمهورية القبردي- بلقار) جنوب روسيا وشمال جورجيا

وختاما.. أشكر نصيحتك الغالية..

ولكن ادعو الله لي أن يجد قلمي من الالوان الزاهية مادة وحبرا يكتب به


ولك خالص الود

أحــوال الهـوي يقول...

عزيزي
مصطلح جلا جلا يقال من السحره و الحواه كما اسلفت في بداية قصيدتك
و لكنك تتحدث عن حقائق و ليست سحر و اعتقد ان الانسب اتفرج ياسلام تقال لعرض قصص وحكايات حدثت في صندوق الدنيا

ما دون ذلك رائع
فانت تمتلك ادوات و لغويات الشاعر العامي المتمكن من اللغة العامية الراقية

تحياتي

سراج يقول...

الحمد لله أني لست الوحيدة التي لم تفهم بعض الكلمات..
أن الظلمة تفننوا في إرهاق شعوبهم، كي لا يجدوا حتى لحظة للتفكير في الخلاص منهم، نحن جميعاً بحاجة إلى ثقافة جديدة، تؤهلنا لأن نمشي فوق جراجاتنا، نعم الثمن هو تألمنا، لكنه بالتأكيد سيكون مخاص لحياة أفضل.. أسئل الله لكم التوفيق

انا من اهوى ومن اهوى انا يقول...

جلا جلا جلا جلا

فهمنا يابا المسألة

ودماغنا تعبت من الجلا وشغل الحوى

ونفخ النافوخ وحساب وحسبة مبرجلة

وشبابنا يابا عنيها والله مفنجله

لكنها مابيدها . الا الكتابة المبهمة

كليلة دمنة.. فعل حكيمنا بيدبا

خاف من كلاب الظلم كتب كتابة بمعلمه

قال بالاشارة شاور وثار بس بكلام كلة غنا

دلوقتى يابا انت عملت زية وقلت عاللى فى نفسنا



تحياتى ليك

خالد الكومي يقول...

بصراحة مجهود رائع وكلام اروع اسلوبك اعجبني جدا وكل المدونة الخاصة بك لدرجة وضعتها كاول مدونة شدتني علي مدونتي المستقبل مصر

Beram ElMasry يقول...

اخى . الازهرى
سلام وتحية
فى ( البحث عن جواب ) رسمت صورة من كل محاسن الموجودات واحجار كريمة لمن تحب ، وحرمتنى من رؤية هذا العلشق ومعاناته من الداخل
صوتك يقوينى وفكرك يلهمنى ولك تحياتى

حمادة زيدان يقول...

جلا جلا جلا

نورتني وخلتني أعيش المسألة
مدّونة جميلة جداً يا هلا
فيها من الكلام ما نستفيد
ونقعد نقول الله عليك
والله يا عمونا نورتني وزودتني
وان شالله دايماً تفتكرنا
ويبقي شعرك ده أثرنا
ومش عارف أكمل ولا أقول غير
جلا جلا جلا
نورتني وخلتني أعيش المسألة

حمادة زيدان

الكحيان يقول...

كلام جميل يحرك المشاعر يصف الأزمة ويفلسف الواقع الكحيان، يضع يده على الجروح يضغط عليه بقوة،ومع ذلك يبتسم ويغني ويعيش في أمل واسع
ياريت شبابنا يوم يفوق
يحط رجله عالطريق * ويبقى حر يعيش طليق
تموت افاعي فالشقوق
وينسي طبع الهرجلة
نلقاه بحلمه وقد علا
جلا جله * حلا حلا
شكرا لك سيدي على فنك الجميل، وإن شاء الله سيفوق شبابنا ويبقى عال العال تحياتي

Beram ElMasry يقول...

الاخت . ماما أمولة
سلام وتحية
مرورك تشريف للمدونة ، وامنية لنا ، وزيادات الجامعة لم تصرف ، ولسة ما خفى كان اعظم
شكرا وتحياتى

Beram ElMasry يقول...

اخى . وجه جديد د.أحمد عثمان
سلام وتحية.
د.أحمد عثمان ، تعليق اجمل من القصيدة وشكرا لك
زيارتك اسعدتنى ، واجعلنى صديقا تزداد سعادتى

Beram ElMasry يقول...

صديقى . ذو الوجه المبتسم
تحية وسلام
يا صاحب الوجه البشوش ، يسعدنى استيعابك لما تقرا ، والامل فى اليقظة بين امثالك اكيد
تحياتى

فشكووول يقول...

ايه ده يا عم بيرم دا اهنا حاهريك زيارات ما صدقت الاقى واحد قريب من سنى اشكرك على الشعر الجميل اللى كتبته عندى .. اما جلا .. جلا ..اللى عندك دى .. هايله .. مش انت بقى بيرم .. دا بيرم هو اللى شكلك يا عم بيرم المصرى .. سلم لى على بيرم التونسى .. تونسى ايه .. المصرى يكسب .. وخد عندك
حلولا يا حلاولا .. ياحول الله.. ليس الا
فكهانى .. حلوانى .. وسعات برضه فسخانى
وساعات مش حاجه عجبانى..اقوماشتغل حمصانى
لو ما عجبكش الاخرانى .. خد التانى
ولو ما عجبكش التانى ..خد الاولانى
بس اوعى تاخد الحمصانى .. اصل دى شغلانه عجبانى
وانا انانى .. والحمص طرى على لسانى
وانا زى الفريك .. ما بحبش شريك
ومن كتر ما انا انانى
ساعات الهف النوم من عنيك .. وساعات بحنيه وبحب الاقيك
عشان ناوى العب بيك واضحك عليك
وانا اصلى شقلباظ مقلباظ .. اشمعنى انا
انا برضه زيك .. زى الكل .. وبرضه زى الفل
وابور جاز نصلح..فيلم كوميدى ..فيلم ثقافى..مصنع حديد .. مصنع صفيح.. مصنع نحاس .. برضه نصلح
والهوى ندهنه دوكو.. والشمس نعبيها فى قزايز.. والترماى نبيع ابوه
مش قلت لك انا شقلباظ .. مقلباظ
ويا سلام.. يا سلام لو خدمنى الزمان وبقيت سلطان زمان.. حاديكم الامان.. واطمنكم كمان واقول لكم احلى كلام..
بس .. حاسرق النوم من عنيكم.. واخلى اخرتكم تناديكم.. بس صبركم على لما الزمان يبقى الزمان واكون سلطان زمان
كفايه يا عم بيرم انا مش شاعر بس بحاول اجاريك .. لكن برضه ما عرفتش وعلى قدى .. اوعى تنسى تزورنى كتير ما احنا طلعنا زى بعض

Beram ElMasry يقول...

اخى . القلم السكندري
وهل في الأرض أشقي من محبٍ
نعم الشعب المصرى
لا تنسى ان امير الشعراء شوقى من اصل شركسى هو الاخر
الالوان تظهر تلقائيا فلا تتعجلها
تحياتى

Beram ElMasry يقول...

اخى . a7wal el Hawa
السلام عليكم
صدقت (اتفرج ياسلام ) صندوق العجب ، غير انى ارمى الى اعمال الحواة فى التضليل ، كاختصار حرب اكتوبر فى ضربة جوية كما قلت فى مقالك ، انه الاعلام الفج كما فعل التلفزيون وعرض جمال مبارك يوزع شقق مع خلفية من الزغاريد وربنا يخليك ياريس ، مع انه لاوزير الاسكان ولا ابن الملك
اعلام وقح وبلطجة دعائية
اجعلنى صديق لك تكمل سعادتى

مجداوية يقول...

السلام عليكم
كلام جميل وله وقع الكرباج السودانى فعلا
لكن محتاج يتسمع لأن العامية لكنة أكثر منها لهجة حيفرق كتير لو الكلام ده مسموع مش مقرى

لكنه كلام طالع سلس من غير سحر ولا شعوزه ولا جلا جلا

Beram ElMasry يقول...

الاخت . سراج
السلام عليك ورحمة الله وبركاته
السخرية من القيم والتقاليد كما قلت ، مخطط غربي مدروس بعناية لضرب الروابط بين الشعب الواحد او الامة الواحدة ، فيسهل السيطرةعليها وسلب خيراتها ، وزرع الشك وفقدان الثقة بين الحاكم والمحكوم ومغازلة الحكام بطول البقاء وحماية العرش او الكرسى ، من خصوم وهميين
شكرا على التعليق ولا تحرمى مدونتى الزيارة

Soul.o0o.Whisper يقول...

السلام عليكم و رحمة الله و بركاته


أعتقد هذه أول زيارة للمدونة ،
بس بجد ....
ما شاء الله

جلا جلا
مالها ضلمة مكحلة
ربك يحل المسألة
و نورت درب المحكمة
جلا جلا


هههههههههههههههه



بجد سعيدة جدا إنى أتعترت فى المدونة دى
و إن شاء الله أتعتر فيها كتييييييييييير



خالص تحياتى

القلم السكندري يقول...

أستاذنا / بيرم المصري

اخى . القلم السكندري
وهل في الأرض أشقي من محبٍ
نعم الشعب المصرى..



لا يا استاذنا الشعب المصري ده اساسا تجاوز مرحلة الشقاء دي من زمان وشارف علي مرحلة الابادة والعدم

تحياتي يا استاذنا علي المرور ده وربنا ما يحمرناش من زياراتك

Beram ElMasry يقول...

اخى ، انا من اهوى ومن اهوى انا
يا ابن اللذينة على جمال تشبيهك
.. فعل حكيمنا بيدبا
خاف من كلاب الظلم كتب كتابة بمعلمه
امل متوهنى ليه وعمال تقول
لا اريد الرفقة والرفاق ولا الصحبة والفراق
شكرا لزيارتك ولا تحرمنى المعاودة والنقد

شمس النهار يقول...

اخي بيرم
السن عمره ماكان عائق للتواصل
بدليل اننا بنتواصل مع اولادنا واصحبهم وكذلك بعد شويه مع احفدنا
وبالرغم من ان سن الاربعين مش شباب
الاان الشباب حبوك وبقروا لك كل ماتكتب
قصيده جديده
بالنسبه للنقد
اعتقد ان الانسان ممكن باليين والود والحب يقول اي نقد
من غير اي اغراض الاالوصول للمصلحه
تقبل تحياتي

عالم ماريونت يقول...

العزيز بيرم:
مش عارفة اكتب تعليق غير انها بجد اغنية تحفة تحفة موووووووت
جميلة جدا يا بيرم
ربنا يوفقك يارب
مش هقدر اقول غير كدة
رنا

Beram ElMasry يقول...

اخى . ابن الناس الطيبين
تحية وسلام
اولا فعلا الانتخابت الامريكية لها اثر واضح فى السياسة العالمية ، انكار ذلك خطا ، ولكن من العبس والتخلف ربط مصيرنا بنتيجة الانتخابات ، والمفروض ان نتعامل بحكمة مع الجوانب المناسبة لنا وتحيد مالا يناسبنا ، والزمالك صورة مصغرة من واقعنا الغبى ، فالمهم رئاسة مجلس الادارة والباقى يولع
شكرا لتعليقك واجعلنى من بين الاصدقاء لتزداد سعادتى

Beram ElMasry يقول...

اخى . حمادة زيدان
شكرا للزيارة والتعليق ، وما كتبته فى قصتك يخدش الحياء ولم نصل لهذا اللون وحمدا لله على السلامة
عفة القلم انفع وابقى وبما نكتبة من ادب تسمو الاخلاق
تحياتى

Beram ElMasry يقول...

اخى . الكحيان
دكتور ان شاء الله عن قريب
لاتسخر من قولى ،
الدولة بوحى ممن لا ادرى افسدت القيم والاخلاق والضمائر
، عندما تقف بالساعات فى البرد اوفى الحر حسب الفصل ، ثم ياتى الاتوبيس وتنحشر فبه واللى مش عاجبه ياخد تاكسى
عندما لاتعرف سعر الكهرباء وكانه سر عسكرى والامر بيد الشركة القابضة
عندما ينخفض سعر البترول فى العالم ويثبت سعر البنزين عندنا
عندما تدفع الحكومة دعما بزعمها للرغيف فينكمش ويقل وزنه ويسود وجهه وكان الدعم لعنة
حندما تباع الارض للغير والغاز لليهود بامر سيادى ، فالكتاب الجامعى وانا وانت لا وزن ولا كرامة
شكرا للتعليق ، ان جعلتنى من بين الاصدقاء فشرف لى وشكرا لك

MY FATE يقول...

حلوة جدااا
جلا جلا الحكومة بتعمل فينا زي الحاوي يا بشر
جلا جلا بس الحكومة لعبها مكشوف وبتسرق الشعب يا وله
بس الواحد عامة بيحس أنه الشعب ده لازم يلاقى حد يضحك عليه
حد يضربه بالكرباج عشان يمشى
سواء هيمشى صح أو غلط
ربنا يكرم والبلد دي تتحرك ولو خطوة واحدة لقداااااااااااااام مش لورااا
ربنا يسترها علينا بقي
سلااااام

الازهرى يقول...

صديقى العزيز أ . بيرم المصرى

ان هى الا ذكرياتى فما يطفو منها على السطح يعرفه من حولى وما بقى بداخلى فالى حين

تحياتى وخالص مودتى

ميليجي يقول...

ايه الجمال ده يا عمنا
انا سعيد والله انك نورت البلوج بتاعنا....ومعرفش انت كنت غايب عنا فين!!!!!
انا ان شاء الله اول ما اخلص امتحانات هاعكف على مدونت معاليك ....لحد ما جيب اخرها
بس دعاك معانا ننفد بالسلامه

Beram ElMasry يقول...

اخى . fashkool
السلام عليكم ورحمة الله وبركاته
دوختنى معاك فى رحلة المطبات والاشارات والكبارى الملخلخة ،ودوختنى فى زمن الخير المفقود واطلب الرحمة للحاجة ام محمد لوكانت عايشة لان الاحياء للرحمة احوج
واذيتنى بالصور القبيحة التى الت اليها منابع الخير ، وادعو معى اللهم العن كل من سعى وصدق على هذا الخراب وامحو من الوجود نسلة
(.. يا سلام لو خدمنى الزمان وبقيت سلطان ) ممكن لو ربنا قصف عمر جيمى كارتر
تحياتى

Beram ElMasry يقول...

الاخت الفاضلة . مجداوية
السلام عليكم ورحمة الله وبركاته
( تواصلا مع الحداثة والتقدم التكنولوجى فى العالم وهبطنا وانحدرنا انساني ) العبيط من التكنولجيا والاستهلاك فقط
( فالمساواة فى الظلم ظلم ) صحيح فلا يمكن ان يكون الظلم عدل اى لا تكون المساواة الشئ وضده
( فالمنظومة كلها مضروبة ولا بد أن تتغير
والناس كمان لازم تتغير ) النظام الحاكم فى كل البلاد اذا طال ، شكل اخلاقيات المواطن فاذا حرمته سرق وان ضيقت عليه مرق
( لحبوب مثل الفياجرا) ووارد اضافات على الاعلان اكثر وقاحة يلتذ بها المرضى والشواذ
( لقد شوهوا كل شىء ولم يسلم شىء جميل منهم )
انها وصايا مولاهم المقدس بوش ، وتعاليم الكونجرس قدس الاقداس فى بلاد الانجاس
ياريت اسجل ما اكتب بالصوت لان هذا اوقع وانا قليل الخبرة بالجهاز والبرامج ، فمن مد يد العون فقد صنع بى وبالشعر العامى معروفا
شكرا لزيارتك وان تكونى من رواد مدونتى فهو شرف لى

Beram ElMasry يقول...

الاخت . Soul.o0o.Whisper
السلام عليكم و رحمة الله و بركاته
( بدون عنوان ) طيب هوه اللى انتى قلتيه عاوز عنوان ، دولا العدوان الثلاثى خير ياست الكل
( أعدك بحرب ضروس ) لا والله فيك الخير
(أن تكون حربا شريفة ) اشك وانت بهذه الشراسة
حمدا لله على السلامة انى رجل ولن اكون طرفا فى النزاع على هذا المحظوظ
لى رجاء ان تعطينى خبرا عند تشريفك فى كل ثلاثاء عشان احضر شومة لدواعى الامن
المراة الذكية خفيفة الظل نعمة مادامت مش زوجة

Beram ElMasry يقول...

اخى . القلم السكندري
السلام عليكم و رحمة الله
ولا يحرمنى منك

Beram ElMasry يقول...

الاخت . شمس النهار
السلام عليكم و رحمة الله
شكرا جزيلا على النصح والتوضيح
دمت بخير

Beram ElMasry يقول...

الاخت . شمس النهار
السلام عليكم و رحمة الله
شكرا جزيلا على النصح والتوضيح
الوطن عندى ، مكان فيه امسى واعيش حاضرى ويتسع لغدى ، اكون فيه امنا ولا ابخل عليه بدمى
دمت بخير

Beram ElMasry يقول...

الاخت . يوميات نائمة في الأرياف
السلام عليكم و رحمة الله
شكرا لزيارتك ، ونحن فى شوق لجديدك وان كنت طالبة فسوف ننتظر حتى نهاية العام لتحملى لنا بشرة نجاحك ان شاء الله

Beram ElMasry يقول...

ابنتى العزيزة / MY FATE
تحية وسلام
صدمنى فى مدخل البلوج بتاعك مكتوب من بلاد الفرنجة فبسملت وحوقلت وطلبت المدد من اهل العلم والعارفين بلغة الطيور فجادو وارسلو لى مترجم
قال المترجم – ام لوصت – صرخت البت لاصت يارب سلم وجيب العواقب سليمة ، ولما قال دريم قلت بس عارفهم دريم ون ودريم تو، يعنى البت بتلعب لازم حد يقول لها ان جدها بيرم عايزها من الاوائل ، ومستنى لاخر السنة لو لية عمر
شكرا للزيار وامل فى التفوق

أبو فاطمة / هويتي إسلامية - مدونون من أجل فلسطين يقول...

دستور

ياللي هنا

السيد بيرم موجود

يا عم انت

يارب كده هتنرفز انت يا عم بيرم

اه بحب اوي ان والعمدة حركات الجلا جلا دي العمدة حريف دجلا جلا

الله الله الله ايه ده كرباج سوداني هو انت عميل كمان ليه ميكنش كرباج مصري

جبيصة شد اللوحة اللي عليها كرباج سوداني دي


بارك الله فيك اخي الحبيب وبورك فيك

الموضوع مهم وشيق اول زيارة لي لمدونتك فلن استطيع وضع صوتي الان في استطلاع الراي ولكن عن طريق متابعتي ليك هقدر اقيم مدونتك جزاك الله خيرا

ابو فاطمة من امام مسرح حزين المسمي بالجلا جلا

Beram ElMasry يقول...

حبيبى الازهرى
السلام عليكم
مش حتقدر تضحك علية انت تعلم كما اعلم ان اللالئ لا نحصل عليها الا بالغوص فى الاعماق ، وانت مالك لزمام اللغة ونحن على الفتات نعيش
العب غيرها دنا عجوز ولك تحياتى

Beram ElMasry يقول...

اخى . ميليجى
تحية وسلام
اللهم تقبل دعانا لك بالنجاح والتوفيق
هل انت ميليجى رصيف نمرة خمسة واللا ميليجى اخو اوشة ، على العموم لا انا فريد شوقى ولا انا اللمبى ، انا بيرم المصرى اللذى تمنى ان يقضى معاشه امنا فابت الحومة الا ان يموت قهرا فانطقوا قلمى غضبا
لى رجاء عندما تعود بعد النجاح ان شاء الله هات اخرها مش ضلفها
تحياتى

م/ الحسيني لزومي يقول...

ولد العم
معلهش علي التأخير شغلتنا اموالنا واهلونا كلامك الحلو بيفكرني بسلبية شعبنا الحبيب ويخليني اقول.
يا شعب ناسي اللي فات
يا شعب ناوي ع السكات
عايش حياتك ع الفتات
شارب مرارك للممات
فاكر سكاتك يوم ينجيك م الهلاك
وللا يحنن قلب باعك واشتراك
وللا يحلي عيشه يوم للي ورالك
دا كان الخلق ماتوا ع السكات

-----
شارك في الحملة الشعبية للقيد بالجداول الانتخابية بوضع بنر الحملة علي مدونتك.
البنر موجود علي مدونتي

Unknown يقول...

عم بيرم ..
عين الشمس مفتوحه ..والي ماشايف له الويل.
وفاس الفرح مرفوعه ..تهدظلام وتنور بالليل.
هجمت علينا العصابه ..
فرحنا وغنينا بالربابه..
وقلنا الايام الجايه حلوه يابه
..ورقصنا رقص وقلنا ..اخترناك ..اخترناك..والي نسي نفكره ..هناك.

ندا منير يقول...

جميل قوى كلامك
وفعلا زى ما قلت احنا شعب رخيص وبيتباع رخيص جدا

وفى شباب كتير قوى فايق ونفسه يعمل حاجة بس مستنى اللى يشجعه

Unknown يقول...

أستاذي ...لقد أجبت حضرتك علي سؤالك ..كيف تقولي ..علي المهازل الي ف الهباب الي اسمه مايسماش ...الي فيه الكلاب بتوزع السم في عقولنا ..وتملا قلوبنا بعواطف مغلوطه ...بأي حق يا سيدي يوزعوا ولا في توشكا يزرعوا...بعدين يدعوا...اننا لا نفهم في تكنولوجيا الزراعه ويبيعوها ..ومنافذ الخير يسدوها ..ومش عايزنا نرقص ...عرفت مين الي رقص يا عم بيرم....

عـــفـــراء يقول...

السلام عليكم ورحمة الله وبركاتة
والدى الفاضل واسمح لي بها لانك فى عمر والدى اطال الله فى عمرك ومنحك المذيد

جزبنى شديدا مرورك لي وخصوصا تعليقك الذى ابهرنى ودفعنى للمجيئ هنا
وعند دخولى ممكلتك الخاصة بك بهرنى اكثر ماتكتب ودفعنى لقراءة ماتنصة المدونة باكملها بما فى ذلك التعليقات
ودائما المزيد متميز كالعادة، وحضورى الدائم كام فهمت كل ثلاثاء.

كرباج سودانى بيلسعنا بمعانى
وبجد بنعانى ..وفى قلوبنا شايلين
وبنقول يارب
جلا جلة ...
بكل محنة منحة من رب كريم وقال ابويا الله يرحمة..
هنفوق ونروح فين وكل مانفوق نتعب اكتر
وحرين ..
ماحنا احرار..
محبوس جوانا نبض مكتوم..
ويوم مايخرج قول يارحمن يارحيم...
مافضلش غير لسان ...ودعاء من قلب همدان
ويارب دومها ان شاالله برفع ايدى مع صوت آذان..
انا سعيدة جدا بتشريف حضرتك مدونتى البسيطة التى هي ماالا تفريج عن نفس حتى لو بخربشات من احساس مدفون

دمت بكل ود ..
تحياتى وتقديرى يافندم

Soul.o0o.Whisper يقول...

Beram ElMasry

ا.بيرم

بجد نورتنى و سعيدة جدا بتواجد حضرتك

عاوزة أقول لحضرتك إنى طيبة والله
ورقيقة و من النوع الأليف
بس هو حظ حضرتك اللى جه كدا

مش بيقولك اتقى شر الحليم إذا غضب
ههههههههههههه
أهو انت جيت فى مرحلة إذا غضب دى


بس كدا ماينفعش أعطى لحضرتك خبر قبل ماجى
دا أنا هأحضر متخفية و اتسحب على طراطيف صوابعى كمان

اه مايغركش الكلام
دا احنا اجدع ناس تجرى
:)


خالص تحياتى

محمد مارو يقول...

جلا جله الله على الصحوه و الصهلله
جلا جله جميله و مجلجله

صباح الصباح يقول...

ياشعب فوق الفتة عام

تعبير تحفة

ولكن فى الاخر

وقد علا (لو حذفت الواو سيكون التاكيد اعلى واقوى بكثير)

دمت سالما

Beram ElMasry يقول...

ابنتى العزيزة . ندا منير
ابنتى نودى طال غيابك لية يا قاسئ ، ان ما اكتبة هو من اجل كل الشباب من امثالك الغيور على نفسه واهله ووطنه المستباح لحفنة من لصوص ماتت ضمائرهم
اجتهدى فى دراستك فان نجاحك مبعث لسرورى

Beram ElMasry يقول...

اخى . عصفور مهاجر
شكرا للصقر شكرا لعين حورس فى سماء مصر على التوضيح
تقبل تحياتى واجعلنى صديقا لازداد شرفا

klmat يقول...

جميله اوى
الشباب فايق بس خايف من الحبس والبهدله
وجلا جلا

Beram ElMasry يقول...

ابنتى الكريمة . عــ ـفـــراء
السلام عليكم ورحمة الله وبركاتة
عفراء تعال نقضى حقا وجب
هات اناءا واملئيه لابن عمى املا
( والدى الفاضل واسمح لي بها ) ، هذا فضل منك وكرم ، ولى به الشرف يستوجب منى الشكر
( لقراءة ماتنصة المدونة باكملها ) وهذا تكريم لى اخر وللمدونة
( ودعاء من قلب همدان ) عبارة ووصف لقلب اجهده ما نحن فيه غاية فى الجمال ولعلى اقتبسها فيما بعد
ابنتى العزيزة ، رحت افضفض معاكى فوجدت احساسا مرهفا واسلوبا مهذبا ، ولى رجاء بسيط جدا وهو ان تنتبهى لبعض الكلمات مثلا ( فاليقظة افضل من حلما يقتلنى )
كلمة حلما مجرورة بمن فتكون حلم
ابنتى اوليتنى شرفا لن افرط فيه فلا تغيبى عنى
تحياتتى لابنتى وامل لها بالنجاح وتحقيق الاحلام الجميلة

Beram ElMasry يقول...

الاخت الفاضلة . Soul.o0o.Whisper
السلام عليكم ورحمة الله
على مين (ورقيقة و من النوع الأليف ) واللا لو كنتى من النوع الداجن
( هأحضر متخفية و اتسحب ) ، اقسم براس العجل الكبير لوقفشتك وبتعملى شغب لاكون مكتفك ورانك علقة نصها موت ، والنص التانى اداويكى واستسمحك تسامحينى
( مش قصدى الماء و الخضرة و الوجه الحسن ) هما فين يا حسرة ، دول كانو من ربع قرن وزيادة
( من موقعى هذا بأسجل أشتياقى للكلية و الدراسة ) لا يا شيخة ، كويس والله العظيم والحقى وقدمى تمهيدى وحالا ان شاء الله ماجستير ودكتوراة واكون لسه عايش وابعت بوكيه ورد للدكتورة الكميائية
مش باقولك ان الانثى الذكية نعمة من الله بشرط الا تكون زوجة
ان كنت اثقلت عليك فسامحينى فانت اهل لهذا وعاودى الزيارة

همس الاحباب يقول...

عم بيرم
تسلم ايديك
هو فعلا كلام
بس اشد قسوة ولهيب من الكرباج السوادنى
بس يا ريت نفهم ونحس
احنا شعب مغيب وفاقد الوعى
وعايش وهم جلا جلا
ويا ما فى الجراب يا حاوى
تحياتى وتقبل مرورى

Beram ElMasry يقول...

اخى . محمد مارو
السلام عليكم ورحمه الله
قرات مقال ( انقراض اللغة العربية.. بيدنا لا بيد عمرو ) وهو مفيد جدا ، وللاسف الحكومات الغبية والعميلة تعمل بطريق مباشر وغير مباشر على اضعاف اللغة ، وذللك لتفضيل حامل اللغة الاجنبية ، وتكلم غالبية الفنانين ببعض الكلمات الاجنبية وثقافتهم لم تتعدى شارع الهرم ، وخاصة فنانات لبنان وحتى مثقفيها يدعون الى ما يمسخ اللغه ، ولا ننسى ماهو اخطر ان موت اللغة موت للدين والامة
شكرا لزيارتك والشعر العامى ثقافة امة
********************************

Beram ElMasry يقول...

الخل الوفى . صباح الصباح
السلام عيكم
صدقت حذف الواو اصلح ولعلى حاذفها والمشكل ان الوزن يختل فى اذن القارئ اذا وقف على هاء الضمير وسكنها فى كلمة حلمه
لاتكن بخيلا فى نقدك لى ، فبما تراه وبما يراه غيرك يصلح العمل الى الافضل ، ولا تحرمنى المرور والنقد المفيد
تحياتى

إيمان قنديل يقول...

والله دي قصيدة فلسفية بتعبر عن المنطق اللي عايش به الشعب المصري

أختكم فى الله يقول...

تدوينة مميزة حقا

مختلفة عن اللى قبليهافى الجو العام

جزاك الله خيرا

فشكووول يقول...

طبعا انت مش حتاخد بالك من التعليق ده لانه رقم 79 يعنى فى اخر التعليقات وما علهش : اصل انا بحب ادوخ فى المطبات واحب اكون سلطان زمان .. ما هى البلد كلها مطبات .. ماذا افعل ؟الاحسن ان احبها وادوخ فيها بدل ما اخبط دماغى فى الحيط .. وعشان كدا اتمنى اكون سلطان زمان زى سلطان زمان .. اشمعنى انا يعنى .. بس لا .. مش عايز اكون سلطان زمان .. خليه هو اللى سلطان زمان .. وكفايه على الدوخه فى المطبات .. وكفايه على اشتغل حمصانى

Beram ElMasry يقول...

الاخت . klmat
سلام وتحية
ذكرت فى حديثك عن ( كتاب السر ) ان من له تجربة يذكرها
ماحدث وارويه يخيل لى انه وهم مع انه حقيقة ثابتة بالاوراق والنتائج ، ان خريج فنون تطبيقية ، حاصل على درجة الدبلوم اثار اسلامى ، تم نشر رسمى التخطيطى لحفائر القصر العينى عام 79 فى جريدة الاهرام ، فى شهر سبتمبر 86 ذهبت الى عملى خارج محافظة القاهرة لطلب اجازة مرضى مفتوحة بسبب مرض يفقدنى البصر تقريبا ، قابلنى دكتور صديقى يصرخ من شدة الفرح لانه كان حيموت لو لم يجدنى ويتوسل ان اذهب معه لكلية الاثار جامعة القاهره ، وللتعاقد مع جامعة صنعاء للتدريس :
انا ساعتها شبه كفيف
الساعة 9 ونحن خارج القاهرة وبالمواصلات العامة وحتى الان لا اعرف اى وسيلة مواصلات استخدمناها لنصل فى الموعد الساعة 11
وجدت ثلاثة متقدمين غيرى اقلهم معه ماجستير ، ويختارنى د . عبد الحليم نور الدين للتدريس
وللحصول على شهادة خبرة من العمل والزمن المحدد لها 15 يوم ووكيل الوزارة فى اجازة مرضى ، تستخرج فى 24 ساعة لا اصدقة انا ، ولم ادفع رشوة ولم اعرف اى شخص من الادارة ، ولن انسى ماقالتة مديرة مكتب وكيل الوزارة لى ( انا مش عرفاك وعمرى ما شفتك انما وكيل الوزارة يطلبة الوزير بالخطا يبقى ربنا جابه عشان يمضيلك شهادة الخبرة ) وتحقق حلم كنت قد نسيته
شكرا يا اميرة ان كلن هذا اسمك وارجو ان تعاودى الزيارة

بس خلاص ... يقول...

السلام عليكم
الله الله يا استاذ ياكبير
اول مرة امر على مدونتك لانى لسه جديدة فى عالم التدوين لكنى همر كتير
علشان اتعلم من الكلام الجميل .

ابو النجوم يقول...

ياعم بيرم نصبنا النصبه
ف المولد
نلم قريب وبعيد
جانا افندى طويل ونظيف
وعقله رشيد
ب سرور يقول لنا مبارك
العيد
عامل شريف يقول جلا جلا
وهو سعيد
سرق الفلوس وحط فى ايدينا
كلبش حديد
ولو نبكى ولو نشكى
يزيد القيد والتقييد
تقول يانى نقول كانى
نقول مانى وهو يزيد
لحد القيد ماخلى الأيد
ممدوده لكل شريد
فين أيام ال عز والنعمه
وبوس الأيد
هاأقولك انسى ياصاحبى
بلدنا عايزه شعب جديد

م/ الحسيني لزومي يقول...

ولد العم
ايه الحكايه اياك تكون زعلان مني صحيح ان الاسبوع ده اتاخرت عن زيارتك لكن اعتزرتلك ...لكن واضح اني في حاجه مزعلاك مني وانا مش خبرها عشان بيرم ولد عمي يعدي علي تعليقي من غير ما يقول حاجه ولو سلامات يبقي اكيد فيه حاجه.
عموما لو مفيش حاجه هيكون ليه عنديك حق عرب ولازم تزورني.
سلام يا ولد العم

son's egypt يقول...

السلام عليكم
جلا جلا
وشبابنا في يوم حيقوم ويعيش طليق

Beram ElMasry يقول...

اخى ، همس الاحباب
تحية لك وسلام
موضوعك عن المطاردة اليومية اللا انسانية للباعة الجائلين ، نوع من العبث يثير السخرية والاشمئزاز ، الامن المكلف بحماية الاموال يسرق قوت انسان حاول ان يكون شريفا ، والدولة بالقهر تدفعه للسرقة ، والعسكرى تعلمه الدولة ان اكل الفتات ممن لا يملكون قوت يومهم مباح فيستمرئ الحرام
وصدق المغفور له التونسى فيما قال كما كلت انت
واقول ان الحكومات تشكل اخلاقيات الشعوب ، اذا حرمته سرق واذا ضيقت الخناق مرق
شكرا لزيارتك وعاود الزيارة فهى لى شرف

Mony يقول...

ياشعب فوق الفتة عام
النهب فينا منتهاش * الالف منا بالبلاش
والسعر يرخص كل عام
وعرفنا ذل المسالة




عندك حق و الله
سلم قلمك يا فندم

MakintoshQ8 يقول...

اعجبني اسلوبك في الكتابه :)
وبما انه الموضوع يخض الشعب المصري فليس لي الحق بالتعليق

كل المحبه والاحترام للشعب المصري :)
واتمنى ان تتعدل الاوضاع يما يرضي الشعب


ماكنتوش من الكويت :)

الازهرى يقول...

الحبيب الاستاذ بيرم المصرى

لا اعرف كيف تقول اننى ضحكت عليك ولا اجد لذلك سببا
اما عن اللغة فاعترف بتقصيرى فيها لاننى كنت فى القسم العلمى ودراستى فى الكلية كانت عملية والعمل فى مجال بعيد للغاية عن اللغة العربية

اما عن العجوز فقد اعدت قراءة ما كتبت
ولم اجد سوى روح وثابة مغامرة وهى لا تتأتى الا لشاب فى ريعانه
فلم الادعاء

تحياتى

Beram ElMasry يقول...

اخى وحبيبى وصديقى الرجل الكريم ابو فاطمة ، اجعص جعيص فى ساتر الدفاع عن العمدة ، اسف جدا جدا جدا عن السهو والتاخير فى الرد على تعليقك الجميل ، وبالمناسبة انا دخلت على سيف كفر شكر فلم استطع الدخول
( و علشان كده العمدة حزين أعدائه من المشرق إلي المغرب....! )
قصدك مالعصر للمغرب ، ده محدش يعرفه غيرنا ارجو قبىل اعتذارى ولك كل الشكر والحب والتقدير

فشكووول يقول...
أزال المؤلف هذا التعليق.
فشكووول يقول...

حعلق فى الاخر بعد 95 تعليق .. ما علهش يا عم بيرم ياريت تشوف التعليق .. والله انت نورتنى وفرحتنى .. اصل شيخ الشعراء جاى عندى ويزورنى يامرحبا .. يا مرحبا .. ايه رأيك فى الفشكله اللى متفشكله عندى دى ..دا مش شعر .. دى فشكله.. تحياتى

Beram ElMasry يقول...

اخى ، م/ الحسيني لزومي
السلام عليكم و رحمة الله وبركاته
ولد العم ، مهما كان عزرى فلن يبرر تقصيرى فى الرد على ولد العم ، ولكن المساله انها حالة توهان ولخبطة لدرجة انى نسيت موعد ندوة كانت بالامس ، ومن الامس احاول اعداد الرد ، سامحنى لعدم التركيز
سانشر ما طلبت منى ، تقبل تحياتى وشكرى

مفكر يقول...

قصيدة فكاهية هادفة جميلة جداً...

شكراً لحضرتك على زيارتك مدونتي...

اتمنى اشوف حضرتك تاني لاحقاً...

Beram ElMasry يقول...

الاخت الفاضلة ، كباريه
تحية وسلام
تمنيت ان اعلق على مدونتك ، ودخلت ولان نظرى ضعيف فانى اخذ نسخة من المقال واقوم بتكبيرة لتسهل القراءة ولم اتمكن من ذلك وارجو المعذرة وشكرا للزيارة والتعليق

عـــفـــراء يقول...

السلام عليكم ورحمة الله وبركاتة
والدى الفاضل
هذا فعلا ماتستحقة انت
ومن المؤكد انه شرف لي مرورى الدائم لمملكتك الجميله المشرقة بالمعانى الجزابة
اما عن اعجابى بما تنصة مدونة حضرتك فهذا لا يعتبر كرما او فضلا
بل بالفعل حقيقة تستوجب منى ان اقرها اليك.
اعانك الله دائما على تقديم المزيد واطال الله فى عمرك فى ماهو خير ونافع لنا ولك.
وجزيل الشكر على لفت انتباهى لاخطائى
فاحيانا عندما يشعر الانسان باختناق داخلى نندفع لتعبير بمعانى حتى لو اقل مما يحتوينا فعذرا......
فى انتظار مايحوية عقلك وقلبك وتاكد اننى لن اتغيب ابدا
وتقبل منى اعتذارى لمرورى مرة اخرى
فائق احترامى وتقديرى اليك والدى...

Beram ElMasry يقول...

الاخت الفضلة . أختكم فى الله
تحية لك وسلام
بارك الله فيك ، موضوع رائع وان كنت لا احبذ طرح مواضيع دينية ، حتى لاتتاح الفرصة لمرضى النفوس والشواذ بالمهاترات والتشويش
شكرا للزيارة ولا تحرمينا الزيارة

Beram ElMasry يقول...

اخى . fashkoo
اسعد الله صباحك بكل الخير ، مثلك لا يغفل مكانه ولو بعد مليون فانا احب الاذكياء وخفة الظل ، وبعدين برضك احب اعمل حسابى مش جايز تيجى الطوبة فى المعطوبة وتبقى صحيح سلطان
تحياتى لك واذكرنى بالخير
******************************

Beram ElMasry يقول...

الاخت . بس خلاص
السلام عليكم ورحمه الله
رحم الله جدتك وامى وكل فلاحة ’، نبع الحنان وحضن الامان ، لو اوليت عملك مزيد من العناية لابدعت كثيرا
لك شكرى لك ولا تحرمينى الزيارة

Beram ElMasry يقول...

اخى ابو النجوم
سلام وتحية
شكرا على التعليق
فى مدونتك قرات مقالك ، وانا لا اشاركك فى طرح مثل هذه الموضوعات ، ومحاولة اغراء صغار السن بالمشاركة فيها لانها افساد لعقول صغيرة ومعرفة سطحية
شكرا للتعليق

إيمان قنديل يقول...

cabaret كباريه"حا أطلق ..حا أطلق ..حا أطلق"
27 Comments - Hide Original PostCollapse comments
[Photo]
تأتيني على فترات متباعدة إيميلات مجهولة الهوية لا اعرف من يرسلها ا لإ أنهم من الواضح على معرفة بي وعن بعض التفاصل التي يمكن أن يعرفها الناس جميعا،وعلى مدي اليومين الماضيين أنهمرت على تلك الإيميلات ،وأقول لكم الحقيقة أنها تشعرني بالضيق والعصبية ليس لإنني أخاف ممن يرسلها ولكن لإنهم يسبونني بأفظع الشتائم وإذا كنت أعرف هؤلاء الأوساخ وجاءت تلك الشتائم منهم مباشرة لي لكنت أستطعت أن آخذ حقي بضربهم بالجزمه ومافيش مانع بالمطاوي كمان.
أخذ الموضوع مني وقتا طويلا منذ عدة أشهر مضت وأنا أحاول التخمين من يكون صاحب تلك الإيميلات القذرة؟، وحاولت تحليل الأسلوب والكلمات والمفردتإلا إنني لم أستطع الوصول الى شخص بعينه، وكلما ساورتني الشكوك في أسم معين ، أعود لأنفي تلك الظنون، ثم يعود شيطاني ليوسوس لي ثانية به، حتى أنه من كثرة هياجي العصبي أصبحت لا أرى ماهو المكتوب في تلك الإيميلات وماهي الرسالة التي تكمن خلفها.

وقلت لنفسى لماذا لا أعرف ماذا يريد هؤلاء مني؟
فسالتهم ماذا يريدون مني بالضبط، والحقيقة أنهم أجابوني بأجابة عبيطة وساذجة جدا ذكرتني بتلك النكته التي تقول(أن مجموعه من الصعايده خطفوا طياره فاضيه في المطار وقالوا لينا مطالب ولما سألوهم عن المطالب، قالوا عايزين 10 مليون جنيه، فقالوا لهم طيب لو حصل ومادنكومش الفلوس حاتعملوا ايه؟ ردوا الصعايده لو مانفذتوش اللي أحنا عايزينه كل 10 دقايق حانقتل واحد فينا.


وهددوني بتدمير كياني الأسري ومطارده أبنائي وغيره،ولابد أن أرضخ لهم (((وانا أقسم بالله لا أعرفهم )))).


تضايقت من الأمر وليس لإنني خشيت تهديداتهم ولكن لإنني أكاد أنفجر غيظا لإنهم ليسوا في يدي علشان أفقع عينهم.

تحدثت مع زوجي أقص عليه مايحدث فقال لي بالحرف الواحد:الإنسان الناجح واللي بيضرب الناس بالجزمه لازم يكون له أعداء متغاظين منه وعايزين يدمروا حياته، سيبك منهم وماترديش عليهم خالص،وبعدين أنت مهتمه ليه؟ إذا كان جوزك موش مهتم، والنبي جوزي ده طلع عاقل بجد.


رحت لبنتي وبدأت أقص لها مايحدث وبالمناسبه كل العيله متابعه معايا الموضوع ده من عدة أشهر،المهم صمتت أبنتي لبرهة من الوقت أوجعت قلبي على إثرها، ثم قالت( وبعدين ياماما حانعمل ايه دلوقتي أنا وأخويا ، معنى الكلام ده إننا حانتشرد في الشوارع ومانلقيش حته نبات فيها ، يعني حانبقى أنا وهو من أطفال الشوارع، ثم أنفجر نا سويا من الضحك، ثم واصلت: مين حايحمينا ويأكلنا ويذاكر لنا دروسنا، وطبعا بنتي وأبني كبار وتخرجوا من الجامعة.


وكان أبني الكبير جالسا كعادته أمام شاشة الكومبيوتر ، فجلست بجواره وقصصت عليه مايحدث ، فضحك بشكل هيستيري وقال لي أنا موش قلت لك قبل كده بلاش حكاية المدونات دي ليقبضوا عليك في الآخر؟
قلت له مدونات ياد أنت عبيط، المهم بدأت أشرح له تفاصيل الموضوع، فقال لي ببرود عادي أيه يعني أطلقي ياماما، بابا لما جه يشتكي منك آخر مره وقال لي أنا وأختي ( أمكم أصبحت لاتطاق وبقت مجنونه رسمي) فقلنا له بص بقي يابابا طلقها وأستريح كل الناس الشيك بيطلقوا وبلاش قرف بقي وأهو الحمد لله الخير كتير وبدل الشقه أتنين وكل واحد فيكم يشوف حاله وأنا حا أشوفك بموزه من المزز بتاعتي.

فعلا انتزع أبني الضحكة من قلبي ، وقال لي أنت ليه بتردي عليهم اصلا؟ دول لو فيه فويز ميل يوصل لهم كنت سجلتهم شخره من القلب، وقلت لهم عايز أقول لكم كلمه من تلات حروف في وسطها ح.


سيبت الواد المجرم أبني بعد ما اداني شوية نصايح قال لي بصي انا عارفك بتحبي تردي ، أحسن حاجه كل مايبعتوا لك رساله أبعتي ليهم أيميل فاضي، أو أقول لك حطي ليهم نقطه.

وبعدين فجأه وقف وقعد يغني زي سعد الصغير وبدل مايقول حا اتجوز حا اتجوز قد يغني النهارده فرحي ياجدعان عايز كله يبقى تمام وحا أطلق حا أطلق حا أطلق حا أطلق وراح وأخدني في حضنه وقعد يبوسني ، وأنا مأقدرتش أمسك نفسي أعيط واضحك في نفس الوقت
++++++++++++++++++

بجد احنا عيله فاني+++++++++++++++++++تحديث +++++++++++++++++وعلى رأي أولادي العيله دي عامله زي آدمز فاملى في المساء جلست مع أبني وبدأنا نتحدث سويا في الموضوع ولكن بشكل ساخر، فقال لي والله البت آختي دي جباره ضحكتني إمبارح وهي عماله تمثل إننا لسه سكومونو، وحانتشرد أنا وهي في الشوارع، وكمان أنت تعيشي مآساه إنك موش عارفه أحنا فين، والبت آختى تسرح في الشوارع بعلب كلينكس، وتبيع للناس وهي بتتكلم معاهم إنجليش(أصل البت بنتي المزغوده دي قرنونه قوي ) وبعدين لما حد يضايقها تقول له( طبعا وهو قاعد يمثل طريقتها في الكلام وتعبيرات وشها ( شيت) أو ( ماي آس) و(نو واي) وبعدين تطلع البرفان وتقعد ترش على نفسها شويه ، وبعدين بعد تعب وتدوير منك تلاقيني واقف لابس هدوم مقطعه وبألمع لك العربيه،فضحكت بصوت عالى جدا وسألته ومين أصلا قال لك إني حايكون عندي عربيه، دا حتلاقيني قاعده على الناصيه بأشحت وقدامي عيل سرقاه من أمه ،وقلت له ما هو أنت حاتلمع العربيات علشان تكسب فلوس وتجيب سيديهات البلاي أستيشن برضه، وبرضه حاتلمع العربيات و شايل الاب توب بتاعك في كتفك. علشان تتواصل مع أصحابك من أطفال الشوارع على الفيس بوك والماسينجر، وبرضه تعمل دون لود للمسلسلات والبرامج والأفلام الأمريكيه، وأكيد بقي عايز مصاريف الكافيهات اللي حاتقعد عليها مع أصحابك علشان النت والله فعلا مآساه وقبل أن أتركه لينام مد يده لي بفيلم وقال لي شوفيه موش حاتندمي ، قلت له والنبي عايزه منك خدمه، فقلب بوزه وقال لي ياماما انا عايز أنام دلوقتي ، فقلت له يابني موش دلوقتي أنا بس عايزاك والنبي تجيب لي فيلم تيتانك فراح عوج وشه وقال لي تيتانك؟؟ ...حاضر ياماما ++++++++++++++++++++++++++++++++++++++++++
posted by كباريه at 3:19 AM on Nov 1, 2008

===============
أنا عامله كده في المدونه علشان الناس اللي بتسرق البوستات وتنسبها لنفسها بس لو أنت عندك أيميل ابعتوا ليه علشان موش موجود أيميلك في البروفيل وانا ابعت لك كل بوست جديد على الأيميل تكبروا براحتك ، ماشي

mohamed ghalia يقول...

أخى العزيز ليك تاج عندى ياريت تقبله
تحياتى
فى إنتظار إجاباتك الرائعة

Beram ElMasry يقول...

اخى . son's Egypt
السلام عليكم
شكرا لزيارتك والتعليق
تحياتى لشخصك الكريم

Beram ElMasry يقول...

الاخت . mony
سلام وتحية
( معلش بأه عكننت عليكم ) لا والله حكاية ورغم انها عادية غير ان وصفك للمكان والانسان اياه غاية فى الطراقة ، وتصوير حالة رعبك ، واقول لعنة الله على دولة افسدت المظهر والجوهر
تحياتى لك وشكرا للتعليق

Beram ElMasry يقول...

اخى ، Makintosh
اهلا بك ومرحبا
كنت اتمنى ان تتعرض لقصيدتى العامية بالنقد كعمل ادبى واهمال الجانب السياسى ، فان لم يحكم عليها عربى وهم لسان الشعر فمن يحكم
شكرا لزيارتك ومعاودة الزيارة تفرحنى

Soul.o0o.Whisper يقول...

Beram ElMasry

"على مين (ورقيقة و من النوع الأليف ) واللا لو كنتى من النوع الداجن"

<< وش محتار

"اقسم براس العجل الكبير لوقفشتك وبتعملى شغب لاكون مكتفك ورانك علقة نصها موت"

عاااااااااااااااااااااااا
يا ماما تعالى الحقينى
شوفى عمو بيرم بيعمل فيا ايه ،
عااااااااااااااااااااا

"والنص التانى اداويكى واستسمحك تسامحينى"


لأ مث هاثامحك
ماليث دحوة
عثان أنت بتدلبنى

طب نتفق على حاجة
عشان تعرف إنى طيبة و رقيقة كمان
هأعملك خصم 50%
تاخد أنت أول نص و أنا آخد النص التانى

ماشى ؟؟

كنت عارفة انك كمان طيب و مش هتزعلنى
هيييييييييييييييه ، هييييييييييه
<< توريطة


"( مش قصدى الماء و الخضرة و الوجه الحسن ) هما فين يا حسرة ، دول كانو من ربع قرن وزيادة"

ربنا يعطيك طولة العمر و يبارك فيه بالصالحات يارب

"الحقى وقدمى تمهيدى وحالا ان شاء الله ماجستير ودكتوراة واكون لسه عايش وابعت بوكيه ورد للدكتورة الكميائية"


بس أنت قول يارب
ياااااااااااااااااااااااااارب

صدقنى مش هأبخل عليك أنك تبعت لى البوكيه
و بما أنك حجزت أول بوكيه
فأوعدك ابلغك أول واحد
:)


"مش باقولك ان الانثى الذكية نعمة من الله بشرط الا تكون زوجة"

إذن حضرتك بتفضلها .......
طيب يارب ألاقى الشاذ عن القاعدة دى
و إلا كدا هأقضى حياتى صداقات بس
ههههههههههههههههه


"ان كنت اثقلت عليك فسامحينى فانت اهل لهذا"

بالنسبة للمسامحة
ماخلاص بئا احنا اتفقنا
انما بالنسبة لأهل
فهأحاول
أصلى ماتعودتش أشيل أثقال قبل كدا



خالص تحياتى

Beram ElMasry يقول...

ابنى المفكر
السلام عليكم
دورت عليك بين المشاركين في التعليق ، فجذبني وجهك المدور كالقمر الي مدورتك ، وجرجرتنى بخفة الظل وجمال الحبكة وعدم التطويل وقلة او انعدام الحشو والجرى وراء الجمل او الصور المصطنعة ، قصتك قصة حقيقية تنطبق عليها مواصفات القصة الصيرة
ابنى واسمح لى بهذا على الاقل لفارق السن ، ماقلته الان
لك لا مجاملة فية فانا كاتب قصة ، واول قصة نشرت لى فى 12 – 69
تحياتى وبالتوفيق

maxbeta3zaman يقول...

مع انى جيت متأخرا جدا لكنى استمتعت بقراءة البوست القصيده مع كل التعليقات المائة وخمس عشر بكل ما فيها ...جميل أنك أدخلت بعض الفصحى فى الكلام ...وفكرتنا باللى كان واللى حاصل دلوقتى ...تحياتى يابو البيارم

Beram ElMasry يقول...

اخى . maxbeta3zaman
السم عليكم ورحمة الله
كيف حالك يازول كيف حالك يا ذوق لن تعرف مدى سعادتى بتشريفك وتركت الكتابة فى قصيدة الغد لاشكرك
فمين اللى فينا مريض بالزهايمر
أناواللا هو اللى مخــــه مدمـــــــــر
وقرات مجموعة الازجال وباين انى حلم ورقى وارحل واشوف لى عيش فى حتة ثانية
تحياتى لصديق احبه واحترمه

نبض الروح يقول...

فعلا جميلة
سلمت أناملك ودام نبضك
حضور لتسجيل إعجابي ,,,,

Abo 7anf يقول...

السلام عليكم
كويس انى لحقتها فبل التلات الجى
حاسس ان جلا جلا دى الرد بتاعها ارفع ايدى واقول موافقه
يتريت الكل يفوق

Beram ElMasry يقول...

الاخت . نبض الروح
تحية وسلام
( ولا ماذا تعني أحبـــــــك ) بعد كل اللى قولتيه ولسة مش عارفه
تحياتى لك وشكرا للتعليق

Beram ElMasry يقول...

اخى . Abo 7anf
تحية وصلام
أرحلى فقد أكتفيت من الوعود
صدقينى لم يعد لكى بقلبى وجود
احسنت صورة معبرة
وشكرا للزيارة والتعليق

مهرة سالم يقول...

السلام عليكم...
...........
ياريت شبابنا يوم يفوق
يحط رجله عالطريق * ويبقى حر يعيش طليق
تموت افاعي فالشقوق
وينسي طبع الهرجلة
نلقاه بحلمه وقد علا
......
هذا الذي يجب أن نركز عليه شباب اليوم عماد المستقبل...
......
دمت بخير

أنا و دماغي يقول...

تسلم و يسلم قلمك يا باشا

Beram ElMasry يقول...

ابنتى العزيزة . M . K
السلام عليكم ورحمة الله
ذكرتنى بالايام الجميلة فى الستينات وكنت اكبر منك
سنا ومعرض القاهرة للكتاب تصورى يا ابنتى العزيزة انى اشتريت كتاب صبح الاعشى 14 جزء كل جزء من400 – 500 صفحة الكتاب كلة بمبلغ 8 جنيه اى يكون سعر الجزء60 قرش
رحم الله والدك ولن تعلمين مدى سعادته حتى يكون لك مولود ، تقرير موثق بالصور ونصائح مفيدة وكل معرض وانت والوالدة بخير
شكرا لزيارتك والتعليق ولا يفوتك موضوع اليوم الثلاثاء

Beram ElMasry يقول...

اخى . SeSaMe
السلام عليكم
( دي تفاصيل الإضراب )
انا لله وانا اليه راجعون ، حتى النساء ومن اهل العلم
اسعدنى حضورك واتعبنى مقالك

Beram ElMasry يقول...

اخى ، mohamed ghalia
تحية وسلام
شكرا لزيارتك وشكرا لهديتك التاج ، وليس فى مقدورى التعامل مع التاج ، لانى بطئ فى الكتابة ، كما ان الاجابات لا طائل منها ولا فائدة
وشئ اخر لا احبة هو طرح قضايا دينية ، ولسنا فقهاء ولا شيوخ والضرر الناتج من ذلك اكثر شرا وهو باب لضعاف النفوس والمرضى للمهاترات ، والوقاحة فى الحوار بما لا يتناسب والدين الحنيف
تقبل تحياتى