الثلاثاء، 7 أكتوبر 2008

عيد النصر فاكتوبر

عفوا واسمحوا لى فى هذه الكلمة قبل تقديم قصيدتى اوالعمل الادبى الاسبوعى فى كل ثلاثاء ، وهى ان الاخ الكريم الدكتور توكل مسعود صاحب مدونة
(
http://belawa6an.blogspot.com/ )
عرض فى مقال ادبى رائع ، قوامه الاعتماد على الاحاديث والتاريخ الاسلامى ، ومبعثة طهارة قلبه وغيرته على اخوانه ، وحبه لهم فى الله ، وبحبه للخير عرض تغير اسم مدونتى باسم اخر مناسب غير ( المدهول ) وكلى امل ان يشاركه جميع الاخوان بالموافقة اوحتى بالرفض ونمارس جميعا هذه التجربة

عيد النصر فاكتوبر

عالحصيرة ابويه قعد سند ضهره على التــــوتة
صوته العريض تخنقه دمعة لمـــا يحكى حدوتة
دي فاتت عليها سنين يحكى مــا ينسى فتفوتــة
***
قال ودمعة تلمع وكنه فى جوف الزمان هايـــم
لما التقيت اخويا ميلاد في دمة الشريف عايـــم
قلت له مية قال خليها عشـان انت يخوى صايم
سلم روحه فى حضنى وكان زى الملاك نايـــم
وبوست ايدة وراسه دا مين غير الالاه دايــــم
***
لجل دمه ما يروح هدربقى طولى بطول مـارد
لقيت روحه وروحى اتنين وبس البدن واحــد
هيه دى مصرنا عند العسرتلقى عزمها جـامد
***
وصبر شعبها يعلى فوق صبر النبى ايـــــوب
عمره مخارت همته ولا عزمه كلن معطــوب
بالقصر يرضى ويسكن وحتى لو بيت طــوب
والحكمه ان الكفن عمــــره ما كان لو جيوب
قال ابويا الله يرحمه وصوته فالحنـان بيدوب
***
رجعت انا ارضى يا بنى ماللى خدوهــــا زور
وزارعها جناين خضره واياك تسيبها اتبــور
ايدك فايد الجار نبقو فوشوش الديابه ســـور
داعمره مايعلى طيرلو عنده الجناح مكســور
***
فى اليوم ده عيدنا كلنا وعيد النصر فاكـتوبر
عيدى وعـيدك سوى ودالعيد اللى كان سوبر


(لا تنسوا النقد والتعليق فانى اقوم به قلمى )
فى كل ثلاثاء جديد
بيرم المصري


هناك 71 تعليقًا:

أختكم فى الله يقول...

كل سنة وحضرتك طيب

جزاك الله خيرا على الكلمات الجميلة دى

م/ الحسيني لزومي يقول...

شوف يا ولد العم انا لابدلك في الدره كل يوم تلات عشان استمتع بالدرر اللي بتقولها..المعاني جميله والهدف سامي لكن برضه عندينا حتة نقد صغيره وهي بخصوص العنوان (عيد سوبر)كلمة سوبر دي متمشيش مع لغتنا العربيه قول عيد كبير ..عيد عظيم..عيد مجيد لكن كلمة سوبر دي فكرتني بالمنشد الرائع ياسين التهامي لما وقع في غلطة اللغة دي لما فتح محل تجاري وسماه( مول ابن الفارض)تيجي ازاي دي ياولد العم..مول وابن الفارض ايش لم الشامي علي المغربي وللاسف مازال مصر علي التسميه رغم ان كتير لفتوا نظره.
اما عن عنوان المدونه فانا مع تغييره لانك مسحراتي المدهولين كيف يبقي عنوانك المدهول.
سلام..ختام

kochia يقول...

عجبتني
كل سنة وانت طيب

شمس النهار يقول...

لافض فاك يابيرم المصري قوي
انا عينيه دمعت فعلا
لآن اكتوبر عندي له ذكريات كتير مقترنه مع ذكريات العبور من الطفوله للشباب
وكمان لم يكن يدور بخلدي ان اقترن ببطل من ابطال هذا النصر العظيم واسمع منه
التاريخ من فم صانعيه
بشكرك علي هذه القصيده الجمياه جدا جدا
وبستأذن ان اكتبها في الاجنده الخاصه بي
وانا كمان اناشدك ان تغير اسم المدونه مش معقول مدونه بها كلام جميل يكون اسمها كده

Beram ElMasry يقول...

الاخت الفاضلة . أختكم فى الله

كل سنة وانت طيبة
جزاك الله خيرا على المشاركة
مع خالص تحياتى

Beram ElMasry يقول...

ولد العم . م/ الحسيني لزومي
وانا ع الزراعية عشان هاقابل حبيبى
لاستمتع بصدق مودته
من اجل عينيك غيرت العنوان
شارك الدكتور . توكل لاكون . اول من اختار الاصدقاء اسمة
صدقنى انا سعيد جدا بيك يا خوي
سلام صادق لكم

maxbeta3zaman يقول...

ذكرتنى أخى بيرم بأيام عزيزة ..فقد كنت معهم ..كنت وسط هؤلاء الرجال فى حرب أكتوبر الرمصانيه كنت نقيبا فى الفرقة 23 فى الجيش الثانى ولم يكن التحاقى بالقوات المسلحة إلا من أجل ذلك اليوم.. فقد حدثت النكسة وأنا فى الثانوية العامة ..فقررت أنا ومعظم جيلى أن نكون نحن من نتصدى لنصرة بلدنا ..فدخلت كلية عسكرية وتخرجت قبل الحرب بعام ..وكنت محظوظا أن خضت تلك الحرب مع إخوانى وأخذنا بثأر 67 ...يا الله على تلك الأيام أخى بيرم ..رحم الله الشهداء الأبرار كلهم

Beram ElMasry يقول...

العزيزة ، kochia
شكرا لمرورك
لك خالص تحياتى

Beram ElMasry يقول...

العزيزة الغالية . شمس النهار
سلمت من الشر عيناك
لك انت الشكر لانك السبب الاول فى كتابتها ، حيث اننى عندما كنت استعد لتدوين القصيدة الاسبوعية المقررة بعد منتصف ليل الاثنين 6-10
وجدت رسالتك ، وفيها تتوقعين منى شئ عن اكتوبر
بت اليل ساهدا طبعا عشان القصيدة ، الى ان تمت بحمد الله وهى بين ايديكم ولك فيها ماشئت
وانا اناشدك مشاركة الدكتور . توكل لاكون . اول من اختار الاصدقاء اسمة
لك كل الاحترام فلا تبخلى فى معاودة الزيارة

لا يدوم اغترابي يقول...

كلمات جميلة عجبتني جدا

كل سنة وحضرتك طيب

تحياتي

أمل حمدي يقول...

اخي الفاضل بيرم المصري

انا مع الدكتور توكل مسعود

في تغيير اسم المدونة ويا ريت تكون

باسم بيرم المصري فهو اليق بمحتوى

المدونة القيم

اما البوست فهو اكثر من رائع

فعلا ملئ بالاحساس الصادق وخليط من

الالم والامل

بجد رائعة تسلم ايدك يارب

تلميحاتى - يوسف الشافعى يقول...

السلام عليكم
اخى بيرم
عيد نصر يبنى قصر لمصر
بين الامم
عيد نصر مجيد يعلى المحروسه
فوق القمم
عيد نصر بدم شهيد يرفع
علم
عيد نصرلبلادى شامخه دايما
زى الهرم
عيد نصر سعيد يحارب فساد
ويرتقى بالهمم
جميله يابيرم اوى شد حيلك احنا وراك
واقبل دعوة رابطة مدونى الدلتا يوم السبت القادم فى نادى اطباء طلخا بالمنصوره يوم السبت القادم الساعه 2 ظهرا
منتظرينك
تليفونى
0126969937
والاميل
yousif_mohamed58@yahoo.com

Beram ElMasry يقول...

الاخ الكريم ، maxbeta3zaman
شرف جديد اضفته الى صورتك الجميلة فى قلبى وتزداد اشراقا فوق اشراق
عزفت عن النقد فما السبب ، هل ضعف المستوى ويمنعك حياؤك عن النقد والتعليق احتراما لصدقتنا ، لااطلب من احد ان يحدثنى عن قوالب الشعر وبحورة ، كل ما اطلبة من القارئ انه يرى خللا فى ميزان او صورة غير معبرة او مفتعلة ، لا ارغب فى اجهاد احد ولا فى فقدانه ، فما بالك والاصدقاء
لك كل الود والاحترام

Beram ElMasry يقول...

اختى العزيزة . مازلت ابحث عني
تريثى قليلا وانظرى تحت الياسمينة ، فانت بين الزهور
شكرا للزيارة ولا تحرميننى المعاودة
وكل عام وانت بخير

Beram ElMasry يقول...

ابنتى الماما امولة الكريمه
سلمك الله من كل سوء ومكروه ، وحفظ اسرتك الجميلة
كل ما ترينة والدكتور توكل ، والمشاركون فيه خير ان شاء الله ، لان كلاكما خير كله
لك شكرى وامتنانى

Beram ElMasry يقول...

العزيز الغالي . تلميحاتى - يوسف الشافعى
السلام عليكم ورحمة الله
قبل كل شئ هل تحتفظ بتعليقاتك الشعرية هذه على مدونات الاخرين كبقية ماتكتب من اعمال ادبية ، ان كنت فاحسنت ، وان لم تكن فاسرع واحفظها فانها تستحق
اوليتنى حبا بحب غير ان فيضك افضل
دعوة رابطة مدونى الدلتا ، لى شرف فوق قدري ساسعى لتلبيتها
اخى يوسف ليتنى انال شرف الانضمام الى رابطة مدونى الدلتا كعضو ، فان تفضلتم بمنحى العضوية فلكم كل الامتنان ولى الشرف ، ( ارجو توجيهى لاى اجراء يطلب منى )
ساتصل بك قريبا
خالص تحياتى

الزهراء يقول...

السلام عليكم ورحمة الله وبركاته
استاذى الفاضل
جزاكم الله خيرا لزيارة مدونتى
مدونتكم أعجبتنى جداولم أتصفح الا القليل منها وان شاء الله اتابع جديد كل ثلاثاء بس لو ممكن اسأل ازاى حضرتك محدد الابداع الادبى بوقت ؟؟
.......
أما بالنسبة لاسم المدونة فأؤيد تغييره
تابعوا مدونتى سأكتب عليها قصيدة بعد قليل وهى اهداءلكل سجين رأى

ahmed_k يقول...

جميله كلماتك عزيزي بيرم
وربنا يديم عليها الإنتصارات دوما
بس صبر شعبنا مهما كان
لن يفوق صبر النبي أيوب عليه السلام
فهو من وصف الله صبره وجعله المثل الأعلى لقوة التحمل

بالتوفيق دوما

ذو الوجه المبتسم يقول...

قال ودمعة تلمع وكنه فى جوف الزمان هايـــم
لما التقيت اخويا ميلاد في دمة الشريف عايـــم
قلت مية يا خويه قالى خليها ليك عشـان صايم
سلم روحه فى حضنى وكان زى الملاك نايـــم
وبوست ايدة وراسه دا مين غير الالاه دايــــم

هذا المقطع اعجبنى جدا

اخى العزيز بيرم المصرى
بجد مش لاقى تعبير اقوله غير انى مبسوط جدا وانا هنا بمدونتك الرائعة
مزيد من التقدم
بارك الله فيك
ابتسامة من الوجه المبتسم

Beram ElMasry يقول...

اخى الكريم . ahmed_k
السلام عليكم ورحمة الله

شكرا جزيلا للمشاركة والتعليق
لو اذنت لى اخى الكريم ، المبالغة هى تجاوز المعيار المعلوم بين الناس ، فتقول عن المراوغ ، اروغ من ثعلب ، او للسريع اسرع من البرق ، فلا الاول اروغ ولا الثانى اسرع ولكن للمبالغة ، باعتبار ان كل منهما المعيار فيما نسب اليه ، فلا مقارنة بين النبى ايوب عليه السلام والشعب، ولكن المبالغة والتهويل ، وكلنا نقول يا صبر ايوب دون ان نقصد صبر ايوب عليه السلام بعينه
شكرا للزيارة ولا تحرمنى المعاودة
وكل عام وانت بخير

Beram ElMasry يقول...

العزيز . ذو الوجه المبتسم
السلام عليكم ورحمة الله
يا بوضحكة جنان وزوق رفيع ، شكرا ولكن لابد من وجود خطا لا اراه ويراه غيرى فيرشدنى اليه وتعم المنفعة
نقدك يسعدنى كالاطراء بالتمام
وبارك فيك وابتسامة تشرح القلب

غير معرف يقول...

أستاذي
أشكر لك البهجة التي تضفيها إلى قلبي حين آتي إلى مدونتك فأقرأ وأستمتع

أما بخصوص الاسم
فبالرغم من خفة دمه
إلا أنني وددت ذلك منذ زمن..وأضم صوتي للدكتور

لنغيره..نفكر معا..ونغيره
تحياتي

تلميحاتى - يوسف الشافعى يقول...

يابيرم لو سمحت ادخل على الرابط دهhttp://talmehty2.blogspot.com/

على عبدالله يقول...

ما انا قولتلك يا عم غير الاسم وخليه بيرم المصرى
لان الشعر ده مايقولوش مدهول ابدا

كلام جميل

تحياتى

قديسك مولاتى يقول...

الأخ المبدع والغير مدهول بالمره ( بيرم )
انا اناشد وبشده فى تغيير اسم المدونه ولو لم تخضع لرغباتى هااقوم مظاهره اولها فى المرج واخرها فى حلوان عشان خاطر نجبرك على تغيير اسم المدونه
وماينفعش نكون بنقف فى وش الفساد والأمتهان اللى احنا بنعيشه نيجى نمتهن احنا الكلمات الصادقه باننا ننسبها لشخص مدهول .. وبخصوص الناس اللى دهولتك .. انا متاكد انهم لما يعوفوا انك غيرت اسمك المدهول .. هايختشوا على دمهم وهايخافوا يدهولوك مره تانية ..
انتظرك فى مدونتى لتضيئها بتعليقك
دومت مبدعا .. وماعاش اللى يدهولك يابيرم

د.توكل مسعود يقول...

بارك الله فيك.... نعم هكذا نريد.... ابعث فينا الأمل.. وذكرنا بكل ما هو جميل.

عندي اقتراحات لإسم المدونة: ( المغوار ، اسأل مجرب ، كرباج سوداني ، سيف بلا غمد)
دمتم بخير.

Unknown يقول...

:)
الله :)
جميلة فعلاً ..
نصر أكتوبر يستحق التمجيد ..
الناس كانت روح واحدة و قلب واحد ..
معجزة بجد .. إخلاص و شهامة و شجاعة ..
و هو آخر انتصار حققناه .. و لم نفعل أي شيء بعده للأسف !!
سعدت بك :)
كل أكتوبر و انت طيب .

Beram ElMasry يقول...

ابنتى العزيزة . Bannoura
فرحتنا وسرورنا بك اكثر
سمع وطاعة بما يستقر علية الاتفاق بينكم على الاسم المناسب لمدونتى
ابنتى فيلهم وهم صنعه خيال مريض اقعدنا عن فضح الاكذوبة
لابد ان نفيق ونبصر الطريق
ابنتى عاودى الزيارة فانا بك نسعد والسلام

Beram ElMasry يقول...

اخى قديسك مولاتى
امرك ماشى على عينى وعلى راسى بس يبقى ايه
ابها القديس المدهول اجهدنى قراءة الخط البيج على خلفية سوداء
ارحم ضعاف البصر مثلى لانه من حقنا ان نستمتع بما تكتب
اسعدتنى فلا تبخل بمعاودة الزيارة وكل ثلاثاء عندى حديد
والسلام

Beram ElMasry يقول...

اخى . على بك عبد الله
امرك ماشى على عينى وعلى راسى بس يبقى ايه
اسعدتنى فلا تبخل بمعاودة الزيارة وكل ثلاثاء عندى حديد
والسلام

Beram ElMasry يقول...

اخى الدكتور . توكل مسعود
السلام عليكم ورحمة الله وبركاته
بارك الله فيك وفى نسلك ،ودمت لى سندا ، وناصحا كي استمر ، وما تراه من الاسماء بمشاركة من يشارك اقبله ولا جدال ، فقط ارجو ان يلقى قبولا ، لان ما اصبو اليه اتساع قاعدة القراء
اخى العزيز . مازلت لااعرف اطبيب انت ام استاذا فى العلوم الانسانية – فلسفة –تاريخ – ادب – لانى قرات مقالك (أيها الفنان.......ماذا لو حلمت؟! ) ويخيل لى انه مقال متخصص لا ثقافة عامة
صدقنى دخلت اليوم لاشارك فلقيت مشاركتك وفرح قلبى
دمت سالما فى نفسك امنا فى بيتك والسلام

Beram ElMasry يقول...

الاخت . شيماء علي
اهلا بالرائحة العطرة والقهوة بالفانيليا ( وان كنت مش عارف الطعم يبقى ايه )
كنت بك اسعد فلا تبخلى بمعاودة الزيارة وكل ثلاثاء عندى جديد وكل اكتوبر وانت بخير
والسلام

Hossam يقول...

ما شاء الله
تحفة بجد
فكرتنى بوالدى الله يرحمة اما كان بيقعد يحكيلى على حرب اكتوبر
تقبل رمرورى
سلام

فارس القمر يقول...

السلام عليكم

ما شاء الله عليك
انت كاتب تحفه فينه
كلمات رائعه واحساس مرهف
كلماتك احسستنى ان مصر لسى بخير
رغم كل اللى بيحصل فيها دا

والحمد لله اننا لسى عايشيين علشان نشهد للى عززونا وكرمونا

تقبل مرورى
فارس

مهرة سالم يقول...

كما عودتنا دوما استاذي ...
قصيده بمحتواها راقيه...
وبكلماتها البسيطه معبره...
...........
دمت بخير

رئيس التحرير يقول...

عم بيرم بتقول كلام ..في الصميم يا سلام
اكتوبر كان تاريخ..والطفل يومه بقي شبخ..انا ايامها كنت عيل..ببكي واريل ونفسي اروح احارب كان كلنا فينا روح المحارب
والنهارده ايش تقول يا غول ؟
نمنا ونمينا علي شط القنال..ولسه قدامنا حروب وقتال ..فيه حد النهارده يروح يحارب ..بقينا أرانب..

مـجـنـووون يقول...

أبدعت أستاذي العزيز وما أجمل ما خطه قلمك ونطق به لسانك

رائعه جدا

لما التقيت اخويا ميلاد في دمة الشريف عايـــم
قلت مية يا خويه قالى خليها ليك عشـان صايم

هي دي الروح الموجودة في الشعب المصري أي نعم هي مختفيه دلوقتي بس أن شاء الله حترجع تاني

تقبل مروري استاذي العزيز
مجنووون

مـجـنـووون يقول...

خلي اسم المدون بيرم المصري
اسم حلو قوي

Beram ElMasry يقول...

الاخ العزيز ، Hossam
اهلا بك ومرحبا
رحمة الله لوالدك وغفر له
المناضلة لويزا نموذج من نماذج لا حصر لها فى الجزائر والعالم العربى ولكن خوفنا من الغد يلهينا وينسينا
كنت بك سعيد فلا تبخل بمعاودة الزيارة وكل ثلاثاء عندى جديد وكل اكتوبر وانت بخير
والسلام

Beram ElMasry يقول...

الاخ العزيز ، فارس القمر
اهلا بك فارس الليل وفارس النهار
مادمنا نعقل ونميز فالامل موجود ، المهم ان لا تخدعنا الامال الكاذبة والوعود المضلله
اسعدك الله وتمم بخير ، مايخرج من القلب يصل الى القلب
كنت بك سعيدا فلا تبخل بمعاودة الزيارة وكل ثلاثاء عندى جديد وكل اكتوبر وانت بخير
والسلام

غير معرف يقول...

تحياتي عزيزي



شكرا لمرورك من مدونتي
وطبعا للشعر الزجلي والعامي
دروبه المتميزة في نقل معاناة
اللإنسان اليومية والروحية

شكرا لك عزيزي على هذا التواصل ؟؟؟؟


مع المحبة

Beram ElMasry يقول...

ابنتى الغالية . M.K
حفظك الله من كل سوء ومكروه
خير ادب ادب الاسلام وفيه خير مودة
كنت بك سعيدا فلا تبخلي بمعاودة الزيارة وكل ثلاثاء عندى جديد وكل اكتوبر وانت بخير
والسلام

Beram ElMasry يقول...

الاخ العزيز ، رئيس التحرير
اهلا بك رئيسا للتحرير ومتابع وموجه
من يدافع عن منصب او مقعد يكذب ويخدع ويغدر ، ومن يدافع عن ارضه وعرضه فلا بديل غير الدم فداء
حسين بك ، لنحفظ البنورة يجب ان نحفظها بعيدة غن ايدى العابثين ، والاهم هو تنظيفها من الداخل ليتوهج النور فيها كنت بك سعيدا فلا تبخل بمعاودة الزيارة وكل ثلاثاء عندى جديد وكل اكتوبر وانت بخير
والسلام

Beram ElMasry يقول...

حبيبى المجنووون
اجمل صباح لاجمل مجنون
فى العادة لا اعلق لانى اكره المجاملة ، والان اسال كيف وقعت على هذا القول المبهج المحزن ، انها فلسفة لايصل اليها الا مجنون حقا ، لك تحية ولك قبلة فانت اصغر عمرا من اصغر ابنائى
كــنـا زمــــــــان
طيـور غريبة خــايـفـة مــن ضـوء القمر
وطـيـور حـزينة كـحـلت عينها بسهر
خــايـفـة تـنام أحـسن تـمـوت
فـــوق الـشـجــر
تركت لكم اختيار الاسم مع الدكتور ليكون هذا الحدث غير مسبق وشرف لى
كنت بك سعيدا فلا تبخل بمعاودة الزيارة وكل ثلاثاء عندى جديد وكل اكتوبر وانت بخير

Beram ElMasry يقول...

الاخت الفاضلة ، mammass
رحم الله اخاك واسكنه فسيح جناته ، والهمكم الصبر والسلوان شكرا لزياتك مدونتى
ولا تبخلى بمعاودة الزيارة
كل ثلاثاء عندى جديد
وكل اكتوبر وانت بخير

ندا منير يقول...

بالنسبة للى قلته فى اول الموضوع
انا مش فاهمة قصدك قوى
يعنى هو انت عايز تغير اسم مدونتك
لو كان دا
فكويس برده لان الاسم يتغير احسن
............
وبالنسبة للشعر فهو جميل جدا
واجمل ذكرى بتمر بيها مصر
هى ذكرى نصر اكتوبر
الحاجة الوحيدة اللى رفعت راسنا

Beram ElMasry يقول...

ابنتى الغالية . ندا منير
حفيدتى نودى تاخرتى كثيرا المهم ان شاء الله ستكونين من المتفوقين بالعمل الجاد فعلا ، وربنا يكفيك شر المتسلقين والوصولين والكوسجية كلاب السلطة اللى بيخلوها سلطة
مكتىب علينا طوابير ورا طولبير ورا طراطير
كنت بك سعيدا فلا تبخلى بمعاودة الزيارة وكل ثلاثاء عندى جديد وكل اكتوبر وانت بخير
المذاكرة اهم ونجاحك يجدد الامل
جدو او عمو بيرم

mohamed ghalia يقول...

كلمات رائعة ذكرتنا بمعانى النصر الجميلة
تقبل تحياتى

أمل حمدي يقول...

مبروووك عليك الكرباج السوداني

اسم جميل لمدونة اجمل

سمكه واحده يقول...

لا طبعا زياره واحده ايه !

زياره واحده لا تكفي

كل سنه وحضرتك طيب وكمان تغير الاسم ومالوبرغم ان المدهول كنت بحب الاسم ده لخفه دمه ليس الا يعني

ومستنيه ازورك كل تلات بس لما ارن الجرس الاقي حد يفتح مش اتلطع ساعه علي الباب

كلامتك جميله دمت متألق

تحياتي
سمكه واحده

م/ الحسيني لزومي يقول...

شوف يا ولد العم انا قلتلك قبل سابق الظفر ميطلعش من اللحم كرباج.. مدهول انت مننا وعلينا.
حته بسيطه في من انا ( الوضع الكامل الخاص بيك)بتقول:مش مشكله انا مدهول...الخ
هذا يجب ان يتغير مع الاسم الجديد.
كمان استطلاع الراي لانه يسال عن الراي في المدهول مش الكرباج السوداني.
نتقابل في الدره التلات الجاي

احمد قطب يقول...

السلام عليكم

مبروك على الاسم الجديد للمدونه

كلمات جميله جداُ

ما فيش أى نقد عندى

"عبير النجار "نيجار يقول...

أول حاجه انا مش عايزاك تزعل مني
انا عارفه اني مقصره معاك والله بس انا عايزاك تعذرني لان احنا دخلنا في شهر عشره وده بيبقى اول السنه القضائيه عندنا يعني بيبقى هو و11و12اكتر شهور شغل عندنا وفي تفتيش هيجيلنا من مصر يعني بجد انا مزنزقه جداً أهم حاجه عندي انك ما تكونش زعلان ،
وبالنسبه للقصيده الجديده أكتر من رائعه ويمكن انا ما حضرتش وقت الحرب المجيده يعني جيت الدنيا بعدها بكتير ولكن كنت عايشاها بعد كده لما عشت في العريش 3سنين عشت القصص والحكايات بتاعة الحرب و البطولات اللي ما حدش يعرفها غير اهل العريش وحب المسلمين والمسيحيين لبعض وتضحياتهم علشان بعض بجد عرفت تجسد حالة الحرب حلو قوي بمعايشه جميله جداً بجد امتعتنا وفي انتظار المزيد
تحياتي ليك

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

عالم حبيب يقول...

سلمت يمينك حبيبي الغالي

ملاحظات سريعة

سلم روحه فى حضنى وكان زى الملاك نايـــم
وبوست ايدة وراسه دا مين غير الالاه دايــــم

هي الملائكة بتنام !!

الالاه >>>> الإله


____________________

وصبر شعبها يعلى فوق صبر النبى ايـــــوب

أظنها جملة في غير محلها .. أيوب عليه السلام هو أعلى درجات الصبر لن يعلوا عليه أحد

القصيدة رائعة ما شاء الله

شفـقــة و إحســــان يقول...

ايه الكلام ده بجد البوست حلو جدا واختيارك للموضوع ممتاز
تحياتى
شفقة

mahasen saber يقول...

حلوه قوى قوى واجمل مافيها بدايتها
وحكاية الاب لابنه
شئ رائع وجميل وحلوقوى جواكتوبر بيصحى فينا حاجات كتير...

Beram ElMasry يقول...

ولد عمى الكريم / مهندس الحسينى
سلام الله لك وتحياتة
معك حق فيما تقول من تغير ، انما لوشفت الدهولة والمعاناة اللى شفتها عشان اعرف اغير الاسم ، لقلت كدة نعمة
تعرف لو مكنتش فى الدرة يوم الثلاثاء هيركبك حق عرب
لك كل الاحترام وسلام

غير معرف يقول...

سيدي الفاضل
وفقت في الاختيار
فالاسم الجديد
رائع
كما تسطره يداك
تحياتي

Beram ElMasry يقول...

صاحب السمو . ملك المدينة
السلام عليكم ورحمة الله
الله يبارك فيكم
افضل شئ بالنسبة لمرضى القلوب والسفهاء ممن يتعرضون لسيرة النبي المصطفى صلى الله عليه وسلم ، هو عدم التعليق واهمالهم ولينةتةا غيظا ، فلا يضر السحاب نبح الكلاب
وسلام الله لك وعليك

Beram ElMasry يقول...

ابنتى الاستاذة ، نيجار
السلام عليكم ورحمة الله
العتاب دليل على الصداقة وحبا فى بقائها
وفقك الله وجعلك خيرا لك ولنا
احب ان تقراى ما اكتب دون اى تعليق
وسلام الله لك وعليك

Beram ElMasry يقول...

حبيبى الجميل جدا . عالم حبيب
السلام عليكم ورحمة الله
بحجم مافى قلبك من حب انا سعيد
---------------------------------------
نايم حال ميلاد ( وفى الفصحى نائما حال منصوب ) ، وملاك بدلا من هدوء صفة لميلاد
===========================
الالاه >>>> الإله
صدقت وجانبنى الصواب ، ولا عذر لى غير انى كتبت هذه القصيدة فى نحو عشر قبل نشرها لان احد المشاركين قال انه يتوفع شئ عن اكتوبر
اعتقدت اني لما اجي المدونه الاقي حاجه بمناسبة 6اكتوبر
انت كان عندك 11 سنه صح
كل سنه وانت طيب
06 أكتوبر, 2008 03:38 م

سعادتى بنقدك اكثر مما تتصور ، لانها دليل على انك قرات ووعيت فرايت الخطا ، لك كل الحب والاحترام ولا اقبل اقل من ذلك
وسلام الله لك وعليك

Beram ElMasry يقول...

ابنتى ،mammass
كان من الممكن ان تصنعى شعرا جميلا فقدرتك فى رسم الصور جميلة
العبث لا يصنع فنا ولا شعرا اسندى الى رب قصيدتك شيئا لتنزهى الحق عن الخلط
لو كان رب قصيدتك رع او بوذا او حتى ابولو رب الشعر والخمر لايسلب ما اشتهر به
تحية وسلام

Beram ElMasry يقول...

الاعزاء ، شفقة هانم واحسان بك
ربنا يجعله عامر وبيوت المحسنين عمار
بتقول" فلتحيا الستات ولتسقط الشنبات"
هذا مغلوب على امره وفى مرمى قذف القباقيب
والناس الحلوة بتوع الشعر الجاهلى
كانو جهله ومع المعيز سارحين ولا توجد مواجهة صريحة تفتكروا شكلها كان هيبقى ايه؟؟
على النعمة اهدا واجمل
وركب طيارة ملقاش مضيفة يا خرابى الحال هيبقى ازاى...
مش اذا وصلت --- انها طيارة
مع خلص تحياتى

Beram ElMasry يقول...

محاسن هانم
..فى سره برضه)
سرها برضه
هذا حال الدنيا
بيرم شرقاوى المولد والاهل

Beram ElMasry يقول...

ابنتى . Bannoura
شكرى لك وتقديرى
-------------------------------
فرقتين بيلعبوا
كورة واحدة
شبكتها نضيفة
سنة الحياة التى نعيها ولا نؤمن بها ، صراع ، اداة ، ومحصلة
--------------------------------
تحياتى لك

الازهرى يقول...

صديقى العزيز

موضوع جميل وكلمات رائعة
وخاصة

لجل دمه ما يروح هدربقى طولى بطول مـارد
لقيت روحه وروحى اتنين وبس البدن واحــد
هيه دى مصرنا عند العسرتلقى عزمها جـامد


ولكن هل مازلنا ندرك تلك المعانى ؟

لا اعرف ولذلك عرضت موضوعا فى مدونتى بذلك ارجوا ان تزوره

تحياتى

Beram ElMasry يقول...

اخى الازهرى
الى هذا الحد حبيبتك حسناء
( وأنه بجوارك شىء فى القبح يضرب به الأمثال )
ام هذه مبالغة العاشق الازهرى وبالمناسبة الازهرى اسم ام ثقافة
( تبثينه النجوى حتى أنه هدأ وبات وادعا هادئا من كثرة أحلامنا )
وحكاية حبكما اسكرت القمر هذا الغيور
خلص تحياتى

د.توكل مسعود يقول...

مبارك علينا الاسم الجديد .. باقي تغيير الصورة التي أغلقت فيها فمك وعينيك وأذنيك ..والله معك.

Mony يقول...

فعلا مدونة تحفة


كلام جميل فعلا

و اسم المدونة الجديد ماشي مع سياق الدونة


مبارك الاسم ان شاء الله

أحــوال الهـوي يقول...

الله عليك يا بيرم
تصور هايل للقرية و تجسيد للروح التي كانت موجودة وقت القتال بين قطبي الامة و الايثار بينهما
التضحية في سبيل استرجاع الارض و الثأر للشهداء صورة رائعه
اكملت القصيدة و من روعتها لم اشبع و من فرط بلاغتها انتظرت ان تستمر و لكنها انتهت فجأه اعذرني فسيرة حرب اكتوبر دائمالا تشبعني

اكرمك الله و جزاك كل الخير