الثلاثاء، 30 سبتمبر 2008

طوابير ورا طوابير


مع بشائر عيد الفطر السعيد اعاده الله على مصر وشعبها
وكل عام وانتم فى سعادة وسرور

طوابير ورا طوابير

طوابير ورا طوابير يا مصرنا طوابيرطراطير
زرعو النواحى شوك طرحت ارضنا مسامير
وحطونا على جمرهم وف ايد الحكومة كير
لجل ما يفرحو القرد والخنزير
كمان يرقصو طوابير مع طوابير
***
الشرطة حارس خصوصى يسند معاها الجيش
وبكرة السفيه يعمل لنا من تبن البهايم عيش
والقطن ما نزرعوش عندتا ويلبسونا الخيش
اياك فمرة تتهبل او تتهطل وتسال فمرة ليش
راح تتعبط راح تتربط بالقفل والجنزير
وتلقى نفسك جنبنا طوابيرورا طوابير
***
مصر ياسمرتى ويا حلوة وطولك بطول النهر
صبرت ليه يا ستنا عالهوان والذل ويا القهر
تقلت حمولك وانهد حيلك هدو كمان الصهر
نشف ريقى وناشف حدانا الزير
صف العطاشى كبربقى طوابير
***
قالو ازرع امل قلت انا موافق على عرضكم
بس ازرعوا القطن تانى والقمح فى ارضكم
خلو كمان شغلنا عبادة وفرض ويا فرضكم
متقفلوش فيوم جامع متقفلوش الدير
ندخل ونعبد ربنا طوابير ورا طوابير
***
ومسلم وجنبه المسيحى نزرع ونحصد خير
ويرجع امان ارضنا وتآمن فى سماها الطير
نشبك ايدينا بمحبة وبعزمنا حبة حبة نسير
للسعد نمشى كلنا طوابير ورا طوابير
طوابير ورا طوابير
(لا تنسوا النقد والتعليق فانى اقوم به قلمى )
فى كل ثلاثاء جديد
بيرم المصري

هناك 103 تعليقات:

الجواز و سنينه يقول...

الحمد لله اول تعليق
بس من غير نقد
علشان اروح الحق الطابوووووور

ندا منير يقول...

مممممممممممممممممم
يارب دعوتك تتحقق ولو المسلمين وقفوا مع المسحيين وبقى فى وحدة بيننا اكيد هنبقى احسن من كدة
وكلماتك جميلة قوى
وربنا يسترها علينا من الايام اللى جاية علينا واحنا عايشين فى مصر

وكل سنة وانت طيب

مـــروة كمــال يقول...

راااائعة كالعادة

بورك قلمكم المبدع


وكل عام وانتم بخير

تقبل الله

Beram ElMasry يقول...

الكريمة الفاضلة . الجواز و سنينه
اسعد الله صباح الجميع والسلام عليكم
شكرا للزيارة وربنا يهون الطوابير
عاودوا الزيارة وكل عام وانتم بخير

Beram ElMasry يقول...

ابنتى العزيزة . ندا منير
اسعد الله صباح الجميع والسلام عليكم
لو عاوزين نعدى الكبوة ، لازم نشبك الايادى
شكرا للزيارة وربنا يهون الطوابير
عاودوا الزيارة وكل عام وانتم بخير

هــــــــــــايدي يقول...

السلام عليكم ورحمه الله وبركاته

بجد مش فى تعليق مناسب اكتر من انها رائعه
بس لالااسف مش رائع ان تكون بلدنا كدا ودا وضعها
كل سنه وحضرتك طيب
و
وعيد مبارك

Beram ElMasry يقول...

الاخت الفاضلة . ريحانة مصر نهر الحب
اسعد الله صباح الجميع والسلام عليكم
اللهم تقبل منها وزد وجهها نورا وافض على قلبها بهجة وسرورا
شكرا للزيارة وربنا يهون الطوابير
عاودوا الزيارة وكل عام وانتم بخير

Beram ElMasry يقول...

ابنتى الكريمة . هــــــــــــايدي
وعليكم السلام ورحمة الله وبركاتة
بارك الله فى زيارتكم لمدونتى
و شكرا على الزيارة وربنا يهون الطوابير
عاودى الزيارة وكل عام وانتم بخير

Beram ElMasry يقول...

ابنتى الغالية . مروة كمال
السلام عليكم ورحمة الله
شكرا على التعليق ، و شكرا على الزيارة وربنا يهون الطوابير
عاودى الزيارة وكل عام وانتم بخير

زهرة الجنة يقول...

كل سنة وحضرتك طيب
وعيد سعيد عليك
وعلي جميع اسرتك

محمد فاروق الشاذلى يقول...

حياتنا كلها بقت طوابير فعلا
قدام مكتب التنسيق، وطابور العيش، وعلى السفارات الأجنبية للهروب من الطوابير، وفى السنترال وتقريبا فى كل حياتنا.

Unknown يقول...

السلام عليكم و رحمة الله و بركاته
_____________________________

كل سنة و انت طيب..
عيدكم مبارك و عسى كل ايامكم سعيدة ..
عساكم من الفائزين و العائدين باذن الله الى رمضان اعواماً عديدة ..

_________

هذه اول زيارة لي هنا..
و انا لست متخصصة في الوزن الشعري و القافية و هذا الكلام ..
لكن المضمون جيد .. و الاسلوب جيد ايضاً..
دمت بكل الخير.
تحية و سلام

Unknown يقول...

السلام عليكم ورحمة الله وبركاته
طوابير طوابير طوابير ؟؟
ياريت يا استاذ نتعلمها
لكن بعيد عنك احنا عدوينها
وغاويين عدم النظام!!
اقولك انت قلبت
علينا المواجع
ليه بس!!!!
..........
كل سنة وانت والاسرة
بألف خير وصحة وعافية

مجداوية يقول...

السلام عليكم

ما تكتبه أخى الكريم هو يعبر عن وجهة نظرك فأنت حر فى بلد الكل فيه حر طبعا بالشروط المعروفة
أقصد أنه ليس بالضرورة أن يكون منتقدا أما النقد من الناحية الفنية فيحتاج الى متخصصين ولكن ما تكتبه يمس كل واحد فينا وأنت تحسن التعبير عنه بأسلوبك

لكن لى تحفظ واحد
أننا نعبد الله كمسلمين أما غيرنا فلا يعبدون ما نعبد
فلهم دينهم ولنا دين ولهم ربهم ولنا ربنا فلا تجمع بيننا وبينهم فى عبادة غير الله مع الاحتفاظ بكل حقوقهم وحريتهم فى أن يعبدوا ما يشاءوون

قوس قزح يقول...

رضي الله عنك وأرضاك
وهداك وأغناك
وعافاك وشفاك
ووفقك لخير الدعاء
وأجاب لك الرجاء
وأحبك بلا ابتلاء
وجعلك ساعياً للخير
مؤثراً في الغير
وكل عام وانت بخير

جنّي يقول...

السلام عليكم ورحمة الله وبركاته

عيدكم مبارك

تقبل الله منا ومنكم
وكل عام وأنتم بخير
كل عام وأنتم من الفائزين
كل عام وقد حصدتم الجائزة
كل عام وأنتم ترفلون في ثوب الفرحة
كل عام وانتم مقبولون الصيام والقيام
كل عام وقد عفا الله عنكم في ليلة القدر

كل عام وأنتي منصورة يا أمتي

أخوكم
سعيد

الحافـــــــي يقول...

انا اول مرة ازور مدونة لاني جديد ف الموضوع ده و زوجتي ام البنين صاحبة مدونة و هي اللي جرجرتني للموضوع الذيذ ده و عملت مدونة اسمها الحافي و بقالي 4 شهور مش فاضي اكتب حاجة
المهم كلامك جميل و رائع و لأني زجال سابق اراه جيد الفكرة و المضمون لكن احيانا تخونك موسيقي السطر
انت هايل
كل عام و انت بخير
د/ ايمن عاطف - جدة

kochia يقول...

الاخ العزيز بيرم المصري
اولا كل سنة وانت طيب
ثانيا اعتذر طبعا عن تاخري في الدخول والاستمتاع بمدونتك والحقيقة الخاسر بعدم دخولي لها هو انا بالتاكيد ولست انت علي الاطلاق

اما عن تعليقي البوست الماضي وموضوع التفاءل والامل فهي رغبة لدي لان شعرك يصل الي قلب مباشرة
يعني لو قلق بقلق .. ولو زعل بزعل .. ولو نكد بتنكد .. وهكذا

اما موضوعك لليوم
حسيت بصراحة اني بقرا شعر شخص تحت نير الاحتلال
لا تتعجب فهذا ما شعرت به اثناء قراءتي لبعض الابيات

تصويرك بجد قوي ومباشر وصريح وحلو
والميزة انها يصل للمشاعر

تحياتي الحارة

غير معرف يقول...

مساء سعيد ونهارك بكره عيد ولبسك جديد فى جديد ويجعله عليك وعلينا عيد سعيد.
تحياتى اليك من الاسماعيلية وبورسعيد , انا سمحت لنفسى ان ادخل على مدونتك من خلال تعليقك على مدونه صديق قريب لى , واسمحى ابدأ معاك واقولك ان الدهوله باين عليها مرض معدى لانى من يوم 15 رمضان وانا يوميا ادخل النت واحاول ان اكتب اليك واول ما تفتح صفحتك الوقور بعيد عنك , الهرش والارتكاريا تبدأ والجهاز يهنج ويفصل نت وعيد المحاوله مرات ومرات.
ربنا يكفينا من الدهوله والف سلامه عليك منها.
اعرفك بنفسى انا احمد 46 سنه محب للغله العربيه واقول انى اعرف كيف اتذوقها والتذ بحلاوتها , وسعيد لانك عندك موهبه جميله محتاجه كما تقول بعض المساعده مممن بحبون اللغه العربيه والدهوله ولكن ليست على طريقتك.
عموما ومن خلال القراءة المتقطعه مع تقطع النت والسريعه سرعه النت ايضا اعتقد انه لديك بعض الديفوهات فى الحروف بعضها ناقص او خطأ ولست ادى اهو عن قصد ام ان لوحه المفاتيح اصيبت بفيروس الدهوله.
اتمنى ان اقرا لك كل ما كتبت مره اخرى منذ البدايات وذلك من خلال جهاز اخر عليه انتى فيروس الدهوله واسرع .
اتمنى ان نتواصل وان يستمر التواصل بيننا, والى حين اشعار اخر ارجو التواصل معى من خلال الايميل الخاص بى.
ass_taster2004@yshoo.com
والى اللقاء فى مدهوله اخرى.
وتقبل الله صيامك وجعلك عيدك سعيدا وجعلنا جميعا من عواده وكل عام وانت بخير.سلام

أختكم فى الله يقول...

كل سنة وحضرتك طيب

عيد سعيد ان شاء الله

Beram ElMasry يقول...

و شكرا على الزيارة وربنا يهون الطوابير
عاودى الزيارة وكل عام وانتم بخير

Beram ElMasry يقول...

اخى قلب مصرى
الطوابير دى بروفه لنتعلم النظام عشان احنا شعب مهرجل
شكرا على التعليىق كل عام وانت وجميع الاهل فى سعادة وسرور
عاود الزيارة

محمد فارس يقول...

طوابير ورا طوابير يا مصرنا طوابير
زرعواالاراضي شوك طرحت لنا مسامير
ـــــــــــ
هيا فين الطوابير حرام عليكم بطلوا
افتري انا كل ما اروح للفرن مابلاقيش
عيش ولا طوابير
الاخ بيرم كل سنه وانت طيب ***
ودورك في الطابورخلاص بقي قريب***
ــــــــــ
رداعلي تهنئتك لي بالعيد
اشكرك جدا لانك اسبق ودائمابالخير تسبق
كل عام وانت وجميع الاهل والاقارب والاحباب بخير وسلامه
ان شـاءالله

Beram ElMasry يقول...

ابنتى الكريمة . شيماءعلي
السلام عليكم ورحمة الله وبركاته
شكرا على التعليق ، و شكرا على الزيارة وربنا يهون الطوابير
جعلك الله خيرا وجعل لك فى الدنيا خيرا وفى الاخرة خيرا
صحيح هوه فيه قهوة يالفانيليا
عاودى الزيارة وكل عام وانتم بخير

الملاك يقول...

السلام عليكم ورحمة الله وبركاته
أخى فى الله بيرم بجد انا مليش فى النقد خالص بس انا بحب النوع ده من الكتابة قوى لانها بتكون معبرة جدا فى الغالب
----------------
وبكرة السفيه يعمل لنا من تبن البهايم عيش
والقطن ما نزرعوش عندتا ويلبسونا الخيش

بكره ؟ للاسف اخى انه قد حدث بالفعل وان لم يكن حرفيا كما خطط يديك
-----------------------
صبرت ليه يا ستنا عالهوان والذل ويا القهر

لان ابنائها من ارادو لها ذلك ورضوا به
--------------------
بس ازرعوا القطن تانى والقمح فى ارضكم
خلو كمان شغلنا عبادة وفرض

اخى لو انتظرنا ان يصلح غيرنا حالنا فلن ينصلح
------------------
ومسلم وجنبه المسيحى نزرع ونحصد خير
ويرجع امان ارضنا وتآمن فى سماها الطير
نشبك ايدينا بمحبة وبعزمنا حبة حبة نسير
للسعد نمشى كلنا طوابير ورا طوابير

اللهم امين

اللهم اسالك برحمتك التى وسعت كل شئ ان تصلح حالنا

بارك الله فيك اخى وفى قلمك وكل عام وانت بالف خير

دمت اخى برعاية الله

Beram ElMasry يقول...

الاخت العزيزة . norahaty
السلام عليكم ورحمة الله وبركاته
علشان الدولة عارفة ان الشعب مهرجل عملت على اظهار الطوابير علشان نتعلم الادب
كل سنة وانت فى احسن صحة واهنا حال
لاتحرمى مدونتى الزيارة والتعليق

Beram ElMasry يقول...

سيدتى الكريمة . مجداوية
السلام عليكم ورحمة الله وبركاته
شكرا وامتننان للزيارة والتعليق
سيدتى . اعنى بالنقد ان القارئ الكريم يقول ان المعنى غامض ، او انة احس خللا فى الايقاع ، اوان الصورة غير مكتملة
لا اطالب القارئ بالحديث عن القافية والتفعيلات وانواع العلل والزحافات
كل عام وانت وجميع الاهل فى سعادة وسرور
ارجو معاودة الزيارة للددونة

Beram ElMasry يقول...

الاخت الفاضلة . قوس قزح
السلام عليكم ورحمة الله وبركاته
لا حرمنا الله من صالح دعاءك ، وجزاك الله عنى خيرا ، وكل عام وانت بالصحة والسلامة وجميع الاهل فى خير وبركة
لا تحرمى مدونتى معاودة الزيارة

Beram ElMasry يقول...

اخى الكريم . جنّي
السلام عليكم ورحمة الله وبركاته
شكرا وامتننان للزيارة والتعليق
اللهم اجعل مصرنا امنة مطمئنة
كل عام وانت وجميع الاهل فى سعادة وسرور
ارجو معاودة الزيارة للددونة

Beram ElMasry يقول...

اخى الكريم . الحافـــــــي
السلام عليكم ورحمة الله وبركاته
شكرا وامتننانا للزيارة والتعليق
حفظك الله من كل مكروه وادام عليك الخير كلة
عمر مدونتى تقريبا شهر يعنى بلاش حجج فارغة ، وبارك الله فى ال بيتك ، طبيب ام دكتوراة كلى الوظيفتين عملهما شاق
اسعدتنى باكتشاف خلل فى ميزان بعض الاسطر وبخلت بارشادى اليها لاصلاح الخلل ، انت لى مكسب ومنك نستفيد ، وارجوك قراءة بقية الاعمال والنقد والتوجية
اللهم اجعل مصرنا امنة مطمئنة
كل عام وانت وجميع الاهل فى سعادة وسرور
ارجو معاودة الزيارة للمدونة

Beram ElMasry يقول...

الاخت العزيزة . kochia
السلام عليكم ورحمة الله وبركاته
اولا وانت طيبة وفى احسن حال
سيدتى . شكرا على التعليق ، و شكرا على الزيارة وربنا يهون الطوابير
هذا ما ارمى اليه من النقد لغير المتخصص ، اى ان القارئ الكريم يقول ان المعنى غامض ، او انة احس خللا فى الايقاع ، اوان الصورة غير مكتملة
لا اطالب القارئ بالحديث عن القافية والتفعيلات وانواع العلل والزحافات
كل عام وانت وجميع الاهل فى سعادة وسرور
ارجو معاودة الزيارة للمدونة

Beram ElMasry يقول...

اخى الكريم ، ahmed_k
السلام عليكم ورحمة الله وبركاته
شكرا وامتننانا للزيارة ، ونفعنا الله واياكم بصالح الاعمال
كل عام وانت وجميع الاهل فى سعادة وسرور
ارجو معاودة الزيارة للمدونة

Beram ElMasry يقول...

اخى الكريم ، أختكم فى الله
السلام عليكم ورحمة الله وبركاته
شكرا وامتننانا للزيارة ، ونفعنا الله واياكم بصالح الاعمال
كل عام وانت وجميع الاهل فى سعادة وسرور
ارجو معاودة الزيارة للمدونة

Beram ElMasry يقول...

الكريم ، محمد فارس
السلام عليكم ورحمة الله وبركاته
اهلا ومرحبا بالفارس الجميل
اولا وانت طيب وفى احسن حال واسرتك بخير وسلامة
اعازنى الله واياك شر الطبور اياة
وجهنى الى اى خطا فيما اكتب فالنصح مطلوب
كل عام وانت وجميع الاهل فى سعادة وسرور
ارجو معاودة الزيارة للمدونة

Beram ElMasry يقول...

الكريمة الفاضلة . الملاك
السلام عليكم ورحمة الله وبركاته
خياراتنا تنم على اذواقنا وطباعنا ، وشوفى انا المدهول وانت الملاك ، وشتان بين الخيارين
سعيد بزيارتك مدونتى ، لانى حريص على صحبة المثقفين والانتشار بينهم ، وعليك اشد
رؤيتى ان النقد الشديد يوقظ المنومين والمخدوعين بالاوهام والاحلام الكاذبة ، وهذه حال الشعوب الضعيفة بفعل فاعل
سرتنى الزيارة والتعليق ، فلا تحرمى مدونتى هذا الشرف
وكل عام وانت وجميع الاهل فى سرور وسعادة
وعيد سعيد

عاشقة القمر يقول...

ايها الشهر ترفق دمع الحبين تدفق
قلوبهم من الفراق تشقق
عسي توبه تصلح ماتمزق
عسي عسي متقطع عن ركب
المقبولين يلحق
عسي أسير الأوزار يطلق
عسي مستوجب النار
ببركه هذا الشهر يعتقق وعسانا الرضا الله وقبوله نوفق
كل عام انتم بخير

Beram ElMasry يقول...

عزيزتى . عاشقة القمر
وصدع النفوس المـريضة يرتق
وكل من خان اهله بالنار يحرق
انها بمن لان ومن استكان اليق
وكفانا شر من سال انفه وبقبق
كل عام وانتم بخير

تلميحاتى - يوسف الشافعى يقول...

عيد سعيد يابيرم وبدون طوابير وتركب حناطير وتكون يارب وزير علعيد الكبير ويكون فى عهدك عيشنا بدون مسامير ومجارينا نضيفه من صراصير
ويبعد عنك وعنا الدبابير
والنسوروسجن ابو المطامير
واشوفك العيد الجاى اللحمه كتير
وتكون فى طبق فضه ومش المونيوم او فواخير
مع السلامه بقا عشان انا سامع زن كتير

ميرو انتكة يقول...

السلام عليكم

ربنا يوفقك يا رب
وكل عام وانت طيب

عيد سعيد

تحياتى

Beram ElMasry يقول...

العزيز . تلميحاتى - يوسف الشافعى
اعجز عن مجراتك فى طلاقة الرد وطرافة الكلمة ، وهذا يشعرنى بالغبطة ، وكل عام وانت فى واقع سعيد وكما تتمنى وارجوه لك من خير ، دع الود متصل

Beram ElMasry يقول...

وزيرة الاسكان ميرو انتكة
وان كان عاجبك
وانت فى خير وسرور

نـــــور يقول...

امين يارب ايبقى بكره زى ماحضرتك بتقول
كل سنه وحضرتك طيب
وكل عيد وحضرتك بخير

أمل حمدي يقول...

اولاكل عام وحضرتك طيب وبخير

ثانيا انا سعيدة جدا بوجودك بيننا

بوجود فنان بجد وقلم متميز بجد

وثالثارغم كل الالم بكلامك

لكنها الحقيقة ويارب يسمع منك ونبقى

طوابير في الخير والتفاعل الايجابي بدل

طوابير القهر

تسلم ايدك وعيد سعيد

د.توكل مسعود يقول...

أخي وحبيبي .. بيرم المصري

السلام عليكم ورحمة الله وبركاته
وكل عام وأنت بالصحة والعافية

أخي الكريم .. أنا أعلم أنك تعلم أني "رجل" ولست "امرأة".

أنت تقول "سيدتي "
يبدو أنك كنت "مدهول" جداً
تقبل تحياتي واحترامى

كتبت بهذه المناسبة مقالة أستأذنك في نشرها على مدونتي وإهدائها إليك..... فإن أذنت وإلا فلا ..

Beram ElMasry يقول...

اخى الدكتور / توكل مسعود
السلام عليكم ورحمة الله وبركاته
اقسم بالله ان هذا خطا غير مقصود، باى صورة ، كنت انا الساعى اليك فكيف تقكر اني اقدم على مثل هذه الوقاحة وسوء الادب مع مثلك اوغيرك
سيدى الدكتور . توكل
انا رجل كبير السن ضعيف البصر لا اجيد الكتابة على الكمبيوتر ( اكتب باصبع واحد ) ، ولارسال المعايدات كتبت نص واحد وفى الراس – سيدتى .سيدى ، وكنت امحو كلمة عند التاكد من هوية صاحب البلوج وكنت اترك الكلمتين واخيرا محوت الاثنتين
اخى انى اعتذر فان عفوت فانت اهل لذلك
انى احرص على صداقة الجميع والكبار اصحاب الثقافة اكثر ولذلك اطلب النقد والتوجيه
اخى اكتب ما شئت وكما شئت
وسلام الله عليك ورحمته وبركاته وكل عام وانت وجميع الاهل فى سلامة وسرور

الحكمة ضالة المؤمن يقول...

كل عام وانت بالف خير
ولا تنسى هديتك عندي
تجي تاخذها

Beram ElMasry يقول...

الاخت العزيزة ، Habiba
وانت في اتم صحة واسعد حال

Beram ElMasry يقول...

الاخت العزيزة ، Habiba
وانت في اتم صحة واسعد حال

Beram ElMasry يقول...

الفاضلة ماما امولة
اولا وثانيا ومليون وانت في اتم صحة واسعد حال
غيبة طويلة ،
ليتنى اعرف كيف اكون بينكم
على الرغم من قولى الحاد فلانى اكره الغفلة والتخدير اللذى نعيشه لابد ان نصحو
لك شكرى وامتنانى

Beram ElMasry يقول...

اخى الكريم . الحكمة ضالة المؤمن
وانت وجميع الاهل فى سعادة وسرور
اسرعت بالدخول الى مدونتك ، اعجبنى موصوع رؤية الهلال ،واما حكاية التاج فبصراحة اتوجس منه خيفة ، ما الفائدة ان يعرف تاريخ المدونة مع العلم يستطيع معرفته من البلوج نفسه ، لو اراد معرفة اهتماماتى فلو دخل المدونة لعرف اهتماماتى من كتاباتى ، معرفة ثسعة اسرار ، معرفة كذا وكذا
اشياء تثير الشك لا لزوم لها بمعنى انها ليست تاج بل سلطانية
كل عام وانت بخير

الحكمة ضالة المؤمن يقول...

هي سلطانية مثل ما تفضلت
بس هذا ما يمنع انك تقبلها
ديك المحب خاروف

المستنصر بالله يقول...

مدونه حضرتك راقيه جدا وكلماتك جمييله
بالتوفيق

كل عام وحضرتكم بخير

عيدكم مباررك

تحياتى لحضرتك

Beram ElMasry يقول...

الكريم . الحكمة ضالة المؤمن
كشف الخصوصيات لايمكن ان تكون نتائجة خير ، وبالتاكيد فيها فخ وشرك عواقبة ضارة للشباب صغار السن، على الاقل ندفعة للعبث والسخر ية ولو تعودنا الجدية لكان افضل لنا
بصلة المحب خروف ما لم تضر ولا غش فيها
وكل عام وانت بخير

Beram ElMasry يقول...

اخى . المستنصر الله
اكيد المستنصر المصرى مش الفاطمى
وانت فى سعادة وسرور ، انت وجميع الاهل وشكرا على الزيارة والمعاود تفرحنا

أحمد بسام يقول...

استاذنا الفاضل
المدونة اصبحت رائعة جدا جدا
جهد مشكور
_____________________________
اما عن الطوابير فانا اعلق على مدونتك من على هاتفى المحمول من امام طابور العيش
تقبل تحياتى

غير معرف يقول...

شكرا للزيارةوكل عام وانت طيب

رجل من غمار الموالى يقول...

كل عام وانت بخير

عالم ماريونت يقول...

اولا كل سنة وحضرتك طيب
ثانيا نبتدي النقد
اولا القصيدة في المجمل حلوة مع ان الفكرة مش جديدة بس المعاني والالفاظ جيدة جدا
في بعض حاجات مش واضحة فيها انا مفهمتهاش ومفهمتش هي اللهجة صعيدي ولا ريفي؟
كلمة طوابير وطراطير لما اتكررت كتير اوي حسيت انها عملت قفلة مش عارفة لية
كل
دي حاجات صغيرة اوي لا تخل بالقصيدة ولا تمنع انها قصيدة رائعة وجميلة جدا احييك عليها
كل سنة وانت طيب
رنا

Beram ElMasry يقول...

Rana Ashour
سيدتى ، ابنتى ، اختى ، رنا ( لك حق الاختيار )
تحية اعزاز وتقدير لشخصك الوفى الذكى الكريم (لاخيار )
---------------------------------
شكرا جزيلا على التعليق ولكن لتكمل الفائدة يستوجب ذكر الالفاظ ، واللغة المستخدمة شرقاوية ، يعنى صعيدى بحراوى عملا بالمصطلح ( الشراقوة اولاد عم الصعايدة ) ، ولى رجاء قراءة ، حادى يادى ، انشق بطن الامل ، ابويا الله يرحمه ، فلربما تجدين ما يكسبنى رضاك
--------------------------------------
ويلسون
ابحرت معك وويلسون وسعدت كثيرا ، ولما ال ويلسون الى ما ال الية بكيت ، نعم بكيت واقسم بالله ، خلتة انا وقد احلت للمعاش وسرقت الكومة ارصدة المعاش ، فلا تكونى كالحكومة ، ولا تنسى ان ويلسون كان رسولك منك واليك فى اوقات سعيدة ، ضعيه نصب عينيك لانك اهل لحفط الجميل
----------------------------
عفوا لم اري اسوء ولا اخبث من لعبة التاج ، ثلاث اواربع تيجان محصلته تقرير عن الحالة النفسية والاجتماعية ، ميوله ونزعاتة دون ان يدرى او يخير الواحد منا
انه تاج الجزيرة يعنى السلطانية
شكرا وارجو معاودة الزيارة

Beram ElMasry يقول...

ابنى العزيز ، أحمد بسام
كل سنة وانت طيب ، فى اصل طبيعة الرجال عدم الخوف
ومع ذلك انا انزعج من لعبة التاج ، هذه اللعبة تجعلنا كفئران تجارب خاضعة للدراسة والتحليل
شكرا لزيارتك

Beram ElMasry يقول...

اخى ، ARTticuler
شكرا لزيارتك لمدونتى
ان سالوك عن الاهله قل هى مواقيت ، اتخذوها اساس الاجهزه الحديثه ، الاجهزة الحديثة تخدم لاتخدم ، لاتتعرض لقول العزيز الحكيم لان قوله الحق
لم يدر الزمان ظهره لنا الا عندما خدعنا
كل عام وانت بخير

غير معرف يقول...

حلو بس اعتقد الجمل طويله شويه

بس فى مجملها و معانيها حلوه

سلامات :)

Beram ElMasry يقول...

اخى ، Essam M I Khalil
كل عام وانت فى صحة وسلام
لا أملكُ أن أتكلم فلتتكلم عني قمم الأشجار
لا يحني هامتَها إلا ميلادُ الأثمار
لا أملك أن أتكلم
فليتكلم
عني صمتي المُفهِم
جميلة قوية ىقرا او تحفظ

غير معرف يقول...

كالعادة ... مبدع
معبّر
هادف

أمل حمدي يقول...

اخي بيرم المصري

بعد التحية

لك واجب بمدونتي اتمنى ان تقبله

وتقوم بحله

سلام

مـجـنـووون يقول...

الله علي الكلام الجميل

بجد أنت بتعبر عن إلي بيحصل في البلد دي وإلي بيحصل للناس

*****************
مصر ياسمرتى ويا حلوة وطولك بطول النهر
صبرت ليه يا ستنا عالهوان والذل ويا القهر
تقلت حمولك وانهد حيلك هدو كمان الصهر
نشف ريقى وناشف حدانا الزير
صف العطاشى كبربقى طوابير


العيب مش في البلد العيب في إلي مسكنها وهدوا حلها . حسبي الله ونعمه الوكيل

***************
اسعدني تواجدي في مدونتك الجميله جدا أخي الفاضل

تقبل مروري
مجنووون

mahasen saber يقول...

الله حلو قوى طوابير ورا طوابير
المفروض هناخد على كده
يعنى طوابير ورا طوابر
وهناخد على كده..ربنا يستر
بس حلو قوى كلامك للمحروسه
اليى مفيش حد بطل كلام فيها بس يا ريت تسمعنا شويه...
كل سنه وانتا بكل خير
وعيد سعيد عليك وعلى مصر
وعلى كل من تحب...

غير معرف يقول...

لأيه اللى أنت كاتبه ده يامدهول

الحقيقة المصرية يقول...

يسعدنا زيارتكم الكريمه لموقعنا والمشاركه معنا كمحرر ومراسل بموقع الحقيقه المصريه لزياره الموقع والمشاركه معنا من هذا اللنك
www.elhaqeqa.com
كما يشرفنا نسخ كود رابط المدونه بموقعكم
وستجد الكود بالمربعات الجانبيه بالموقع
وكل عام وانتم بخير
اسره تحرير الحقيقه المصريه

احمد على نصار يقول...

اي نعم الشعر في المقام الأول تحريضي لكن من ناحية اخري لابد ان هناك مبعث للأمل وهدا يخالف النظرة التشاؤمية الملتصقة :يقال ان اجمل الشعر أكذبه والسؤال لماذا نري مصر وقد اصبحت قبيحة هكذا ولماذا لا نتخيلها اجمل ولو بقصيدة شعر .

Beram ElMasry يقول...

استاذ/ احمد على نصار
بعد تقديم واجب الاحترام
اسمح لى ، التشاؤم مرفوض ( انا لست متشائما )
الامل ، بارقة امل ، من اين ؟
الم يقل السيد رئيس الجمهورية انه لو وجد من يصلح لترك له الحكم ( ام نسينا كعادتنا واللى فات مات ) ، اذن لم تعد مصر ولاده ، اين الامل ؟
التليفزيون عرض السيد جمال مبارك يوزع شقق مع خلفية زغاريتية وابتهال ربنا يخليك ياريس
هل هو ابن الملك ؟ لا فمصر جمهورية على حد علمى
هل هو نائب الرئيس ؟ لا ليس فى مصر من يصلح من حيث المبدا
هل هو رئيس الوزراء او حتى وزير الاسكان ؟ لا
هل هو بناها من ماله ؟ لا
اذن مارس حقا ليس من حقة ، ولكنها سفاهة اعلامية ، اعطت من لايستحق حق توزيع ما لا يملك ، اين الامل ؟
اخى وتفضلت بالقول ( ولماذا لا نتخيلها اجمل ولو بقصيدة شعر .) ، ولا بقصيدة لان تخيل الصور مخالفة للواقع ضرب من الهزيان للسكارى والمساطيل ، وكلنا اعلى من ذلك وارفع
--------------------------------------------
تقبل شكرى وامتنانى لشخصك الكريم
لاتحرمنى الزيارة والتوجيه

Beram ElMasry يقول...

يا بتوع الحقيقة الحقيقة معرفتش ادخل ولا حتى م البحر مرورا براس الرجاء الصالح

Beram ElMasry يقول...

صورتى الشابة المجنووون
ارجع يا مجنون
قلمك سيف لايموت
ولن يموت
مزق به الخضوع
والخنوع
وصناع السكوت
--------------------------------
حركت غيرتى منك فى حب مصر
سعادتى بتواجدك عندى يؤنسنى فاهلا بك

Unknown يقول...

الكل بيقولكم:

كل عام وانتم بخير

بس أنا مش هقول زى الكل ولكن هقول:

أنتم خير لكل عام

وأهديكم عطر الورد وألوانه

أرسل خطاب أنتم عنوانه

أهنيكم بقدوم عيد الفطر

وأيامه

والود ودى.. اجمع كل ورد العيد

وأكتب على كل وردة :

يارب أشوفك سعيد

احمد قطب يقول...

السلام عليكم

كلامك جميل قوى

كل سنه وانت طيب ويارب يعيد عليكم الايام بخير

Beram ElMasry يقول...

mahasen saber


الاخت الفاضلة / mahasen saber
كل عام وانت فى صحة وسلامة وجميع الاهل



























mahasen saber

Beram ElMasry يقول...

الاستاذ الفاضل / حسن محمد توفيق
اهلا باهل العلم نور والمروءة والادب
ادخلت جـديدا على الـتهانى ولا عجب
فالابداع منكم مطلب وهـذا عز الطلب
كل عام وانتم بخير
الجار اولى بالشفعة وانا شرقاوى

سمكه واحده يقول...

اهلا اهلا انا بقي شكلي كده في اخر الطابور بس مش مهم هستني دوري بدل ما اتزق
جميله جدا

بس فعلا معرفش ان سمكه نهت علي شعب ممكن تقول شوباب المنطقه كلها ماشي انما شعب يمكن
انا بقي جايه اقضي علي الناس اللي في مدونتك كله يخلي بالو من نفسه

شكرا علي مرورك ومدنتك بجد جميله بس عايزه قلب جامد
ههههههه

Beram ElMasry يقول...

ملك المدينة
عفوا مولاىالاسوار منهارة
والحراس اهملوا نور الفنارة
فغرقت عبارة
وصخرة فى الدوبقة منهارة
وقتلى وغرقى
وحرائق والف الف خسارة
والفساد فوق رؤس الكبار اشارة
وكل عام وانتم يخير

Beram ElMasry يقول...

عز يزتى / سمكه وحده
اولا . كل سنة وانت طيبة
ثانبا . حاسبى دماغك راحت فين انا قلت اشعب – اشعب مش شعب ، اشعب الطماع
وربنا يستر والسمك انواع
وعيد سعيد لك وحميع الاهل

"عبير النجار "نيجار يقول...

رائعه يا بيرم كالعاده
بالفعل شاعر محترف
ربنا يكرمك
وكل سنه وانت بألف صحه وسلام
تحياتي

لكل الناس يقول...

السلام عليكم ورحمة الله وبركاته
مدونة ممتازة بس من غير نقد
أنا بحب أنصح انت عارف بعد اللى انت قلته انت حتروح على فين
أكيد على طابور أمن .....
أكيد عرفته
ربنا يبارك فيك
وكل سنة وانت طيب

قديسك مولاتى يقول...

الاخ المبدع بيرم
اعجبنى تعليقك وطرحك لفكره الطابور
فحقا امسى كل شىء بيننا يسير فى طابور
حتى احلامنا لا تتحقق الا عندما ياتى دورنا فى طابور الاحلام الغير منتهى
صديقى المبدع بيرم ...
كل عام وانت بخير وعيد سعيد علينا وعلى الامه الاسلاميه المسكينه
ندعوا الله ان يرفع غضبه عنا
ويمنحنا القوه والقدره على استيعاب مايحدث لنا
دومت مبدعا

م/ الحسيني لزومي يقول...

شوف يا ولد العم احنا بنرحب بيك في اتحاد مدوني اسيوط. اللي هيكون نواة لاتحاد مدوني الصعيد..هوه الظفر يطلع م اللحم...اما عن الطوابيير فهي اكسير الحياة بالنسبة للمصريين والمصريين زي السمك لو طلعوا من الطابور يموتوا.

محمد فارس يقول...

http://alhiahaml.blogspot.com/
الاستاذ بيرم المصري
السلام عليكم ورحمة الله وبركاته
انت لسه واقف في الطابور
وحشنا قلمك عموما انتهي رمضان وانتهي العيد وكل ما نطلبه من الله ان تكون ايامناكلها اعياد
وكل عام وانت بخير
مع اطيب تمنياتي لك بالتوفيق
ان شاء الله

Beram ElMasry يقول...

ابنتى الرقيقة المهذبة نيجار
اولا - انا زعلان لانك تاخرتى فى التعليق
ثانبا – وانت وجميع الاهل فى خير وسلامة
ثالثا – ذوقك رفيع وقلمك رائع ولا تحرمين مدونتى الزيارة

Beram ElMasry يقول...

اخى الكريم \ لكل الناس
كل عام وانت فى خير وسعادة
كل شئ جايز وانما ما اقوم به ايقاظ الهمم والاصلاح بلا خنوع وتكاسل
الساكت عن الحق شيطان اخرس –وانت تكلمت فى قصيدتك ، صمت المتخاذلين
ارجو مداومة الزيارة

أكون أو لا أكون يقول...

السلام عليكم...
وأنتم بصحه وخير إن شاء الله...
أعجبتني القصيده جداً... وإن شاء الله تتحقق الوحده بين العرب كافه ... مختلفه كانت عقيدتهم أو مذهبهم...
جزاك الله خير...

على عبدالله يقول...

طوابير طوابير طوابير

سبحان الله انا طول عمرى بكره الطوابير من ساعة ماكنت اروح المخبز عشان اجيب عيش ،اقف فى الطابور اروح اعملى خناقة كده ع الماشى
ومن ساعة مارحت التجنيد ووقفت فى طابور طولو حاوالى كيلو متر من 9 صباحا وحتى 7 مساءا ،وكنت فاكر ان ده اطول طابور وقفتو فى حياتى
اتارى فى طوابير مالهاش نهاية ؟؟؟؟؟

خالص تحياتى
سر على بركة الله

فارس عبدالفتاح يقول...

السلام عليكم ورحمة الله وبركاته

الاخ المدهول المحترم

اشكر شكراً لا يدانيه شكر على زيارتك وعلى اهتمامك

وكل سنة وانت في احسن حال

اما بالنسبة للاشعار يوجد بها عدم انضباط في القافية وهذا هو العيب من وجهة نظري المتواضعة

ولقد ذكرت القردة والخنازير فمن هم القردة اذا كان الخنازير هم الاسرائيليين ..

مع الشكر والتقدير والاحترام

اخوك فارس عبدالفتاح ... قومي عربي

ahmed_k يقول...

جميله كلماتك يا أ/ بيرم
زجل من وحي أرضنا وطيبة شعبنا
قد لا أكون أحسن النقد الأدبي
ولكني أحسن تذوق الكلمه الحلوه

وبجد إستمتعت بكلماتك

بالتوفيق دوما

على عبدالله يقول...

استاذ بيرم

ممكن يبقى اسم المدونة
بيرم المصرى
لانى بصراحة مش شايفك مدهول خالص
بالعكس انت اذكى من كده بكتير
وده واضح من كتاباتك وعلاقاتك التدوينية

ارج ان تتقبل رأيى بصدر رحب
على فكرة انا ضفت مدونتك الجميلة دى ف مدونتى

ارق التحيات

Beram ElMasry يقول...

اخى الفاضل . فارس عبدالفتاح
تحية اكبار لشخصك الكريم والف الف شكر على ملاحظتك لاخطاء القافية حيث تقول ( بالنسبة للاشعار يوجد بها عدم انضباط في القافية وهذا هو العيب )
اخى العزيز كان من حقى ان تذكر بعض العيوب لاتمكن من اصلا حها وتكمل الفائدة
اخى ارجو ان لا تحرمنى من زيارة مدونتى والنقد والتوجيه لاقوم اعوجاج قلمى وتقبل تحياتى

Beram ElMasry يقول...

اخى الفاضل . على عبدالله
السلام عليكم ورحمة الله
ردى على رسالتيك يختلف عن الردود المعتادة من تقديم الشكروالامتنان
خطر في بالى ان ما ينقصنا هو معرفة بعضنا البعض ، ولا اعنى معرفة الاسم واللون والعقيدة ، فهذه خصوصيات لا تعنى احد ، المعرفة المعرفة المطلوبة هى ، معرفة الهدف اة الحلم ، ومعرفة القدرة بمعنى الامكانيات ، والقدرة على توحيد لاتقريب وجهات النظر ، بذلك نتقدم

Beram ElMasry يقول...

اخى الكريم . ahmed_k
ياصديقى الكريم الحديث عن الاحساس او غموض معنى اوخلل فى الميزان السماعى ، اهم وانفع من الحديث عن القوالب الشعرية والتفاعيل والموازين ، والصدق والصراحة اجدى
صدقنى زيارتك ورغم بخلك والاقلال من النصح انفع
اجعلنى من الاصدقاء وداوم على الزيارة
وكل عام وانت واسرتك فى خير وسلامة

Beram ElMasry يقول...

ولد عمى ، م/ الحسيني لزومي
قبولى بينكم شرف عظيم لى ، وهذا وعد منك ووعد الحر دين وانت حر
اجعلنى من الاصدقاء وداوم على الزيارة
وكل عام وانت واسرتك فى خير وسلامة

شمس النهار يقول...

اعتقدت اني لما اجي المدونه الاقي حاجه بمناسبة 6اكتوبر
انت كان عندك 11 سنه صح
كل سنه وانت طيب

Unknown يقول...

هههههههههههههه

بجد رائعه ..

اسلوبك حلو أوي

إلي الأمام

ياسمين

Beram ElMasry يقول...

ابنتى الغالية . عاقلة علي ارض الجنون -ياسمين
الحمد لله انه مش العكس
ياسمين . اماكن في القلب ، تجعلنى اقبل بين عينيك لانك فى عمر حفيدتتى لو كان عمرك 18 سن
او انت كاذبة وانت رجل جاوز الثلاثين ، اوانثى اكبر من ذلك وساعتها انحنى لهذا الابداع
شكرا للزيارة والتعليق ، واصدقينى القول
خالص تحياتى

اوعى تفكر يقول...

ماشاء الله اكثر من رائعه
كل سنه وحضرتك طيب

اوعى تفكر يقول...

ماشاء الله اكثر من رائعه
كل سنه وحضرتك طيب

Beram ElMasry يقول...

الاخ العزيز ، فارس النوبه
السلام عليكم ورحمة الله وبركاته
قبل كل شئ لو انت نوبى فمليون مرحبة بك ، واهلا باصحاب القلوب الطاهرة
سعدت بزيارتك
كنا ونحن فى مثل عمرك ربما اكثر صلاة ولكن كذب من يدعى ان يقول مقالتك
معذرة لتاخر الرد ولكن الذنب ليس عندى حيث ان تعليقك لم يكن على قصيدة نصر اكتوبر
كنت بك سعيدا فلا تبخل بمعاودة الزيارة وكل ثلاثاء عندى جديد وكل اكتوبر وانت بخير

Unknown يقول...

لا تقلق فأنا الحمد لله أصدق القول .. :)

أنا 18 سنه و كام شهر و شوية فكة :)

تحياتي :)