الثلاثاء، 16 سبتمبر، 2008

حادى بادى


الشعب المصرى من بين الشعوب المقهورة اللتى تخلق البدائل لواقعها المر وتصنع منه وهما نعيشه ، ومن ابرز الامور ان الشعب المصرى لم يمارس حق الاختيا ر فى حقب طويلة ، ولكن من الغريب انه لما صنع لعبة الاختيار وهى ( حادى بادى ) لم يمارس حقه فى الاختيار بل جعل ( سيدى محمد البغدادى ) ينوب عنه فى اختيار بؤجة الادارة من الوزير الى الخفير ، وبؤجة الادارة محكمة الربط ، ويصعب اختراقها ، وبداخلها يتم الترابط والتشابك ، وتزداد العزلة عن الخارج ، ويظل سيدى محمد الوحيد صاحب حق الاختيار فى لعبة ( حادى بادى )
حـــادى بــــــادى

حـــادى بــــــادى ســـــــــيدى محمــــــــــــد البغـــــــدادى
ياللـــــى تهنـــــكر قـــرب منى والمتوضى يبعــد غــــادى
راح نقـرألك شيئ مالطـالع واللى نقولـه شيئ مش عادى
ياللى حتنصح ريح نفســـــك من راح يســمع مهما تنادى
حادى بادى قوم ياحبيبى غير كارك
*****
حــــــــادى بــــــــــادى ســـــيدى محمــــد الفـنـكـــــوش
سلطــــــــة زبــــــــادى صحــــن بصارة وفول مدشـوش
تضرب تقلب من راح يغلب فـوق الكرسى فيه طربــوش
تلك آمــــانى الداعــر عـزرا تلك وصايــا الصـايع بوش
حادى بادى قوم يا أفندى واستر عارك
*****
حــــــادى بـــــــادى ان البــــــادى هـــــوه الاظــــــــــــــلم
كل مرشح حـــــــزب الحـــــاكم يوم ترشيحه راح يتفـــطم
سيـــبو الشـــعب لوحده يهــاتى لو حيهاتى او حيبــرطــم
واللـــى حيــجى لو تسألنى يبقى الافــــضل منــه حبظــلم
فال الحادى هوه حيجى واشرب نارك
*****
حــــــــــادى بـــــــادى خدهـا نشيدك خدهــا شعـــــــارك
ليـــلك أســــــــــود وأســـــــــود منــــه هيبقــى نهــارك
لو حتفكـــر تعمـــل راجــل أو حتفكــر تنصــف جــــارك
اســـمع منى وخدها نصيحة قوم وادارى جوه فى دارك
حـــادى بــادى واحسن حاجة
تربى صغارك

هناك 73 تعليقًا:

عايزه اتطلق و يقول...

الله الله يا عم بيرم ايه الجمال ده..
بس بجد حسيت ببيرم فى الموضوع وده مش شئ وحش ده شئ يضيفلك
انا جيت اهه ولبيت الدعوه
هو انا ااقدر يا ابو كرباج سودانى
ده حتى الكرباج بتاعك بلديات ..
ربنا يوفقك ومن احسن لاحسن
وعارف فيه مدونة الشاعر بشير عياد ممكن تفيدك قوى قوى وبعدين شاعر كبير وخلوق ومحترم..

خديجة محسن "لؤلؤة الاسلام" يقول...

ما شاء الله
بوست راااااااااااااااااائع

بجد شكرا لك على دعوتى لزيارة مدنة حضرتك لانها جبد مدونة متميزة

و القصيدة او الشعر
عاجبنى اويييييييييي
و تحياااااااااتى

رمضان
كريم

عبد الحميد محمود يقول...

شكل بيرم

وروح أحمد فؤاد نجم

طبعا حضرتك شاعر محترم وأستاذ كبير

بس الشكل ده قديم

واعرف كمان إن الشعر مش بيحتاج

مقدمات

القصيدة وحدها تفي

وتشرفت بمعرفتك

تقبل مروري ..

أختكم فى الله يقول...

ما شاء الله

والله ملاحظة جيدة

عمرنا ما خدنا بالنا من سيدى محمد البغدادى ده

هههههههههههههه

جزاك الله خيرا

موضوع هايل

اللهم اصلح احوالنا

حياتي كلها لله يقول...

السلام عليكم
ماشاء الله ...أسلوب حضرتك في التعبير عن المشاكل جميل و كوميدي و بيضيع الملل ..زو فريد من نوعه
لدوام التواصل منتظرة زيارة حضرتك لي
تحياتي
د/سلمي

maxbeta3zaman يقول...

قصدا المرور كمرور الكرام
فرشنا وفعدنا...عجبنا الكلام
فقولنا نشوف ...قام حصل انسجام
بلوج جميل...كلام فى التمام
ورد الزياره ....عليك ياهمام
ودكانًَاآخر شريط الــــــترام

ماما أمولة يقول...

هو احنا بنختار

ايه اللي بنختاره

هو حادي بس وغصب كمان

تسلم ايدك يامصري

محمد الدخاخنى يقول...

جميل حضرتك فى كتاباتك

ربنا يوفقك يارب

وحاول تطلعلنا ديوان كده

ضى القمر يقول...

طريقه كتابتك رووعه .. وبجد عجبتنى جدا جدا يا اخى ..

بالرغم من أنى وانا صغير ةواول ما بدأت اقرا الشعر .. ماكنتش بحب الشعر العامى او الزجل ..

حتى كلمات صلاح وبيرم .. ماكنتش بقراها ..
لكن بعد ما عقلت شويه .. لقيت ليهم سحر ولذه خاصه مختلفه عن باقى انواع الشعر ..

وهنا وجدت بجد اللذه دى وانا بقرأ ليك ..

أجمل تحيه لك يا اخى

أبدعت بقلمك حقا :)

أية الشقية الشعنونة يقول...

gameel gdan el eslob el sakher
soo beautiful
really ebda3
domt mobde3
kol sana weta tayoob
ramadan kareem
my best wishes
aya

مدونة حكومتى ملاك يقول...

السلام عليكم .......

ههههههه

مدونتك دمه خفيف

وبجد البوست ده أكتر من رائع .

تقبل مرورى.

تحياتى ..


عمار صبرى

ABOALI يقول...

حادى بادى
وقالوا كمان
كرنب زبادى
مش كده
بس على الرغم من كده
مصر هاتفضل احلى بلادى
هابنى فيها طول عمرى
وهاعلم ولادى
سيرة محمد
مش سيرة البغدادى
ومهما قابلت من محن
فى سيرة محمد
حب الوطن ايمانى
ومهما لفيت
وشوفت وطن
هاترجع لمصر تانى





تحياتى على طريقة الحادى بادى

المحرر الصحفي والشاعر : عمــاد الدين يوســـف يقول...

بيرم مصر الرائع
مدونتك جميله واجمل ما فيها انها خليط بين هموم الوطن على هموم المواطن وان كانت واحده
اسلوبك شيق واتمنى لك دوام النجاح والتقدم
تحياتي وفي انتظار زيارة حضرتك

مـجـنـووون يقول...

كلمات جميله بس
حيجي اليوم إلي تلاقي فيها الناس ترفع صوتها من غير خوف

ليـــلك أســــــــــود وأســـــــــود منــــه هيبقــى نهــارك
لو حتفكـــر تعمـــل راجــل أو حتفكــر تنصــف جــــارك
اســـمع منى وخدها نصيحة قوم وادارى جوه فى دارك
حـــادى بــادى واحسن حاجة تربى صغارك


عندك حق
يعني من الأخر الواحد يشد الحاف وينام

تقبل جنوني
مجنووون

Beram ElMasry يقول...

عزيزى: المجنون جدا
اولا : كل الشكر لتفضلك بالزيلرة لمدونتى والتعليق ،
ثانيا : ما اسعدك يا مجنون بحب مصر ، فحبك اقدس من حب قيس
وانقى وابقى
ارجو التكرم بمعاودة الزيارة لمدونتى
ولا تحرمنى من النقد والتوجيه ، وقراة بقية الموضوعات
مع خالص شكرى وامتنانى
مفحوطة : لو سمحت لى باضافة مدونتك للمفضل عندى من المدونات ولك شكرى

اول برنامج أذاعى عن النت والمدونات من ماسبيرو يقول...

سرنا مشاركتكم معنا فى اول برنامج أذاعى عن النت والمدونات فى الشرق الأوسط
ننتظر تعليقاتكم فى مدونتنا وزيارة موقعنا
المدونه
http://netonradio.blogspot.com
الموقع
http://dear.to/cairo

17 سبتمبر, 2008 04:31 م

rosealia29 يقول...

سلام عليكم ..

مدونتك غاية في الإبداع .. طالع من نبض واحد فعلاً مشكلته مش دهولته آد ما هي ربنا يهدي إللي دهوله ..

أول مرة آخد بالي من سلبية ( حادي بادي ) تناولك ليها جميل جداً ..


تقبل مروري ..

norahaty يقول...

السلام عليكم ورحمة الله وبركاته
(سيـــبو الشـــعب لوحده
يهــاتى لو حيهاتى
او حيبــرطــم)
اهو اللى احنا
فيه ده مهاتيه
طالما انها لن تُؤثر
على مناصبهم وثراواتهم
يتركوا لنا الكلام والكلام فقط

MaGn0liA... يقول...

حلوه اوى

تلميحاتى - يوسف الشافعى يقول...

عندك حق
لأننا حاطين
راسنا فى الطين
وصوابعناكمان
فى الشق
وماسكين شواكيشهم
وبيدقوا على راسنا
ضرب ونازلين دق
والله العظيم عندك
حق وانا معاك مدهول
زيك بس راسى مش عاوزه
شاكوش دى عاوزه مفك
تفك صواميل العند
وتشيل ده من دى
وتسك الباب علينا
ونسك الباب ابدا
مايتسك
حادى بادى مصر كلها
عاوزه مفك

تلميحاتى - يوسف الشافعى يقول...

انا هاحط رابط مدونتك عندى بعد ازنك لانها جميله انا أريت كتير فيها
تحياتى

محمد عبد القوى يقول...

ومستنى منى انا نقد وجى على مدونتى تدعونى
طب ما انت جامد اهو واحسن منى الف مرة كمان
ياعم تعالى انت انقدنى
الله ينور بجد

منة الله يقول...

المقدمة جميلة ,,

الكلام عن حق الاختيار و محمد البغداداي عجبني جدا ..

رؤية جديدة ..






و لكن مش بستظرف الأشعار السوداوية

اللي بتصف الحياة على أنها هم و كرب

لأني شايفة بنفسي إزاي المجتهدين بيوصلوا

بيتعبوا أه .. بس بيوصلوا ..

فـ .. يعني نجتهد أفضل ..

مدحت محمد يقول...

جميل الكلام

بس للاسف مفيش فعل


كل سنة وحضرتك طيب

شمس النهار يقول...

ماشاء الله جميله انا هقراها كلها بس علي مراحل
مش هقدر في يوم واحد
الاجمل ان المعلقين استخدموا الشعر في الرد
المدونه عملت صالون ثقافي جميل
اتفضل عندي بقه حل الفزوره بس بشرط تحلها بالزجل الجميل بتاعك
شكرا

د.توكل مسعود يقول...

أخى المد....

لاأحب لك هذه الصفة...
ولا أرتاح لإحباط الناس واتهام الشعب ووصفه بهذه الصفات
نحن فى حاجة لمن يأخذ بأيدينا ولسنا فى حاجة لمن يهدم ويحطم

بارك الله فيك وأحسن الله إليك

مروة كمال يقول...

فعلا ، شعر معبر جدا

كلمات قوية عميقة .. خفيفة !

وهذا هو المطلوب


فكرة هادفة تصاغ بأسلوب سلس


فقط ، بعض الكلمات لم يستسيغها فهمي

كلمتي :تهنكر ، و غادي

في

ياللـــــى تهنـــــكر قـــرب منى والمتوضى يبعــد غــــادى


كما أعجبني جدا المقطع الأخير :

حــــــــــادى بـــــــادى خدهـا نشيدك خدهــا شعـــــــارك
ليـــلك أســــــــــود وأســـــــــود منــــه هيبقــى نهــارك
لو حتفكـــر تعمـــل راجــل أو حتفكــر تنصــف جــــارك
اســـمع منى وخدها نصيحة قوم وادارى جوه فى دارك
حـــادى بــادى واحسن حاجة تربى صغارك


وأيضا فكرة التقديم للأبيات الشعرية جميلة

وفقكم الله

نهر الحب يقول...

اه
اقولك اية حادى بادى
فى الاخر ولا طلع كرنب ولا زبادى
طلعت كووووووووووووسة وبس

بوست جميل
بجد تسلم اناملك اسقاطك جميل

دعاء مواجهات يقول...

جميله اوى

مش مجرد كتابه وبس

لا فعلا شعر عامى متميز

تقبل تحياتى

أنا إنسان يقول...

هههههههههههههههههه
بموت في الشعر الساخر ده
رائعه

engy يقول...

ععندك حق فى كل اللى قلته بس احنا اللى بنعامل نفسنا كده مستنين اى واحد علشان نهتف وراه او معجزه من عند ربنا مبنحاولش نعمل اى حاجه
كل سنه وانت طيب

Beram ElMasry يقول...

ماما اموله
كل الاحترام والتقدير لشخصكم الكريم ، مع خالص الشكر على هذا الاطراء الطيب ، واعلمى سيدتى انى لااهدف الى الاساءة الى المصريين وانا منهم ، ارجو التكرم بمعاودة الزيارة لمدونتى
ولا تحرموننى من النقد والتوجيه
مع خالص شكرى وامتنانى

العزيزة . ميرو
مرحى بقوة الشباب وتدفقه ، واعلمى انى كالكثيرين مج المداهنة ، ونقد الذات تقويم لها وانفع
ارجو التكرم بمعاودة الزيارة لمدونتى
ولا تحرموننى من النقد والتوجيه
مع خالص شكرى وامتنانى

عزيزتى المحبة فى الله
السلام عليكم ورحمة الله وبركاته
اهلا بك ضيف كريم فى مدونتى وتقديركم لما اكتب شرف لى
ارجو التكرم بمعاودة الزيارة لمدونتى
ولا تحرموننى من النقد والتوجيه
مع خالص شكرى وامتنانى

احمد بك سمير
شكرا على امنيتك الجميلة لمدونتى
ارجو التكرم بمعاودة الزيارة لمدونتى
ولا تحرموننى من النقد والتوجيه
مع خالص شكرى وامتنانى

اخى المواطن المصرى
ان كانت عينك نائمة فقلبك يقظ ، والا ما تمنيت لى هذه الامنية الرقيقة ، ارجو التكرم بمعاودة الزيارة لمدونتى
ولا تحرموننى من النقد والتوجيه
مع خالص شكرى وامتنانى

اخى عمار صبرى
السلام عليكم ورحمة الله وبركاته
انه لشرف عظيم لى ان ينال عملى اعحابكم ، فلا تحرمنى شرف زيارتكم
ولا تحرموننى من النقد والتوجيه
مع خالص شكرى وامتنانى


المهذبه الكريمة miada
يجب ان لا ننزعج من نقد انفسنا ، فاغماض العين عن العيوب جريمة فى حق الذات والوطن
شكرا لمشارتكم فى التعليق
ارجو التكرم بمعاودة الزيارة لمدونتى
ولا تحرموننى من النقد والتوجيه
مع خالص شكرى وامتنانى
اخى العالم الحبيب
السلام عليكم ورحمة الله وبركاته
اعتقد يا اخى الكريم ان هذه حالى ، لان عندما اتخبط فبما ارى وتتشابك الامور ولا اعرف منها فاكا اوهروب فبالتاكيد ان مدهول
، مع اعزازى وتقديرى
وارجو التكرم بمعاودة الزيارة لمدونتى
ولا تحرموننى من النقد والتوجيه
مع خالص شكرى وامتنانى

استاذى الجليل . maxbeta3zaman
بعد خالص التحية والتقدير ، اشكرك على ملاحظتك الدقيقة فى اصطياد الخلل فى ميزان البيت الرابع ، وكيف يغضبنى توجيهك ،وهو ارشاد لاصلاح خلل معيب ، واسمح لى ان اقول انه بالفعل شعرت بهذا الخلل ، ولو حاولت الاصلاح لاختل المعنى من وجهة نظرى
دام دكانكم مفتوح لنا ، فمنه الزاد والزواد ليستقيم عودى ويشتد ساعدى
صار حق عليك نقد ما اكتب من شعر ونثر


استاذى الجليل . maxbeta3zaman
السلام عليكم ورحمة الله وبركاته
شكرا وارجو ان لاتنسى النثر ، وبالمناسبة مارايكم فى عمل مقدمة للقصائد

استاذى الجليل . maxbeta3zaman
الحمد لله ان هذه القصيدة نالت رضاكم


المحرر الصحفى والشاعر : عماد الدين يوسف
اهلا بدعاة التنوير وجنود نشرالثقافة والمعرفة ، جزاك الله عنى خيرا لما اوليت به عملى من اطراء ، سعدت بالدخول الى مدونتك ، وقرات الرباعية (الدنيا مكروباس ) ، فقد اصبت فى التشبيه ، فكلاهما يتدفق فى جنون ، وكلاهما متغير القيمة بغير ضابط ، وكلاهما ملكا للسلطة لانه كما تعلم ان غالبية الميكوباسات ملكا لرجال الشرطة
وارجو التكرم بمعاودة الزيارة لمدونتى
ولا تحرموننى من النقد والتوجيه
مع خالص شكرى وامتنانى


عزيزى: المجنون جدا
اولا : كل الشكر لتفضلك بالزيلرة لمدونتى والتعليق ،
ثانيا : ما اسعدك يا مجنون بحب مصر ، فحبك اقدس من حب قيس
وانقى وابقى
ارجو التكرم بمعاودة الزيارة لمدونتى
ولا تحرمنى من النقد والتوجيه ، وقراة بقية الموضوعات
مع خالص شكرى وامتنانى
مفحوطة : لو سمحت لى باضافة مدونتك للمفضل عندى من المدونات ولك شكرى

العزيز .مدحت محمد
وانت بكل الخير والسلامة ، ومستقبل عريض
ارجو ان اكون قد اصبت فيما قلت وما سوف اقول ولا تحرمنى من النقد والتعليق لان بالنقد والتوجيه يستقيم قلمى واتجنب الخطأ


عزيزتى . منة الله صابر
لك كل الشكر والتقدير والحمد لله انك ترين النصف الممتلئ من الكوب ، ارجو ان اكون قد اصبت فيما قلت وما سوف اقول ولا تحرميننى من معاودلا الزيارة والنقد والتعليق ، لان بالنقد والتوجيه يستقيم قلمى واتجنب الخطأ

عزيزى المهذب . محمد عبدالقوى
شكرا على الاطراء الجميل وهذا التواضع ، ويشرفنى صداقتك ، اعجبتنى خفة الظل فى عربية التين ، مع الالم من الجرح المتسع والفوارق الطبقية ، ثم انقلبت مخيفا تفزع الضمائر الميتة ، وترسم بتوفيق شديد صورة الكفيف ، رمضان طيب ليست بحلاوة التين الشوكى ، وبكل صدق انصح لك بان لا تجبر قلمك ان يكتب مالا يتفاعل فى خاطرك ويستفذ ملكة الشعر عندك ، ولا تتعجل فالعمل المهضوم اجود وراجع الاخطاء الطباعية ، اخى . احرص على ان يكون عملك متقن واستفد من كل نقد ، معزرة للاطالة ولكنها فرحتى بصداقتك
ارجو التكرم بمعاودة الزيارة لمدو
ولا تحرمنى من النقد والتوجيه ، وقراة بقية الموضوعات
مع خالص شكرى وامتنانى نتى


يوسف بك الشافعى
اجمل تكريم لى ان تجعل مدونتى من بين ماتفضل من المدونات وحافذا لى ان اتقن قدر استطاعتى حتى لا افقد صديقا مثلك ، وربى ينور بصيرتى وبصيرتك ، ونشيل الكمامة والعماة ونعرف احنا فين ، الدويقة بس ، واللى ماتو في السفينة معرفش كام ، واللى راحو يدورو على لقمة لما الجوع قرص ، لكن غرق وشاف حلم اللى اتسرق
ارجو التكرم بمعاودة الزيارة لمدونتى
ولا تحرمنى من النقد والتوجيه ، وقراة بقية الموضوعات
مع خالص شكرى وامتنانى



د‌. توكل مسعود
السلام عليكم ورحمة الله وبركاته
شكرا لتفضلك بزيارة مدونتى والتعليق ، وشكرا لادبكم والاحجام عن نعتى بالمدهول ، وما تمنيت لن يوصف شعبنا بالتقصير ، لكن اخى الكريم اننا تعودنا على مساعدة الغير ، انظر لاغانينا مثلا ( قولو لمازون البلد ) ، ( يارايحين الغورية هاتو ) ، ( يامين يجيب لى جواب ) ، دائما نطلب من الغير عمل شئ لنا ، تصور سيادتك غلت بالحرف الواحد ( نحن فى حاجة لمن يأخذ بأيدينا ) ، مع ان فينا كما تعلم واعلم اكفاء لكن لايتاح العمل لهم الا بامر
اخى الدكتور توكل . ارجو التكرم بمعاودة الزيارة لمدونتى
ولا تحرمنى من النقد والتوجيه ، وقراة بقية الموضوعات
مع خالص شكرى وامتنانى


الفاضلة . شمس النهار
كرم منك هذا التعليق ، وفكرة الفزورة لطيفة ، فسمعنا واطعنا

لنا انفع اكون صانع ولا افهم فى شغل الغيــط
انا صامت ولا بسمع وانا بمشى فجنب الحيط
ولو ابرة مبعرفشى ادخل فيها طرف الخيـــط
وانا خايف وانا من خوفى متلخبط متـــدهول

ارجو التكرم بمعاودة الزيارة لمدونتى
ولا تحرميننى من النقد والتوجيه ، وقراة بقية الموضوعات
مع خالص شكرى وامتنانى

عزيزى . انا انسان
سلامتك من كل مكروه ، وسوف احاول تحسين وتجويد ما اكتب لادخال البهجه الى نفسك الذواقة ، واحافظ على صداقة كل من له هذا الاحساس المرهف ، اخى لن تنسى ولن ننسى ، ومصرنا كانت وسوف تبقى حتى ينكشف الضباب ، وان كانت الكلاب مسعورة فهى مامورة
ارجو التكرم بمعاودة الزيارة لمدونتى
ولا تحرمنى من النقد والتوجيه ، وقراة بقية الموضوعات
مع خالص شكرى وامتنانى


الفاضلة الكريمة . مروة كمال
شكرا على تفضلك بالتعليق والف شكر للزيارة
اما كلمة ( يهنكر ) اي من يعمل عمل كداب الزفه ، او ( كشرابة الخرج ) وهى فلنشة من الصوف لا فائدة لها ، او ( خيال المقاته )
مجرد خيال لاخافة الطيور
واما كلمة (غادى ) فمعناها – هناك اوبعيد – وهى تستعمل فى لغة ريف الشرقية
مبرىك عليكى الهدية من اوراق وافلام وخلافه
وارجو التكرم بمعاودة الزيارة لمدونتى
ولا تحرميننى من النقد والتوجيه ، وقراة بقية الموضوعات
مع خالص شكرى وامتنانى

كوارث يقول...

مش ممكن اللى انا بقراه ده
بجد يعني - بدون مجاملة - مقريتش حاجه عامي كده من فترة حتى لكبار
بسم الله ما شاء الله عليك
احنا لازم نتصاحب
ممكن تدخل عندي ولو شايف ان اللي بكتبه ادب يبقى احنا في الطريق مع بعضينا
سلام مؤقت

ذو الوجه المبتسم يقول...

السلام عليكم ورحمة الله وبركاته
اولا احب ابدى اعجابى بكلماتك وبفكرك
ثانيا عاوز اقول شئ
رغم ان الكلمات بتعبر عن مدى تواضع الشعب ومش هاقول تذلل الشعب او ذله
لان الشعب المصرى عمره ما يعرف الذل
هتلاقيه وقت الشده مصرى
وقت الفرحة مصرى
وفى اى وقت برده مصرى
عاوز منك تكتب شئ يحمسنا اكتر
يوجهنا لعمل شئ مفيد
وازاى نعمله
لان كتير منا بيفكر لكنه مش قادر ينفذ
وكتير نفسه ينفذ بس مش عارف يبدأ منين
ياريت فى كتاباتك القادمة تكون فيها توجيه اكثر منها توبيخ
اسف للفظ
ومعلش طولت عليك
لكنى بجد سعيد بالتعرف عليك
وربنا يديم المعروف
ذو الوجه المبتسم

Habiba يقول...

ياسلام
خدها نصيحه وربى صغارك
تصدق احنا بقينا كده بجد !!!
وضع مؤسف
عجبنى فى كلامك بجد انه بالعاميه
ودلوقتى عرفت مين اللى مدهولك

بس تعرف انت لفت نظرى بجد لحكايه حا بادى دى لانها انسب وصف لينا فى كل مواضيع حياتنا

تحياتى جدا واسعدتنى تلبيه الدعوه

محمد الجرايحى يقول...

سيدى الفاضل
موهبة واضحة وضوح الشمس لاجدال
ننتظر منك بمشيئة الرحمن الكثير

3ashk el7ob يقول...

كلامك جميل قوى ومعبر
بس لو كل واحد ادارى ف داره مين هيداف عنها
ويحل مشاكلها

Beram ElMasry يقول...

الاخت الكريمة ، engy
وانت طيبة وفى صحة وسرور
اشكرك على تشريفك لمدونتى والمشاركة بالتعليق ، وارجو التكرم بقراءة بقية المدونة لعلك تجدين مايرضيك من حب القراءة
وارجو التكرم بمعاودة الزيارة
ولا تحرميننى من النقد والتوجيه ، مع خالص شكرى وامتنانى

Beram ElMasry يقول...

اخى الكريم. محمد الجرايحى
السلام عليكم ورحمة الله وبركاته
اوليتنى شرفا اكبر منى ، فلك كل الاحترام
ورجائي ان تشرفنى بقراءة بقية المدونة لعلها تحوذ رضاك
وارجو التكرم بمعاودة الزيارة
ولا تحرمنى من النقد والتوجيه ، مع خالص شكرى وامتنانى

Beram ElMasry يقول...

الفاضلة. Habiba
السلام عليكم ورحمة الله وبركاته
والله نفسى اربيهم لكن ازاى
والحمد لله انك عرفتى سبب البهدله والدهوله
لعبة الاختيار رائعة لو لعبناها ولو مرة صح
واروع شئ بالنسبة لى انتقرأى بقية المدونة
شكرا على التعليق
وارجو التكرم بمعاودة الزيارة
ولا تحرميننى من النقد والتوجيه ، مع خالص شكرى وامتنانى

Beram ElMasry يقول...

الاخ الكريم ، ذو الوجة المبتسم
السلام عليكم ورحمة الله وبركاته
وجه مبتسم ، تعنى نفس صافية وقلب طاهر ، وهذا واضح جدا فى التعليق المهذب ، ومن انا لاتعرض لشعب مصر بالتجريح ، انا فلاح مصرى ، جذورى فى بطن ارضها المنهكة الظامئة لقطرة ماء غير ملوثة ، وسماد غير مسرطن
اخى ذو الوجه الجميل اسعدتنى زيارتك وتزيدنى سرورا لو قرأت بقية المدونة
وارجو التكرم بمعاودة الزيارة
ولا تحرمنى من النقد والتوجيه ، مع خالص شكرى وامتنانى

Beram ElMasry يقول...

اخى الكريم . 3ashk el7ob
السلام عليكم ورحمة الله وبركاته
( اسأل روحك ) مع الاعتزار لشخصك الكريم وام كلثوم
كل الشكر والتقدير لتفضلك بالتعليق ، وليتك تولينى شرفا بقراءة بقية المدونة لعلك تجد ما يوثق العلاقة والصداقة بيننا
وارجو التكرم بمعاودة الزيارة
ولا تحرمنى من النقد والتوجيه ، مع خالص شكرى وامتنانى

محبة للحبيب محمد صلى الله عليه وسلم يقول...

جميل جدا وبيعبر بقوة واقع عايشينة وبنعيشة كل يوم .. ربنا يصبرنا

canary يقول...

اجمل ما فى الزجل انه فعلا بيهجو وضع

وضع حقيقى وموجود ومش مجرد كلام موزون ومقفى

كمان طرحك رائع وشيق

أسلوب حضرتك راقى مفيهوش أسفاف
تقبل مرورى
تحياتى

احمد الجيزاوى يقول...

ايه الحلوة دة يا شاعر
يا جامد
تحياتى لك احمد الجيزاوى

Beram ElMasry يقول...

الاخت الكريمة ، محبة للحبيب محمد صلى الله عليه وسلم
السلام عليكم ورحمة الله وبركاته
شكرا جزيلا للمشاركة والتعليق
اسعدتنى زيارة مدونتك ، ولو اذنت لى بابداء الراى فى انثى ، نزار ،قلت ان فقدت الانثى غيرتها فقدت قلب الرجل ،

الانثى ابنتى
امى ، اختى
وزوجتى
لابنتى درع حديد
انا لامى عمر جديد
وساعد لاختى وجيد
ولزوجتي كل المعانى جلها
فان تغير قلبها
وبات وضعى عندها
يستوى
فقدت هيبتى

وارجو التكرم بمعاودة الزيارة
ولا تحرميننى من النقد والتوجيه ، مع خالص شكرى وامتنانى

Beram ElMasry يقول...

الاخت الكريمة ، canary
السلام عليكم
اشكرك على تشريفك لمدونتى والمشاركة بالتعليق ، وارجو التكرم بقراءة بقية المدونة لعلك تجدين مايرضيك من حب القراءة
وارجو التكرم بمعاودة الزيارة
ولا تحرميننى من النقد والتوجيه ، مع خالص شكرى وامتنانى

Beram ElMasry يقول...

اخى الكريم رجل القانون . احمد الجيزاوى
شكرا لك ان كنت قضيت لى بالجودة ، فسعادتى ستكون بتكرمك ، وقراءة باقى الموضوعات
وارجو التكرم بمعاودة الزيارة
ولا تحرمنى من النقد والتوجيه ، مع خالص شكرى وامتنانى

Beram ElMasry يقول...

الصديق صاحب مدونة . كوارث
السلام عليكم ورحمة الله وبركاته
سلام مربع ابتهاجا بزيارتك لمدونتى وفرحة بصداقتك ،
دخلت عند اللى اختشوا فوجدت القلم المصور للحدوتة حى وعمره طويل انشاء الله
وارجو التكرم بمعاودة الزيارة لمدونتى
ولا تحرمنى من النقد والتوجيه ، وقراة بقية الموضوعات
مع خالص شكرى وامتنانى

osama يقول...

صدقت ونسجت من واقعنا ابياتاً... وصفت فيها الحال .. ابياتاً ساخرة جعلتنا نضحك على حال يرثى له...
دمت رائعاً معبراً
خالص تحياتي

انا من اهوى ومن اهوى انا يقول...

تصدق بالله إنت طلعت مية من تحت تبن وسهون

داخل تقولى فى المدونة عندى محتاج للنقد لأن النقد بيعمل وبيسوى

نقد مين يا بشمهندس إنت بسم الله ماشاء الله عليك الله اكبر مش محتاج رأى العبد لله

مش محتاج اكتر من انى اقولك من رفيق درب لرفيق درب
انا برفع القبعة لموهبتك

عامية لذيذة وسهلة وبسيطة بس بتقول كلام

تحياتى ليك

ورمضان كريم للجميع

Beram ElMasry يقول...

صديق الدرب . mohamad fawzy
السلام عليكم ورحمة الله وبركاته
قبل كل شئ انا من مواليد 14 – 1 ، اى برج الجدى غير انى اكبر سنا ، ولكم كانت دهشتى عند رؤية صورتك ذكرتنى بشبابى ، واضحكنى تطابق الميول
شكرا على الاطراء وخفة الظل فى التعليق
دخلت مدونتك وقرات فيها كثيرا ، وامسكت قلمك الجاف فوجدته يرسم صورا جميلة ولم يجف ولن يجف ولن ينضب معينه باذن الله
وارجو التكرم بمعاودة الزيارة
ولا تحرمنى من النقد والتوجيه ، مع خالص شكرى وامتنانى

ابوجلال المصرى يقول...

السلام عليكم
تحياتي الغالى على المدونه المصريه الجميله واشعارك المبدعه
ومعروف عنى لا اجامل ... ولا اترك تعليق لمن لا يستحق
فشكرا لك ومتابع جديدك
والسلام

أختكم فى الله يقول...

فيه تاج فى مدونتى يا ريت لو حضرتك تحله

Beram ElMasry يقول...

اخى الكريم . ابوجلال المصرى
حبا وكرامة ، وسمعا وطاعة ،ونزولا على امرك ساقدم بعد غد الثلاثاء ، ارجو ان ينال القبول ، وانى اشكرك على التعليق ، وارجو التكرم بمعاودة الزيارة
ولا تحرمنى من النقد والتوجيه ، مع خالص شكرى وامتنانى

Beram ElMasry يقول...

سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام التقدير

صباح الصباح يقول...

بجد ابدعت

norahaty يقول...

السلام عليكم ورحمة الله وبركاته
بيرم المصرى
هل ترى ان كلامى
لا يستحق الرد عليه؟؟؟
شكرآ

ojg يقول...

كلامك فعلا جميل
حقيقي وواقعي وصياغته جيدة
بس لي عندك عتاب
وأرجو تقبله
دخولك في المدونات وترك دعوة لزيارة مدونتك والتعليق والنقد فيها
مع عدم ابداء الرأي او النقد او التعليق في أي مدونة تدخلها
ترك لي أثرا سيئا
حتى اني كنت عزفت عن الدخول إلى مدونتك طيلة الفترة السابقة
:(
وأتصور اني لست الوحيدة التي فعلت ذلك
فها أنت تحرمنا مما تدعونا إليه
تقبل مداخلتي

Beram ElMasry يقول...

الاخت الكريمة الفاضلة . norahaty
معذرة عن غفلتى والتقصير غير المتعمد فى الرد على من اولانى اهتمامه والمشاركة فى التعليق ، وان كنت قد قصرت ، فانت اهل للصفح والتسامح ، واكرر اعتذارى فقد اجهدنى عتابك ، وان عفوتى فعندى جديد كل ثلاثاء ، وانى انتظر

Beram ElMasry يقول...

الاخت الكريمة . ojg
اسعد الله صباح واسعد الله مساءك
بعد تقديم مايليق بك من شكر وامتنان لتفضلك بالمشاركة والتعليق ،
عتابك مر لا استحقه ، لاننى ماقصرت عن عمد ، ولكن انا حديث عهد بالمدونات لم اكمل شهرا ، وكل ما تمنيته ان اكسب اكبر عدد من الاصدقاء والمشاركين ، فان حظيت عندهم بالقبول ، تقبلوا منى المشاركه والتعليق وصارلى حق ابداء الراى
شكرا لك وان عفوتى فعندى جديد كل ثلاثاء ، وانى انتظر

ojg يقول...

أسفة جدا ان كان عتابي قاسيا
ولكني وددت أن أنقل لك ما شعرت به
وبالنسبة لتعليقك ونقدك
فأرجو أن تعلم أننا كلنا في التدوين إخوة لا فرق بين قديم ولا جديد إلا بالرأي والأسلوب :)
وبعدين الواحد بيجيله تعليقات من غير معرفين
وبينشرها وبيحترمها رغم جهله بأصحابها
يبقى أكيد لو جاله تعليق من مدون واعي مثقف زي حضرتك
هتبقى أكيد محل اهتمام وتقدير

هستنى نقدك ليا
:)

طوبة ذهب وطوبة فضة يقول...

ايه الكلام الجامد ده بس الموضوع جميل تسلم ايدك تحياتى

Beram ElMasry يقول...

الاخت الكريمة . ojg
دخلت عشتك واطربنى كاااااااااااك من الوزة المتمردة ، عفوا مدونتك ، ورايت عدم استقرار دكر الوز لانة يعلم انه اول من يذبح عند اللزوم ، والوزة
هى اللى ع الحجر ، وبعدين هوه دكر الوز بالجمع ، وانتى اللى قايلة ، وهوه فيه وزة خير من الف بطة حتى لوكانت عصفر
كله بالحنية يفك ، يفك يعنى يخلع ؟
سيدتى لهذا الدكر مزاج فرارجى ، وانا مع الوزة

ojg يقول...

مبسوطة باهتمامك وقراءتك
ومبسوطة أكتر ان الوزة صعبت عليك
:)
في انتظار الثلاثاء
:)

Beram ElMasry يقول...

الاخت الكريمة ، طوبة ذهب وطوبة فضة
ان كانت قصتك من خيالك فهى طريفة ، وان كانت واقعية فهى اجمل ، لطلاقة الاسلوب وخفة الروح . مع الحزر من لبس كعب لانه لايناسب القطط
لم افهم معنى لعبة التاج ، انها مثيرة للشك وتهدف الى شئ غير مريح

احمد الجيزاوى يقول...

بجد انا سعيد بتعليقك ودائما الى الامام ومعرفه خير ان شاء الله
تحياتى
احمد الجيزاوى

SMA يقول...

السلام عليكم ورحمة الله وبراكاته
كل عام وأنت طيب
مدونتك جميلة جداً وشِعرك جميل
معلش علشان أنا جديدة في البلوج علشان كده إتأخرت في الرد,
بالفعل إحنا في مصر عيشين في حالة قهر هوة ده تاريخ مصر أحيناًتبقى في حالة عز و كرامة وأحياناً اخرى في حالة قهر يلله ربنا يفرجها على مصر كلها
والموضوع والشِعر ممتازين
وإيه رأيك في مدونتي؟؟؟
و أرجوا دوام الزيارة

وشكراً

SeSaMe يقول...

جاااااااامدة جدااا

محمد فارس يقول...

ما شاء الله
احمدفواد نجم++ ايمان البكري++بيرم المصري
يا جماعه حرام عليكم ماتسحبوش رجلي قصدي لساني اناعندي بنت عايز اربيها
(ليلك اسود واسودمنه هايبقي نهارك)
مشاء الله عليك انت لسه شايف في نهارنا نور
حرام عليك بقه شوية امل لكي نحيا

Beram ElMasry يقول...

عزيزتى الكريبمة . sma
شكرا على الاطراء ، ولقد حاولت مرارا الدخول الى مدونتك لكن للسف لا يقوى حهازى على الاستمرار بسبب المساحات اللونية فى المدونة الرمضانية الجميلة اللتى لم يتم فتحها تمنيت الدخول للمشاركة وعجز جهازى ، فاقبلى عذرى وتقبلى شكرى

mostafa rayan يقول...

عيد فطر سعيد عليك
بخصوص حادي بادي متهيألي لازم الشعب يصحي ويكونله موقف ورأي حادي بادي مش هينفع اكتر من كدة يا صاحبي

حياتي كلها لله يقول...

اسأل الله لك رزق مريم و قصر آسيا و تقوي عائشة و قلب خديجة و رفقة فاطمة و جمال يوسف و مال قارون و حكمة لقمان و ملك سليمان و صبر أيوب و عدل عمر و حياء عثمان و وجه علي ومحبة رسول الله "صلي الله عليه و سلم "و ميعاد آل ياسر .....و كل عام و أنت بخير ..
تحياتي
د/سلمي